فورتشنر vs أف جي

[المزعلاوي]

بسم الله الرحمن الرحيم
السلام عليكم ورحمة الله وبركاته

حي الله الربع والطيبين كلهم ..
وش علومكم وأخباركم عسى كل شي تمام التمام :good2:

عندي سؤال الله يبارك فيكم وأبي جوابه على طريقة س سؤال و ج جواب .. ألا وهو : أني محتار بين شراء سيارة تويوتا فورتشنر أو تويوتا أف جي ..
وأرجو الإدلاء بالرأي والمعلومة حسب ما يلي :

1- السيارة المؤيد لها ,,,,, والسبب ,,,,, :

2- الفرق بين السيارتين من حيث الراحة

3- الفرق بين السيارتين من حيث القوة والنشاط

4- الفرق بين السيارتين من حيث طول العمر وعدم سرعة الخراب

5- الفرق بين السيارتين من حيث أسعار قطع الغيار

6- الفرق بين السيارتين من حيث المتانة والحماية

7- الفرق بين السيارتين من حيث السعر

8- الفرق بين السيارتين من حيث المميزات " مانع الإنزلاق-الدفلوك-المثبت-التحكم بالدركسون-التكييف-السعة-الحساسات"

9- الفرق بين السيارتين من حيث [COL"]حفظ القيمة[/COLOR]

10- الفرق بين السيارتين من حيث الثبات على الطريق و سرعة الإنقلاب

11- الفرق بين السيارتين من حيث ارتفاع الحرارة

12- الفرق بين السيارتين من حيث صرفية البنزين

13- الفرق بين السيارتين من حيث ما تراه غيرما ذكرته ..


المعذرة على كثرة الأسئلة , لكن تحملوني شوي ما ودي أقدم على خطوة ألا مشاور هل الطيب والراي السديد..
أنتظر إجاباتكم المفيدة :)

[غار بن شعلان]

يفيدونك الاخوان ان شاء الله انا بصراحه ماجربتهم للامانه الافجي ماعمري ركبته والفورتشنر ركبته مره والحق يقال هايلكس مصندق هو والهايلكس واحد ومراتبه ضيقه

اما باقي اسئلتك مقدر اجيب عليها لاني ما اطلعت على السياراتين نهائيا

[أبو الوليد 14]

الفورتشنر الاربع سلندر لا يقربك
اما ال6 سلندر اعتقد مكينته مثل مكينة الاف جي
الفورتشنر سمعت انه دفع رباعي مستمر
من ناحية الشكل انت وذوقك
الفورشنر يشيل عفشك انت وعيالك
الفور تشنر اشوف مركبة مريح
من ناحية يمسك سعر وقطع غيار وقوة
انا اقولك سعيد اخو مبارك إذا كان فيه فرق فهو بسيط

والله يوفقك وييسر لك الموتر اللي يخدمك 20 سنه قدام ولا يطلب
ومبروك مقدما

[ابوريناد1979]

الفورتشنر الاربع سلندر لا يقربك
اما ال6 سلندر اعتقد مكينته مثل مكينة الاف جي
الفورتشنر سمعت انه دفع رباعي مستمر
من ناحية الشكل انت وذوقك
الفورشنر يشيل عفشك انت وعيالك
الفور تشنر اشوف مركبة مريح
من ناحية يمسك سعر وقطع غيار وقوة
انا اقولك سعيد اخو مبارك إذا كان فيه فرق فهو بسيط

والله يوفقك وييسر لك الموتر اللي يخدمك 20 سنه قدام ولا يطلب
ومبروك مقدما
عذرا عالمداخله
انا معي فورتشنر 4 سلندر قير عادي 2009 من اكثر من 3 سنوات وماخليت مكان مارحت له ومشيت عليه فوق 200 الف وطلعت به نفود وشعبان ، لاتقول ان الموتر سيء . الموتر اعطيه جيدجدا ... طبعا اللي متعود على مكاين نشيطه اتوقع مايصلح له .
عيوبه : غير مريح بالنسبه للمراتب والمطب ، العيب الاخر الفرامل (اتكلم عن السياحي الفل مدري عنه يمكن فرامله احسن)
بس الموتر عملي جدا وثلاث مراتب وقطع غياره مثل الهايلكس .
والحمدلله ماتحسفت عليه ولا افكر ابيعه
واي سوال انا حاضر ...
بالنسبه للاف اجي الموتر كويس وله كلام ثاني بس اذا انت رب أسره مايصلح لك .

[أبو الوليد 14]

عذرا عالمداخله
انا معي فورتشنر 4 سلندر قير عادي 2009 من اكثر من 3 سنوات وماخليت مكان مارحت له ومشيت عليه فوق 200 الف وطلعت به نفود وشعبان ، لاتقول ان الموتر سيء . الموتر اعطيه جيدجدا ... طبعا اللي متعود على مكاين نشيطه اتوقع مايصلح له .
عيوبه : غير مريح بالنسبه للمراتب والمطب ، العيب الاخر الفرامل (اتكلم عن السياحي الفل مدري عنه يمكن فرامله احسن)
بس الموتر عملي جدا وثلاث مراتب وقطع غياره مثل الهايلكس .
والحمدلله ماتحسفت عليه ولا افكر ابيعه
واي سوال انا حاضر ...
بالنسبه للاف اجي الموتر كويس وله كلام ثاني بس اذا انت رب أسره مايصلح لك .

مرحبا ابو ريناد
لا يقربك من ناحية العزم ....الموتر عزمه سيء واعرف اكثر من شخص باعه عشان عزمه
في الرمل وفي الخط وانت محمل يقول تكره الموتر .
لكن اللي مهب راعي مداعس و نفود على خفيف المونر يمشي معه .
مثل ما قلت اللي مهب متعود على نشيط لا يقربه
الرجال شاري شاري ياخذ سته ولا اربع سلندر ....؟ اكيد بتقول 6 سلندر
طبعا كلامي هذا مهب معناه ان الموتر سيئ ولا يصلح لشي بالعكس الموتر حليو وعملي
واهم شي انك مقتنع فيه وجايز لك والله يطعمك من خيره ويكفيك شره ويجعله موتر مبروك

[MAAMutlaq]

بسم الله الرحمن الرحيم
السلام عليكم ورحمة الله وبركاته

حي الله الربع والطيبين كلهم ..
وش علومكم وأخباركم عسى كل شي تمام التمام :good2:

عندي سؤال الله يبارك فيكم وأبي جوابه على طريقة س سؤال و ج جواب .. ألا وهو : أني محتار بين شراء سيارة تويوتا فورتشنر أو تويوتا أف جي ..
وأرجو الإدلاء بالرأي والمعلومة حسب ما يلي :

1- السيارة المؤيد لها ,,,,, والسبب ,,,,, : حسب استخدامك ( عائلة - شباب - عزاب ) .

2- الفرق بين السيارتين من حيث الراحة : لا تدور الراحة بالجيوب لكن من تجربة الاف جي اريح .

3- الفرق بين السيارتين من حيث القوة والنشاط الإف جي ولا الفرق أقوى وأنشط من الفورتشنر .

4- الفرق بين السيارتين من حيث طول العمر وعدم سرعة الخراب الفورتشنر يكد بشكل فظيع . الاف جي أشوف اللي موديله 2008 ماشي معهم زي العسل ( الفورتشنر اصبر )

5- الفرق بين السيارتين من حيث أسعار قطع الغيارما أفتيك .

6- الفرق بين السيارتين من حيث المتانة والحماية الإف جي مواصفات الامان أعلى من الفورتشنر .

7- الفرق بين السيارتين من حيث السعر الإف جي 140 للفل . الفورتشنر 125 للفل ( يزيد وينقص ) .

8- الفرق بين السيارتين من حيث المميزات " مانع الإنزلاق-الدفلوك-المثبت-التحكم بالدركسون-التكييف-السعة-الحساسات" كلهن بهن مانع انغلاق لكن الاف جي به مانع انزلاق وغير متوفر في الفورتشنر . الدفلوك كلهن موجود . المثبت كلهن . التحكم بالطارة كلهن . التكييف الفورتشنر أفضل من الإف جي بسبب عدد فتحات التكييف . لكن رأيي الاف جي ما يبي زود والسبب حجمه . السعة لصالح الفورتشنر ( إذا صفطنا المرتبة الثالثة . الحساسات كلهن موجودات .

9- الفرق بين السيارتين من حيث حفظ القيمة كلهن طيبات بمسك السعر ( مع انه هالوقت مافيه سيارة تمسك سعره بقوة ) .

10- الفرق بين السيارتين من حيث الثبات على الطريق و سرعة الإنقلاب الإف جي أفضل بكثير من ناحية الثبات وعدم الانقلاب .

11- الفرق بين السيارتين من حيث ارتفاع الحرارة كلهن حرارتهن ما ترتفع ( إذا كانت السيارة سليمة .

12- الفرق بين السيارتين من حيث صرفية البنزين الإف جي يصرف أكثر بسبب مكينته وصغر تانكي البنزين ( لكن حلو المشكلة وأضافوا تانكي ثاني في موديل 2013 )

13- الفرق بين السيارتين من حيث ما تراه غير ما ذكرته ..


المعذرة على كثرة الأسئلة , لكن تحملوني شوي ما ودي أقدم على خطوة ألا مشاور هل الطيب والراي السديد..
أنتظر إجاباتكم المفيدة :)

المقارنة بين الفل اوبشن من السيارتين 6 سلندر .

تحياتي .

[الامل بالله]

وعليكم السلام ورحمة الله و بركاته

بالنسبه للمكينه وحده 4000 كلها
بالنسبه لرساوه انا انا معي فورتشنر2012 ماشاء الله طيب ولا ادري عن الاف جي
الفورتشنر دفع رباعي مستمر بعكس الاف جي خلفي
الفورتشنر فرامله بصراحه سيئة و ونسبة الراحة فيه 40%
الفورتشنرالنشاط ماشاء الله تبارك الله مايحتاج دبل
الفورتشنر اوسع من الاف جي خاصة اذا فكيت المرتبه الاخيره ماء شاء الله سعه طيييييب مره
صرفية البنزين ممتازه مره الفورتشنر الاف جي مدري عنه .

الفورتشنر ماشاء الله في النفود بصراحه فوق الروعه

اذا معك عائلة خذ فورتشنر الاف جي ماشي مع العزوبيه اكثرز بالتوفيييييق

[Mohammed5d]

السيارتين مجربهن معي كان اف جي 2010فل وبعته وشريت فورتشنر2013vx1
وبعطيك اللي لاحظت
واب .. ألا وهو : أني محتار بين شراء سيارة تويوتا فورتشنر أو تويوتا أف جي ..
وأرجو الإدلاء بالرأي والمعلومة حسب ما يلي :

1- السيارة المؤيد لها ,,,,, والسبب ,,,,, :
مؤيد للافجي اذا كنت غير متزوج او مايركب معك ناس بشكل دائم لان الباب يضايق في الركوب بس الفورتشنر سياره عاديه مراتبه غير واسعه واريح في الركوب والنزول منها
2- الفرق بين السيارتين من حيث الراحة
طبعا الاف جي اريح ومطبه افضل ومقعد السائق اوسع
3- الفرق بين السيارتين من حيث القوة والنشاط
القوه الاف جي والفورتشنر كلهن زينات مع اني احس الفورتشنر اخف نفس
4- الفرق بين السيارتين من حيث طول العمر وعدم سرعة الخراب
الاف جي كان معي وماخرب فيه شي الا صرة صدر المكينه
5- الفرق بين السيارتين من حيث أسعار قطع الغيار
الافجي غاليه شىي والفورتشنر مابعد شفت اسعارهن واتوقع انه ارخص
6- الفرق بين السيارتين من حيث المتانة والحماية
كلهن ممتازات
7- الفرق بين السيارتين من حيث السعر
الفورتشنر ارخص خذت 2013ب116500
8- الفرق بين السيارتين من حيث المميزات " مانع الإنزلاق-الدفلوك-المثبت-التحكم بالدركسون-التكييف-السعة-الحساسات"
كلهن في absودفلوك ومثبت وتحكم بالدركسون
9- الفرق بين السيارتين من حيث [COL"]حفظ القيمة[/COLOR]
يطيحن بس مهب بشكل كبير
10- الفرق بين السيارتين من حيث الثبات على الطريق و سرعة الإنقلاب
الافجي اثبت بحكم انه اعرض
11- الفرق بين السيارتين من حيث ارتفاع الحرارة
ماترتفع حراتهم
12- الفرق بين السيارتين من حيث صرفية البنزين
الافجي اكثر صرفيه بحكم شكله المربع
13- الفرق بين السيارتين من حيث ما تراه غيرما ذكرته ..
مافيه فرق يسوي بس باختصار اذا عندك عيال او اهلك يروحون معك خذ فورتشنر اذا ماعندك احد خذ اف جي ولو منك شفت البرادو تراه زين

المعذرة على كثرة الأسئلة , لكن تحملوني شوي ما ودي أقدم على خطوة ألا مشاور هل الطيب والراي السديد..
أنتظر إجاباتكم المفيدة

[غواص وقناص]

١- عائلي فورتشنر شبابي أف جي
٢- الراحة غير موجودة في تويوتا وبالذات الجيوب
٣- كلها نشيطة بس أرجح كفت الأف جي بفارق بسيط
٤- الأف جي تصميمه أقوى من الفورتشنر بحكم انه صنع على ايدي الشركة الأم ياباني عكس الفورتشنر تايلندي
٥- حول بعضها
٦-الأمان بتوفيق الله في المرسيدس في تويوتا أنسى
٧- الأف جي من ١٤٠ إلى ٤٥ تقريباً والفورتشنر من ١٢٠ إلى ١٢٧
٨-كلها موجودة في السيارتين
٩-كلها في الهواء سواء
١٠- كلها نفس الوضع الأف جي يحسب له انه اعرض والفورتشنر يحسب له دفع رباعي مستمر
١١-اللي مر علي أف جي أمريكي بمروحة تبريد واحدة فقط لأكن أنسى موضوع الحرارة في السيارتين لا في خط ولا في طعس والفورتشنر مروحيتين تبريد
١٢-الأف جي كان التانكي صغير وتعدل بالتانكي الأضافي الفورتشنر كان فيه نفس المشكلة في موديل ٢٠٠٨ وتعدل ٢٠٠٩ الصرفية نفس الصرفية
١٣- بالتوفيق واهم شئ الأستخارة

[أحمد الدهمشي]

وعليكم السلام ورحمة الله وبركاته

إذا معك عائلة فورتشنر بدون تفكير
اما غير كذا إف جي افضل بنواحي كثيرة
كلهن يكدن ويتحملهن لكن اظن الاف جي افضل بحكم انه ياباني وحتى مواد التصنيع تحسها افضل
الرساوة اف جي افضل
مكينة اف جي مطورة واقوى من الفورتشنر
ميزة للاف جي يوجد تانكيين تمشيك مسافة كبيرة
مرتبة السائق والراكب مريحة وواسعة بالاف جي
وبالتوفيق ان شاء الله

[ابومحمدالهاوي]

السلام عليكم
زميل لي كان يملك فورتشنر و بدله بالبرادو
السبب مطب خيالي يضاهي الشاص الشباب بالطلعات والمقناص يتجنبون الركوب معه بسبب المطب الجيب كان شد بلد وضيق جدا في المرتبه الثانيه ركبتك وانت راكب عند خشمك

[ابونبيل]

ارشح لك الفورتشنر وسيع وعملي اكثر من ناحيه الابواب وسعة الشنطه ونشاط المكينه
يتميز الافجي انه تانكي كبير في ٢٠١٣ وفوق بالسعودي يمشي حول ١٢٠٠ اذا سرعتك ١٢٠
وانه اريح من الفورتشنر وانه مصنوع في اليابان يعني طبيعي انه اجود بس هذا لا يعني ان الفورتشنر سيء


وانا اشور عليك تخليهم ثنينهم وتاخذ برادو ترا افضل بمراااحل من واقع تجربه لبرادو ٢٠٠٧ سعه وجوده وفخامه داخليه

[المزعلاوي]

الله لا يهينكم يا الربع وبيض الله وجيهكم .. شاكر ومقدر لكم نصحكم و توجيهكم وخبراتكم ..

والله الموترين انتصفت المميزات فهذا تميز في شي مهم وهذا تميز ذلك في شي مهم .. لكن لعل الاستخارة هي اللي بتحدد بإذن الله .. :)

[مكشاتي سبشل]

السيارتين مجربهن معي كان اف جي 2010فل وبعته وشريت فورتشنر2013vx1
وبعطيك اللي لاحظت
واب .. ألا وهو : أني محتار بين شراء سيارة تويوتا فورتشنر أو تويوتا أف جي ..
وأرجو الإدلاء بالرأي والمعلومة حسب ما يلي :

1- السيارة المؤيد لها ,,,,, والسبب ,,,,, :
مؤيد للافجي اذا كنت غير متزوج او مايركب معك ناس بشكل دائم لان الباب يضايق في الركوب بس الفورتشنر سياره عاديه مراتبه غير واسعه واريح في الركوب والنزول منها
2- الفرق بين السيارتين من حيث الراحة
طبعا الاف جي اريح ومطبه افضل ومقعد السائق اوسع
3- الفرق بين السيارتين من حيث القوة والنشاط
القوه الاف جي والفورتشنر كلهن زينات مع اني احس الفورتشنر اخف نفس
4- الفرق بين السيارتين من حيث طول العمر وعدم سرعة الخراب
الاف جي كان معي وماخرب فيه شي الا صرة صدر المكينه
5- الفرق بين السيارتين من حيث أسعار قطع الغيار
الافجي غاليه شىي والفورتشنر مابعد شفت اسعارهن واتوقع انه ارخص
6- الفرق بين السيارتين من حيث المتانة والحماية
كلهن ممتازات
7- الفرق بين السيارتين من حيث السعر
الفورتشنر ارخص خذت 2013ب116500
8- الفرق بين السيارتين من حيث المميزات " مانع الإنزلاق-الدفلوك-المثبت-التحكم بالدركسون-التكييف-السعة-الحساسات"
كلهن في absودفلوك ومثبت وتحكم بالدركسون
9- الفرق بين السيارتين من حيث [COL"]حفظ القيمة[/COLOR]
يطيحن بس مهب بشكل كبير
10- الفرق بين السيارتين من حيث الثبات على الطريق و سرعة الإنقلاب
الافجي اثبت بحكم انه اعرض
11- الفرق بين السيارتين من حيث ارتفاع الحرارة
ماترتفع حراتهم
12- الفرق بين السيارتين من حيث صرفية البنزين
الافجي اكثر صرفيه بحكم شكله المربع
13- الفرق بين السيارتين من حيث ما تراه غيرما ذكرته ..
مافيه فرق يسوي بس باختصار اذا عندك عيال او اهلك يروحون معك خذ فورتشنر اذا ماعندك احد خذ اف جي ولو منك شفت البرادو تراه زين

المعذرة على كثرة الأسئلة , لكن تحملوني شوي ما ودي أقدم على خطوة ألا مشاور هل الطيب والراي السديد..
أنتظر إجاباتكم المفيدة

معاك بكل ماذكرت

[اسبيدر مان]

اذا انت اعزوبي او عائلك صغيره فخذ الافجي وانت مغمض
فرق في الراحه وفرق في الرساوه وفرق في الجوده وفرق في القوه الاف جي 258 حصان بينما الفورتشر 235 حصان
ايضا افضل في مواصفات الاف رود ويجي الفل دفع خلفي ممايساعد على سرعه الانطلاق وحريه التطعيس
عكس الى يجي دفع رباعي مستمر تحس انه ماسك بالارض ثقيل بالقومه

[المزعلاوي]

السلام عليكم ورحمة الله وبركاته

شكراً لكل ما أضاف رأيه و وجهة نظره وخبرته ..

وبحمد الله تم اقتناء الفورتشنر 6سلندر . أسأل الله أن يبارك لي فيه وأن يرزقني خيره وخير ما جاء به وأن يكفيني شره وشر ما جاء به ..

[ابوجديع]

السلام عليكم يآخوان ناوي أن شاالله فورتشنر 6 سلندر
كيف استخدامه وهل هو مريح ومناسب العائله 3 اطفال
وهل الشنطه تشيل أغراض كثيره:f:type::director:

[المميـز]

السلام عليكم يآخوان ناوي أن شاالله فورتشنر 6 سلندر
كيف استخدامه وهل هو مريح ومناسب العائله 3 اطفال
وهل الشنطه تشيل أغراض كثيره:f:type::director:

بالنسبه للراحه تعتمد على الموتر الي معك الان
اذا كان سياره صغيره وخصوصا فورد بكذا انتقالك للفورتشنر صعب وراح تحكم عليه بعدم الراحه تماما لكن اذا موترك الحالي جيب .. راح يعجبك الفورتشنر
ومناسب جدا لعائله 3 اطفال الله يخليهم لك ويخليك لهم
الشنطه مساحتها ممتازه جدا خصوصا بعد أن تلغي مراتب الصف الثالث
اي استفسار حاضرين ان شاء الله