من يعرف طريقة ندفئ بها الماء البارد وهو في تانكي السيارة

[najd star]

السلام عليكم ورحمة الله وبركاته

ياشباب نبي طريقة وحلول نسويها لتانكي الماء بالسيارة عشان يدفئ إذا كنت كاشت بالبر ودرجة الحرارة تحت الصفر خاصتاً بالشتاء.
يفضل وضع الصور

[ابوفهد الشريف]

وعليكم السلام

اخوي موجود في محلات الرحلات اداه تشبك لي التانكي بها وهي مهمتها تدفي الماء الخارج من التانكي

ومجربه وممتازه بس خذ لها قاعده لتثبيتها بالارض

اتمنى اني افدتك

تحياتي

[بدوي نمبر ون]

فيه طريقه يسولفلي عنها واحدن من الربع يقول
معاي تانكي المنيوم مركب خلف المرتبه الخلفيه ويقول كان ماه بارد جدا خاصتن للوضوء لصلاة الفجر
يقول فكرت بحل جبت سلك كهرب نحاسي عريض وطويته على الشكمان وطرفه بالتانكي ومن اشغل الصبح اسخن الموتر والسلك بالشكمان اخليه يسخن شوي وعقب اشيل السلك واتوكل على الله
اما بالنسبه لي فأنا استخدم سخان البراري
وننتظر اراء الشباب

[ابوريناد1979]

ياسلاااااام جانا البراد وجتنا هالسوالف الزينه :)

[مدهوش]

فيه طريقه اضمن جودتها وادائها (بس ما جربتها) .

المسألة تبي شرح بسيط تحملوني قليلآ .

تعرفون مكاين اللستر حقت المزارع القديمه ؟ السير الربل حقها اللي يدور بين المكينه وغطاس الماء لونه غالبآ احمر صح ! قلتو صح هههههههه

طيب ندخل بصلب الموضوع : الشباب راعين تزويد السيارات يستخدمون دبات نايتروز (غاز) لزيادة نسبه إنضغاط المكينه والغاز هذا سريع البرودة في الدبه مما يسبب صعوبه في الخروج وبهالحالة يستخدمون ربلات منبسطه بمقدار كف اليد وعلى حسب الطول الذي ترغبه (شبيه بسير مكينه اللستر لكن اصغر حجمآ) .

الربل هذا مزود بأسلاك صغيرة جدآ تعمل على كهرب السيارة 12 فولت ووظيفته يزود الدبه بحرارة خارجيه فيقومون الشباب بلفه على الدبه من الخارج لضمان إنسياب الغاز .

انا شخصيآ سبق وشفته بعيني وكان الربل دافي لأن السباق على وشك الإنطلاق .

والجميل بالموضوع ان الربل نفس فكرة شريط لمبات (اللد الصغيرة) اللي نستخدمها على جوانب السيارات للإضاءة (يعني قص على قدر حاجتك من الربل ولفها على التانكي ووصلها للبطاريه واعتبر الموضوع منتهي)

يا اخوان :
لا احد يسالني وين يباع الربل او كم سعره وهل موجود بالسعودية او غير موجود لأني لا اعلم وين احصله لكن سبق اني شفته بسيارة سباق داخل السعودية وبالقصيم تحديدآ .

بالتوفيق ...

[راعي الرود]

انا استخدم الحنفيه اللي تشبك فيها الشاخوف او الشعال

http://www.syartk.com/vb/uploaded/259_11296387547.jpg

هذا فيديو للاستزاده :

https://www.youtube.com/watch?v=ht7mvrPv-RM


ميزته غير مكلف و الشاخوف موجود في اي عزبه

[أحمد الدهمشي]

وعليكم السلام ورحمة الله وبركاته

في طريقة رائعة قرأتها بالمنتدى
وهي انك تمد الماسورة اللي طالعة من التنك على الشكمان
يعني تلحمها على الشكمان وياخذ حرارة من الشكمان وينزل ماء دافي

[راعي المجهم]

طريقة الشكمان مع الوقت تصبح الماصورة مصدية وفيها خطر على الصحة

الافضل تدفي الماء على النار ببلاش وتوضا

او تشتري سخان ماء الحديدة التي توضع في الماء وتشبكه على ولاعة السيارة 15 ريال

دقيقتين 3 دقائق حتى يحتمي الماء في ابريق الوضوء وصلى الله وبارك

ومالك ومال الخط المعلق لحم وقص واربط في شغله ماتحتاجها في السنة الا مرة ولا مرتين خلال طلعاتك

[ابو فارس66]

استخدم الشاخوف وهو بالنسبة لي اسرع طريقة ث.

[حاميش]

أترك عنك الخرابيط الفاضيه

أحسن شي تعبي أبريق كبير ( كفرتيله ) قبل لا تنام تحطها جنب النار أو فوق النار إذا كانت جمر

تصحى للفجر تحصل الماء دافي أو حار

[مبارك الشمري]

السلام عليكم

أخوي نجد الطرق كثيرة زي ماذكروا الاخوان الي قبلي وهي تعتمد على كثرة طلعاتك للبر

اذا انت من النوع الي يطلع للبر كثير فيه طريقة مجربها واحد يقول ممتازة

بس لازم يكون متوفر عندك تانكي المنيوم +محول كهرب +قلب صخان اصلي نفس حق البيت

طبعا تروح للورش حقت تفصيل التوانك وخلهم يسوون لك فتحه مع الجنب بس تكون تحت اخر شي للتانكي على

مقاس قلب الصخان عشان يكون القلب من الداخل بالعرض ومايحتك بالتانكي وبنفس الوقت يضمن لك العامل ان

مايكون فيه تسرب للماء طبعا معروف ان القلب يشتغل ويطفي اوتوماتيك يعني لو يكون مشبوك على بطاريه

اضافيه عادي لوتشغله بالليل قبل تنام وتقوم الصبح تلقاه حار

واذا كان بطاريه وحده اذا قمت الصبح تشغل السيارة لمده خمس دقايق تلقاه حار

وتمتع بالرحله ....

[اسدهم]

اشتر بطانية علا كهربا الي تدفي وجدعها علا تانكي وشغلها عن طريق المحول الكه باء

[محرين باالخير]

خذ هاالطريقه وانت نفذها .....
دورلك قلب صخان يجي علي السيارات الامريكيه وتراحجمه صغير يجي واحد للزيت وواحد للماء .
حق الزيت تلقاه راكب باالكرتير جهة السائق .
وحق الماء تلقاه راكب باالرديتر واحيانن باالسرندل .
تجي 12فولت وبعضها 110 فولت زبط لك فتحه مناسبه بأسفل التانكي ووصلها باالكهرب المناسب ....
ملاحضه لاتنسا تاخذ التايمرمعها الي طالعه منه الاسلاك ...
،،،،،،،،،،،،،،،،،،،،
الطريقه الثانيه :
صخانات ديزل 12 فولت ركبها باالتانكي بس استشركهربائي بطريقة تو صيلها بشكل صحيح .
اتمني ان الفكره وصلت وموفق خير ..... لو افدت لاتنسانا من دعواتك ......