الرجاء الدخول فزعتكم يالمكشاتيه القلق ذبحني

[صقار الهواشم]

مساكم الله بالخير يالربع
اما بعد...........

انا راعي مقناص و رحلات ومكاشيت و ابل
وكان معي جيب لاند كروزر 98 وكد معي مشا 323 وبعته

ولحين ناوي اشتري شاص لاكن؟؟؟ مدري وش اخذ 11ريشه ولا 8ريش وموديل كم اخذ هل الجدييد فيه خير

ونا ابيلي موتر يكد ويمد \لك وللزمن\ يعني هوموتري الوحيد ابتمشا فيه بروح للدوام فيه وبقنص فيه وبروح للبر فيه وبروح للبل فيه
تكفووون يالنشامااا المطااااليق
لاتخلوني افزعولي
والله لدعيلكم

[سفيرالنوض]

ابشر بعزك
حسب تجربتي الشاصات الجيوب مافيها فرق في العضلات والمتانه
الا من 2010 ومافوق غيروا المكينه لكن لاتنسى انها صناعة يابانيه
المواتر الاوله جربت 2003 وجربت 2008 المكاين قوة وتحمل بلاوي
كل الموترين صرحه اجرمت فيهن وبعتهن ومكاينهن كانها ما مشت
الاخيرات ما جربتهن صراحه .. لكن لو اباخذ ما رايح اشتري 2009
لان سعره يقولون مرتفع خذ من الجديد واتكل على الله والله ان يكدونه عيال عيالك
بالنسبه لريش الفرق ان ابو 8 ريش مريح لكن ما تقدر تحط عليه 60 كيس شعير
يعني يبي يشيل لك 40 كيس ولكنه اريح بكثير من 11 ريشه والباقي مافيه فرق
وسلامتك

[أبوبشير العنزي]

ودي اخدمك ولكن ماعندي خبرة في الشاص العذر والسموحة...

[صقار الهواشم]

بيض الله وجيهكم ولاهنتم
لاكن الي ابا اوصله هل الشاص 8 ريش عزمه في النفود وتحمله للمكده وممشاه في الرمله ماعليك خوف يعني
هل الشاص ال8ريش لو رحتبه الربع الخالي بيبيض وجهي ولا بغرز وتعلقه الرمله لنه مهبط و مثل ماتخبرون 8ريش؟؟؟؟؟؟؟؟؟؟؟؟

[**nawaf**]

خذ 8 ريش وتوكل على الله عزمه قوي وبيطربك باالبر والمدينه ومطبه هادي كنك راكب جي اكس ار

و11 ريشه حلوه لاكن بيعوفك الطلعه قاسي حيل

[alrowaily]

الله يعطيك الي يريحك

[lahoop]

السلام عليكم ورحمة الله وبركاته
اخوي
الشاص واحد من حيث العزم والقوة ولكن فقط الاختلاف بكمية الحمولة تفرق حيث ان شاص١١ ريشة يشيل حمولة اكثر فقط
عندما تشترية فك المسامير اللي بثلاجة المكينة لانها مع الاستعمال تسقط وتخرب المكينة
هذا ما اعرفه وسامحني

[صقار الهواشم]

بيض الله وجيهكم ولاهنتم

[طلال فهد]

خذ 8 ريش وتوكل على الله