تجهيز الشاص 13 بالصور

[ابو محمد 8122]

بسم الله الرحمن الرحيم
اخواني المكشاتية حبيت اطرح لكم تجهيز جيب شاص 13ونش دفلك بدون رفارف

1- اول شي سوتيه رحت للغرابي وغيرت الكفرات والجنوط لانها البلد مطبها قاسي جدا وركبت جنط فراشة مكحل وكفرات هانكوك

2- رحت بركب فيبر للصندوق عند السليماني قالي لازم نخرم البدي وانا الصراحة ما ارتحت للتخريم ورحت محل جبه ركبلي فيبر بدون تخريم ب 700 ريال تقريباً

3- رحت لورشة (المواهب) بالصناعية القديمه الرياض مخرج 17 وركبت عندهم شد عقرب وقلتله ابيه بدون تخريم بس قالي ترا بانفود بيرتخي قال ترا التخريم افضل قلت خلاص خرم
وركبت تانكي مويه تحت الصندوق سعه 60 لتر يكفي حاجتي واذا تبي اكبر ممكن يحطونه لك فوق داخل الصندوق بس انا فضلت احط صندوق عزبه فوق على شكل حرف L الشغل كامل كلف 3500 وفيها او انقص شوي

4- رحت لورشة (سوافي للكهرباء) وركب 1- لمبات بالكبوت 2- بطارية اضافية 3- تمديدات كنود 4- محول كهرب 220 سعه 600 واط يجي معه فيشين فيش بالغماره وفيش بالصندوق 5-تمديد سلك ثلاجة والثلاجة تلقاها بالسنيدي والرماية وغيرها 6 ركبت لمبة بالصندوق 7 ركبت لمبة عند حنفية التانكي 8 ركبت 3 افياش ولاعات اضافية 2 بالغمارة واحد بالصندوق
وكلف ما يزود عن 2300 ريال

5- عزبة قهوة وشاهي بدافورها ماتنزل

6- عزبة طبخ

7- ماطور هواء ابو جمل الاصلي ابو راس واحد فقط لي قصير سلك طويل

٨-قارمن

5 وتحت عندي من زمان وشكرا

اخوكم ابو محمد
http://www.mekshat.com/pix/upload05/images253/mk288473_img_2331 (361x640).jpg

صورة الموتر بلد
http://www.mekshat.com/pix/upload05/images253/mk288473_img_2456 (640x546).jpg

لاحظ فيش 220 على اليمين وفصالة على اليسار وتحته افياش الولاعه الزايدة
http://www.mekshat.com/pix/upload05/images253/mk288473_img_2457 (640x480).jpg
فصال لمبة الصندوق

http://www.mekshat.com/pix/upload05/images253/mk288473_img_2458 (640x480).jpg

غني عن التعريف ولكن موصل من داخل الطبلون
http://www.mekshat.com/pix/upload05/images253/mk288473_img_2459 (640x480).jpg

تانكي موية 60 لتر ما يقارب 5 دبات موية ام 5 ريال
http://www.mekshat.com/pix/upload05/images253/mk288473_img_2460 (640x480).jpg

الحنفية واللمبة وفصالها
http://www.mekshat.com/pix/upload05/images253/mk288473_img_2461 (640x480).jpg

صندوق العزبة
http://www.mekshat.com/pix/upload05/images253/mk288473_img_2462 (640x480).jpg

فيش الثلاجة وفيش 220 وفيش ولاعة
http://www.mekshat.com/pix/upload05/images253/mk288473_img_2463 (640x480).jpg

لمبة الصندوق
http://www.mekshat.com/pix/upload05/images253/mk288473_img_2464 (640x480).jpg

توصيل انتل كنود
http://www.mekshat.com/pix/upload05/images253/mk288473_img_2465 (640x480).jpg

البطارية الاضافية وفصال لمبات الكبوت
http://www.mekshat.com/pix/upload05/images253/mk288473_img_2466 (640x480).jpg

لمبات الكبوت على المين واليسار فوق على الاطراف
http://www.mekshat.com/pix/upload05/images253/mk288473_img_2467 (640x480).jpg

لاحظ البطاريتين
http://www.mekshat.com/pix/upload05/images253/mk288473_img_2468 (640x480).jpg


http://www.mekshat.com/pix/upload05/images253/mk288473_img_2469 (640x480).jpg


http://www.mekshat.com/pix/upload05/images253/mk288473_img_2470 (640x480).jpg


http://www.mekshat.com/pix/upload05/images253/mk288473_img_2471 (640x480).jpg

تنجيد المراتب
http://www.mekshat.com/pix/upload05/images253/mk288473_img_2472 (640x480).jpg

وشكرا ارجو التعليق والاعجاب

[حاميش]

ماشاء الله تبارك الله

الله يعطيك خيره ويكفيك شره

و أنتبه لمسامير الثلاجه

ولا الشيصان معروف تجهيزاتهن من موديل 85 إلى 2030 نفس الشي

[aborajwa]

ما شاء الله تبارك الله .. الله يعطيك خيره ويكفيك شره .. شغل المواهب والسوافي حسب ما نسمع من الاخوان في المنتدى لا يعلى عليه وان كان سعرهم غالي لكن الشغل النظيف يستاهل ويطمن اللي بيسوي الشغله .

بالنسبة لصندوق العزبه اتوقع انه حديد من شوفته .. وهذا والله اعلم ما تسلم من قرقعة عزبتك داخله الا اذا كنت مسوي له بطانه . واخاف انه بيحتر من الشمس ثم يسوي لك مشكلة في اغراض العزبة او الخوف على دبة الغاز اللي وسطه الا اذا مسوي له عزل يخفف من الحرارة .

هذي ملاحظاتي والله يكتب لك الخير .

[أبوشريدح]

ماشاء الله تبارك الله

الله يعطيك خيره ويكفيك شره

و أنتبه لمسامير الثلاجه

ولا الشيصان معروف تجهيزاتهن من موديل 85 إلى 2030 نفس الشي

سمعت انه مشكلة المسامير حلوها في الموديلات الجديدة 2012 وانت طالع

[هواوي]

ما شاء الله تبارك الله الله يعطيك خيره ويكفيك شره

اما التجهيز فما شاء الله روعه وابداع

[حاميش]

سمعت انه مشكلة المسامير حلوها في الموديلات الجديدة 2012 وانت طالع


ما أظن أنهم عدلو شي

حنا نتمنى أنهم يحلونها ويريحون المسلمين اللي لاعب عليهم عبد اللطيف قبيح

إذا طاح المسمار ورحت للضمان قالو سوء إستخدام

و إذا فكيت الثلاجه ولحمة المسامير أسقطو الضمان وما ندري وش السواه

[عبادي464]

حلوه ب 13 اما 10 الى 12 لازم تشال ماتلحم

[عبادي464]

اخوي انصحك بجوال الثريا يقبل اي شريحه وادخل منتداهم واعرف مميزات ضروري يكون معك الاحتياط واجب

[ابونبيل]

ماشاء الله شغل طيب

[المهند9]

شغل طيب ومرتب ومتعوب عليه

وللحاجه بدون زياده وتكلف

الله يعطيك خيره ويكفيك شره

[ناصح]

ما شاء الله

شغل تمام

الله يعطيك من خيره ويكفيك شره

[ابو ســــاره]

ما شاء الله تبارك الله
تجهيزات رائعة ويبدو من خلالها ان لك خبرة .
بالتوفيق والله يعطيك من خيره ويكفيك شره

[ابن عكاش]

ماشاء تبارك الله
الله يعطيك خيره ويكفيك شره يارب
ملاحظه بسيطه 60لتر ماتكفي وانت معك شاص على الأقل 150لتر ماء او200
انت من ملاك الشاص وبما اني احد اعضاء قروب الشاص ادعوك للإنضمام للقروب
وهذا جوالي للتواصل/0552237788 ابوصقر

[sgl2002]

ماشاء الله شغلك مضبوط


بس التانكي ترى مايكفي وانا خوك


انا عندي 80 لتر يعني اربع جيكات مويه ام 6 ريال وبطلعه وحده يخلص مع الطبخ والشاهي والقهوه يخلص بسرعه


المفروض ركبت ع الاقل 100 لتر


لكن ماهنا خساره تقدر تبيعه وتجيب غيره

[صقر الحراملة]

ما شاء الله تبارك الله
الله يعطيك خيره و يكفيك شره
موضوع رائع و مفيد لمن يرغب في تجهيز شاصه

[abo naser 1]

الله يطعمك خيرة ويكفيك شرة

[كشات الخبر]

ما شاء الله تبارك الرحمن..

الله يبارك لك .. ويعطيك خيره ويكافيك شره

[س البغدادي]

ماشاء الله تبارك الله شغل مضبوط ونظيف ومع كثر الأجهزة خل معك دايم فيوزات منوعة الأساسية والإضافية.
والله يوفق

[ساكن الساده]

الله يسعدك ,,,,,,,,,,,

[راعي الرود]

ماشاء الله تبارك الرحمن

شغل متعوب عليه جعله مركوب العافيه

واتفق مع الاخوان التانكي حجمه صغير لكن انت ادرى باحتياجاتك

[mo3od]

الاخوه اللي يردون ويقولون مسمار الثلاجه الرجل ارادتعليقاتكم على التجهيزات وانت حطمتوه على شروته للشاص اخي صاحب الشاص كفيت ووفيت بالتجهيزات والتانكي حلله بالاستعمال وبعد فتره بيعه وخذ100 لتر وهاذا تاييد لتعليق الاخوان اللي يعرفون المشاركه الهادفه ممن سبقوني

[ر1ئد]

ما شاء الله تبارك الله
الله يعطيك خيره و يكفيك شره

[الفنطاس]

الله يبارك لك فيه ويحفضك من عيون الحساد

[صياد الجبل]

ماشاء الله تبارك الله

يعطيك خيره ويكفيك شره

شغل متعوب عليه وجميل ورائع ومرتب ورايق

مثل ماقالو الاخوان تانكي المويه كان الافضل يكون اكبر . ومثل ماذكر احد الاخوان لازم يكون معك فيوزات

بحكم وجود الاجهزه بموترك . وماشاء الله تبارك الله

بالنسبه للمسمار الثلاجه ذكر بعض الاخوان ان مشكلة مسمار الثلاجه تم حلها في موديلات 2013

وان شاء الله مامن خوف وتحياتي لك

[ابوحسام9]

ماشاء الله الله يعطيك العافية شغل صح

[مداوي الربع]

ما شاء الله تبارك الله
الله يعطيك خيره و يكفيك شره

[أشيقري تميمي]

ماشا الله تبارك الله
شغل مرتب ومتعوب عليه و يستاهل كل ريال فيه
تحياتي...

[الامل بالله]

تبارك الله ماشاء الله وانا مع الاخوان ٦٠ لتر ماتسوي شي .

[(ابو عبدالله)]

ماشاء الله


الله يعطيك خيره ويكفيك شره

[عبدالله بطي]

مشكله المسامير حلوها في 13 الدفعه الثانيه صارت تجي اللهات بدون مسامير صارت تجي كبس
والتجهيزات ممتازه لاكن ستين مايسوي شي ابد
حط فوق ورا الشنطه تانكي معترض ميه وخمسين لتر وبتصير عندك 210 ممتازه والموتر بيخف مناقزه والفايده لك
شاص مايضره حمل حلل ال11. سسته

[(ابو عبدالله)]

ما شاء الله تبارك الله
الله يعطيك خيره و يكفيك شره

[بدوي جنوبي]

http://www.mekshat.com/pix/upload02/images59/mk41473_upload2world81dc7cp1.gif

فكره ممتازة
بارك الله فيك
تم تقييم الموضوع
http://www.mekshat.com/vb/images/rating/rating_5.gif

تم تثبيته http://www.mekshat.com/vb/images/misc/sticky.gif

تم أضافتة مع
๑×۩۞۩المواضيع المميزة في الخيمة๑ ๑×۩۞۩๑ (http://www.mekshat.com/vb/showthread.php?t=10218)

[الجوكر حسن]

ماشاء الله تبارك الله شغل مرتب :good2:
بس التانكي الماء صغير :(
انت معك شاص ركب فوق الــ 100 ولا 130 :good2:
:f

[كحيلان تميم]

ماشاء الله تبارك الله .. حبيت ابارك لك من خلال هذا الرد والله يهنيك بالموتر .. روعه بارك الله لك فيه ..

[حسان الشهري]

كم مقاس كفر الهناكوك وكيفه

[مرتاااح احبك]

اضف صور الكفرات مع الجنط والشد لو تكرمت

[حسان الشهري]

وش نوع ومقاسالكفر

[أبو نـآيف]

ماشاء الله ممتاز

[بندر سويلم]

الله يعطيك خيره يكفيك شرها
شغل متعوب عليه الله يبارك لك فيه
يالربع الرجال عارف انه صغير والدليل كم 5 جراكل مويه

[صدى الاطلال]

ماشاء الله
شغل طيب ومرتب
الا باسأل يااخوان معي ربع ابي له خزان ماء ولمبات كبوت
وين افضل مكان يسويها ؟ وما اسمه؟
وهل يوجد فروع في الجنوب او الغربية
وكم التكلفة ؟
وكم حجم افضل خزان باللتر يركب على الربع؟
ولو سمحت عطنا عنوان سوافي اللي اشتغل لك الموتر
عذرا على الاطالة وكثر الاسئلة

[هارون97]

خذ العلم حلوها من 13الدفعة الثانية الغو المسامير