أبو محمد
14/10/2006, 01:20 PM
بسم الله الرحمن الرحيم
السلام عليكم ورحمة الله وبركاته
اول شي اخباركم علومكم ان شاء الله بخير
ثاني شي انا بقول لكم معاناتي في ام دكــه بسم الله نبدأ
اول شي اتفقت انا وخوي حسام وعبدالله وابو سعود وعبدالمحسن اننا نطلع لطعس ام دكــه نبي نشوف مثل هالعالم المواتر المرهمه عاد تعرف انا اول مره اروح لأم دكــه اما خويي حسام دايم يروح لها اما الباقين مثلي المهم رتبنا الوضع مواترنا انا معي هايلكس موديل2000 اما حسام معه 2005 ايوه تم كل شي وموعد الانطلاق بعد صلاة العصر عشان نشوف الطعوس قبل الليل تعرف اول مره نروح لازم نشوف الطعوس المهم طلعنا وما فيه أي مشكله ووصلنا لأم دكــه جلسنا افطرنا وساليف وشبة الضوء وتقشيم الفصفص وضحك واستهبال وفله شباب والحمد موسعين صدورنا يوم جت الساعه 12بالليل قلنا نبي نمشي عشان نروح تعرف ورانا صلاة قييام المهم خوينا مشى قدامنا ثم بعد ثواني بس وين خوينا؟؟؟؟ وينه يؤؤؤ وين راح ولد شف هناك لا لا يمكن هناك يا ولد وين طسس خوينا؟؟؟ المهم تعرفون طعوس ام دكــه محووطه ما فيه الا طريق واحد ردميه والثاني طعووس عاد حنا نبي نطلع مع الردميه خوينا طسس وحنا نشبنا بروحنا والله ندور المكان اللي جينا معه مدري وينه تدرون وش السبب؟؟ السبب كان الغبااار كان كثيييف << وش عنده كثيف ، المهم الغبار كان كثيرر مرره ما عاد تشوف اللي قدامك جلسنا ندور في مكاننا ندور تمشي شوي تلقاء قدامك طعس يا ولد وين الطريق راح :D هههه المهم شفنا عالم يرقون مع طعس صغير قلت انا واخوياي اللي معي اللي هم ابو سعود وعبدالله هذا هو طريقنا قالو ما ندري بس اطلع يمكن هذا هو لان المواتر الي كانت تروح معه كثيره قلنا بس ان شاء الله انه هوو المهم يوم جيت بطلع وهي التغريزه ههههههه لا حول هاذا وقت التغريزه!! المهم ندف نبرح الشباب ابو سعود وعبدالله ما قصرو الله يعطيهم العافيه شوي الا واحد من الهايلكسات جاي جنبنا بيطلع فوق غرز ودحدر وهو يدحدر سألنا اللي في راكبين في الصندوق هذا هو الطريق اللي يطلع على الردميه قالوو ايه ايه ما عليكم رووح من هنا بس وراحو :mad: ( الله يهديهم بس ) شوي ندف نبي نطلع عشان نرجع واخذ عزم وارقاء نبي الرياض يا ولد ماش نزلناها شوي بس ما فيه الموتر عالق شوي ويمر جنبنا ددسن الله يجزاهم خير وقلنا لهم تعالو ساعودنا الله يعطيكم العافيه قالو ما فيه مشكله وينزلون الاخوان قصمان الله يذكرهم بالخير ويدفون معنا ويطلع الموتر وسألناهم قلنا لهم هذا هو الطريق اللي يطلع على الرياض قالو يؤؤؤ ؟؟؟
وش جايبكم من هنا هذا الطريق للي يبي طلع فوق الطعوس ههههههه انا كان ودي اشوف راعي الهايلكس اللهم اني صائم عشان اطقه قهررني يا شيخ:mad: هههههههه المهم ويدفون معنا ونطلع الله يجزاهم خير ووصفوو لنا طريق الردميه اللي يطلعك على الاسفلت ونطلع طبعاً انا خاش مع الردميه العصر عشان كذا ما نسمت الكفرات وخويي اللي هو حسام ومعه عبد المحسن منسم وداخل مع الطعوس لخبرته والموتر اللي معه ما شاء الله بس وتعرفون هو طلع وسبقنا وحنا منسمين يوم غرزنا يعني لازم نمشي شوي شوي عشان الكفرات ما تخرب وطلعنا على الاشفلت وما امدانا نمشي ربع او نصف كيلو الا وخوينا حسام مقابلنا طبعاً تعرفون الاخلاق زززفت ودنا نطق خوينا حسام هههههههه المهم ووقفنا على جنب وجلسنا نتفخ الكفرات وسواليف ومشينا على الرياض وقلت لأخوياي بلا ام دكــه بلا ....هههههههههههه اللهم اني صائم الصراحه ام دكــه طعووس قوويه والمواتر اللي فيها حلووه والكبوس الله يعطيهم العافيه اللي مشرفين عليها لكن انا عندي اقتراح ليش ما يشيلون من الطعوس رمل ويكبون على الريغه اللي تذبح الصدر وتضيع العالم هذا اقتراحي واتمنى انه يوصل للمشرفين هناك عشان يخف الغبار
وتقبلو تحياتي:p
اخوكم / عبدالعزيز _ ابو محمد :cool:
ذكريات اول طلعه الى ام دكــه يوم الخميس تاريخ 1427/9/20هــ
السلام عليكم ورحمة الله وبركاته
اول شي اخباركم علومكم ان شاء الله بخير
ثاني شي انا بقول لكم معاناتي في ام دكــه بسم الله نبدأ
اول شي اتفقت انا وخوي حسام وعبدالله وابو سعود وعبدالمحسن اننا نطلع لطعس ام دكــه نبي نشوف مثل هالعالم المواتر المرهمه عاد تعرف انا اول مره اروح لأم دكــه اما خويي حسام دايم يروح لها اما الباقين مثلي المهم رتبنا الوضع مواترنا انا معي هايلكس موديل2000 اما حسام معه 2005 ايوه تم كل شي وموعد الانطلاق بعد صلاة العصر عشان نشوف الطعوس قبل الليل تعرف اول مره نروح لازم نشوف الطعوس المهم طلعنا وما فيه أي مشكله ووصلنا لأم دكــه جلسنا افطرنا وساليف وشبة الضوء وتقشيم الفصفص وضحك واستهبال وفله شباب والحمد موسعين صدورنا يوم جت الساعه 12بالليل قلنا نبي نمشي عشان نروح تعرف ورانا صلاة قييام المهم خوينا مشى قدامنا ثم بعد ثواني بس وين خوينا؟؟؟؟ وينه يؤؤؤ وين راح ولد شف هناك لا لا يمكن هناك يا ولد وين طسس خوينا؟؟؟ المهم تعرفون طعوس ام دكــه محووطه ما فيه الا طريق واحد ردميه والثاني طعووس عاد حنا نبي نطلع مع الردميه خوينا طسس وحنا نشبنا بروحنا والله ندور المكان اللي جينا معه مدري وينه تدرون وش السبب؟؟ السبب كان الغبااار كان كثيييف << وش عنده كثيف ، المهم الغبار كان كثيرر مرره ما عاد تشوف اللي قدامك جلسنا ندور في مكاننا ندور تمشي شوي تلقاء قدامك طعس يا ولد وين الطريق راح :D هههه المهم شفنا عالم يرقون مع طعس صغير قلت انا واخوياي اللي معي اللي هم ابو سعود وعبدالله هذا هو طريقنا قالو ما ندري بس اطلع يمكن هذا هو لان المواتر الي كانت تروح معه كثيره قلنا بس ان شاء الله انه هوو المهم يوم جيت بطلع وهي التغريزه ههههههه لا حول هاذا وقت التغريزه!! المهم ندف نبرح الشباب ابو سعود وعبدالله ما قصرو الله يعطيهم العافيه شوي الا واحد من الهايلكسات جاي جنبنا بيطلع فوق غرز ودحدر وهو يدحدر سألنا اللي في راكبين في الصندوق هذا هو الطريق اللي يطلع على الردميه قالوو ايه ايه ما عليكم رووح من هنا بس وراحو :mad: ( الله يهديهم بس ) شوي ندف نبي نطلع عشان نرجع واخذ عزم وارقاء نبي الرياض يا ولد ماش نزلناها شوي بس ما فيه الموتر عالق شوي ويمر جنبنا ددسن الله يجزاهم خير وقلنا لهم تعالو ساعودنا الله يعطيكم العافيه قالو ما فيه مشكله وينزلون الاخوان قصمان الله يذكرهم بالخير ويدفون معنا ويطلع الموتر وسألناهم قلنا لهم هذا هو الطريق اللي يطلع على الرياض قالو يؤؤؤ ؟؟؟
وش جايبكم من هنا هذا الطريق للي يبي طلع فوق الطعوس ههههههه انا كان ودي اشوف راعي الهايلكس اللهم اني صائم عشان اطقه قهررني يا شيخ:mad: هههههههه المهم ويدفون معنا ونطلع الله يجزاهم خير ووصفوو لنا طريق الردميه اللي يطلعك على الاسفلت ونطلع طبعاً انا خاش مع الردميه العصر عشان كذا ما نسمت الكفرات وخويي اللي هو حسام ومعه عبد المحسن منسم وداخل مع الطعوس لخبرته والموتر اللي معه ما شاء الله بس وتعرفون هو طلع وسبقنا وحنا منسمين يوم غرزنا يعني لازم نمشي شوي شوي عشان الكفرات ما تخرب وطلعنا على الاشفلت وما امدانا نمشي ربع او نصف كيلو الا وخوينا حسام مقابلنا طبعاً تعرفون الاخلاق زززفت ودنا نطق خوينا حسام هههههههه المهم ووقفنا على جنب وجلسنا نتفخ الكفرات وسواليف ومشينا على الرياض وقلت لأخوياي بلا ام دكــه بلا ....هههههههههههه اللهم اني صائم الصراحه ام دكــه طعووس قوويه والمواتر اللي فيها حلووه والكبوس الله يعطيهم العافيه اللي مشرفين عليها لكن انا عندي اقتراح ليش ما يشيلون من الطعوس رمل ويكبون على الريغه اللي تذبح الصدر وتضيع العالم هذا اقتراحي واتمنى انه يوصل للمشرفين هناك عشان يخف الغبار
وتقبلو تحياتي:p
اخوكم / عبدالعزيز _ ابو محمد :cool:
ذكريات اول طلعه الى ام دكــه يوم الخميس تاريخ 1427/9/20هــ