ناوي اشتري شاص لاكن؟؟؟ مدري وش اخذ 11ريشه ولا 8ريش وموديل كم اخذ

[صقار الهواشم]

مساكم الله بالخير يالربع
اما بعد...........

انا راعي مقناص و رحلات ومكاشيت و ابل
وكان معي جيب لاند كروزر 98 وكد معي مشا 323 وبعته

ولحين ناوي اشتري شاص لاكن؟؟؟ مدري وش اخذ 11ريشه ولا 8ريش وموديل كم اخذ هل الجدييد فيه خير

ونا ابيلي موتر يكد ويمد \لك وللزمن\ يعني هوموتري الوحيد ابتمشا فيه بروح للدوام فيه وبقنص فيه وبروح للبر فيه وبروح للبل فيه
تكفووون يالنشامااا المطااااليق
لاتخلوني افزعولي
والله لدعيلكم

[غار بن شعلان]

عليكم السلام

وانا اخوك الشاص بتفقد معه الراحه مره غير مريح بتاتا يكسر الظهر جدا هذا اذا جينا للراحه

واذا جينا للمشاكل فيه ناس تمدحه وناس تذمه من ناحيه انو مكينه راسين ومسمار الثلاجه يطيح ويخبط بالموتر هذا الي نسمعه من ملاك السيارات الجديده من 2010 وانت طالع

انت اهم شي استخير وماخاب من استخار وخذ الي ترتاح له انت انا عطيتك راي

بالنسبه لي لو مديت لي مفتاح شاص وكاله اشهد بالله ما اخذه العالم تشتكي من راحته لدرجه انهم بالمنتدى يسئلون بتغيير جنوطه بيصير اريح او لا هذا دليل انهم متليعين منه الله يكون بعونهم

موفق خير يابعدي

[صقار الهواشم]

هلابك ومرحبا ومسهلا كلامك صحيح وعلى الراس
بيض الله وجهك اخوي \
وننتظر اهل الخبره

[التعـ King ـديل]

تبي موتر للبر ومريح خذ لك فورتشنر ولا باترول فتك الشكل القديم

واذا تبي حوض عليك بالشاص النيسان الجديد من 2012 وطالع مواصفات وقوه وراحه وانا مجربه بنفسي

[sgl2002]

والله ياخوك من ناحية الصبر و التحميل ماعلى الشاص كلام


لكن ان كان تحميلك تقدر تحمله على موتر صالون يعني تحميلك خفيف فانحش عن الشاص


واسال مجرب انا مرتين اشتري الشاص وابيعه واقسم بالله يعوفك المشوار اللي تبي تروح له ويكرهك بالبر والخط

الموتر ذا حق تحميل فقط

وانا ماقعد اربعه شهور الا بعته وانت تسوق تقول دينه ولفته قصيره كل شوي تنشب والمناقز والعزل مافيه


بقيمة الشاص خذ لك لاندكروزر جديد او باترول الشكل القديم

واذا لابد من الحوض خذ شاص فتك

[عبادي464]

انا معي ربع راسين وبيوصل لل 400 ما اشتكيت منه بشي ومافكيت من الا مسامير الثلاجة والمروحه غيرته انكسرت من سبب بس والزيت مع السيفون كل 5000 والفلتر والبواجي كل 100 الف والحمد لله عايش معي تقل جديد

[عبادي464]

بس نصيحه جرب الشاص قبل تشريه يمكن مايعجبك بمطبه

[ابونبيل]

اهل الابل ما لهم غناه عن الشاص التايوتا خذ ابو رفارف كان منت راعي تحميل دائم واذا تقنص بعيد خذ ابو ١١ ريشه

[أنصر نبيك]

شاص غمارتين بدون تردد كد ومد لك ولاحفادك لا أحد يردك عنه

[صقار الهواشم]

بيض الله وجيهكم ولاهنتم
لاكن الي ابا اوصله هل الشاص 8 ريش مثل ال11ريشه عزمه في النفود وتحمله للمكده وممشاه في الرمله ماعليك خوف يعني
هل الشاص ال8ريش لو رحتبه الربع الخالي بيبيض وجهي ولا بغرز وتعلقه الرمله لنه مهبط و مثل ماتخبرون 8ريش؟؟؟؟؟؟؟؟؟؟؟؟

http://www.mekshat.com/vb/images/misc/progress.gif

[صقار الهواشم]

؟؟؟؟؟؟؟؟؟؟؟؟؟؟

[صقار الهواشم]

وينكم يالربع

[سفيرالنوض]

8 ريشه اريح من 11 ريشه
و11 ريشه يحمل اكثر من 8 ريشه لكن 50 كيس شعير يبي يشيلها لك
11 ريشه و8 ريشه انصحك في ابو رفارف 8 ريشه مريح والقوة وحده الفرق ها الريش فقط

[سفيرالنوض]

لي رد بالموضوع هذا اخذت ساعه وانا اكتبه بس للاسف انه طار وش المشكله

[بحرالقلزم]

الشاص التويوتا طيب واقتصادي في البنزيم وارخص قطع من النيسان
بس نصيحتي لك لا تاخذ الا دفلك ومكره لا نه يتعلق
انا حصلت لي مواقف كثييييره ما نفعني بعد الله الا الدفلوك :good2:

[بدوي ممطور]

الله يكتب الي فيه الخير عطاك العلم راع الخيمه مع الاحترام للاخوان الباقين لا تقعد تقوم و اطيح

[صقار الهواشم]

بيض الله وجيهكم ولاهنتم
والله يعزكم كلن بسمه
لاكن؟؟؟

هل ينفع الشاص 8 ريش للمقناص
ويرقا الطعوس والظلعان ؟؟؟
واعذروني على كثرة الاسئله
والله اني مستحي منكم لاكن المثل يقول \\\\من استشار ماخاب\\\

[الكدن1]

من كلامك انه عادي المطب مافيه مشكلة ولا تريد كثرة الخرابات
وتريد سيارة كد ومد عليك بالشاص 2006 وتحت
وخاصة اذا السلبيات من مطب ولفة قصيرةعاديه عندك

[شاق النفد]

وانا اخوك الفرق بين ابو 8سست وابو 11سسته
ان ابو 8سست يجي قدام الياي مفتوح وعدد لفاته 8 لفه وهو يصلح لراعي المكاشيت وراكد وتحميله وسط
اما ابو 11سستته يجي قدام الياي مقفول وعدد لفاته 11 لفه وهو بيعجب راعي الرملة والمطامر والطرد
وضرب العراقيب(على قولكم ياهل الامارات) ههههه لان وجهه ثابت واقل راحة من ابو8سست
لاكن في التحميل يشيل حمل ماهوب حمله ماشاء الله تبارك الله

[صقار الهواشم]

بيض الله وجيهكم
ولاهنتم ياقروم

[خوي السطحه]

خل عنك الشاص التايوتا صحتك اهم الام الظهر بكراى تعرفه وتشيب ونت توك صغير وتكره الطلعات بسببه وياسعدك لاقال احد خله وركب معي عليك بالباترل الفتك حوض سعر وراحه وقوه وغلب سيارات منقبين النفط يستعملون الباترول فى الصحراي مثل ارامكو ولعبته الرباضات ونقر وسيوف والطعوس لانه يايات مرن وسيارات اهل الكشتات والقنص ماتشوف فى البر اكثر شى باترول وهيلوكس الشاص التايوتا ماتشوف الا عند راعي الحلال ولا منصوب له ابشارع

[sgl2002]

ياخوان الرجال يستخدم الصالون من زمان

وصعب يتاقلم مع الشاص


اخوي انا انصحك رح لمحل تاجير واستاجره وخله معك كم يوم وقرر بعدها

[شاق النفد]

هههههههههههههههه
الله يهديك يا خوي السطحه الحق يقال
اكثر ما شفت مع اهل القنوص والمكاشيت
الشاص ثم الهدد ثم الباترول والهايلكس
ولا هين اهل الحلال ما يعرفون الا الشاص

[أبوتركي V8]

الشاص النيسان ماشاء الله الفل كامل ب 97 الف اخر خبري

[مافيه]

وانا اخوك خذ العلم من رجال مجرب

ربي رازقني بشاص 11 ويالله لك الحمد مرتاح معه وماعمره خيبني بشي ابد

موتري 11 ريشه وكاله الوكاد انه كسر ضهري لاني مثل حالتك (هو موتري اللي اداوم علي وموتر الديره والبر واسافر عليه)
سحبت منه ريش وخليته مثل ابو رفرف ورفعته بلعاب ويالله لك الحمد هاليحن مرتاح عليه ولا لاحضت فيه فرق كبير بالتحميل
واقصى ما اوصل له 3 خيام 2 عامودين ووحده عامود وماطور و3 جراكل زرق الكبار مليانه وماشي معي تمام التمام
والشعير احط فوق ضهره 50 كيس بدون خلاف
وقبل التسحيب كنت اوصلها لل65 كيس

الموتر اختلف معي بالراحه وممشاه واحد ماتغير ورفعته وحده نفس ابو11 ريشه
واختلف معي شي بسبط بالتحميل مايذكر قدام الراحه

تبي نصيحتي خذلك فطيمي 8 ريش بدون رفرف وطول اللعاب وان شاء الله انك بتدعي لي

[صقار الهواشم]

بيض الله وجيهكم
ياابوتركي ومافيه

لاكن ا خوي \\مافيه\\ (file://\\مافيه\\) هل يوجد شاص 8ريش بدون رفرف؟؟

[sgl2002]

^^^^

ايه حق البازعي اللي هو وراد الفطيم

[شاق النفد]

وانا اخوك موجود ابو8 سست ويايه اللي قدام مفتوح بدون رفارف
في الشاص الفطيمي من 2007 وفوق والبريمي من 2012 وفوق

[حبل الوريد]

اذا انت راعي قنص وبر ابو رفرف يبيض الوجه وقل تعلق من غيره بس عليك بالفل دفلك ونش ،، اذا راعي حلال وتحميل ابو 11 ريشه لكن عند البيع بدون رفرف ارغب ،، اما الموديل افضل ما طلع بالشواص من 2007 الى 2009 قوة محركات القديم وروعة الشكل الجديد بس تراهن غاليات

[صقار الهواشم]

بيض الله وجيهكم ولاهنتم