محتار بين الشاص والربع

[فؤاد بن سعدون]

السلام عليكم ورحمة الله وبركاته اخواني محتار بين الشاص والربع وانا حق مقنايص وبران وحجل وارانب وغيرها من الطيور لكن ابتلشت مادري وش اخذ في ناس تنصح في الشاص وفي ناس تنصح في للربع ولا ادري قال اشوف اخواني في المنتدي ى ع ايش يوفقوني الراي مع ذكر مميزات السيارتين وعيوبه


ودمتم سالمين

[ابوحسام9]

اذا مشوارك بعيد وغراضك كثيره وطلعاتك مستمره خذ شاص واذا عكس ذالك خذ ربع والله يكتبلك الي فيه خير

[SaferM3y]

يالغالي كلها مواتر بر وكفو


لاكن يرجع لك انت الاختيار

اذا معك اوادم وبزران او مره خذ ربع

اذا لحالك خذ شاص ولاتفكر

[راعي سهوه]

اذا ديرتك ضلعان ووعر ودروب ضيقه الربع افضل

[ابوتركي83]

خذلك شاص غمارتين او ربع اربع ابواب ازين واوسع ما دام انك راعي مقناص يشيل خويانك ويشيل العزبه والاغراض الربع ضيق اما تشيل خويانك او تشيل العزبه انا كان عندي ربع نظيف مره بعته لانه ضيق ما يشيل شي وشريت ربع اربع ابواب ما شاءالله اريح من الربع واوسع وارسى في البر والخط
والله يوفقك ويسهل امورك.

[شاق النفد]

خذلك شاص بدون رفارف 8سست ويايه اللي قدام مفتوح مطبه خفيف واريح بواجد من ابو 11سسته اللي يايه قدام مقفول
شفه يجي فطيمي من 2007 وطالع والبريمي صار يجي من 2012وطالع شكله ركزه ويشيل قشانك كلها وموتر كفو

[sgl2002]

ان كان اماكن اللي تروح لها ضيقه ابعد عن الشاص

ترى الشاص موتر تحميل فقط

والربع والله انه موتر مدري وش فايدته
لارساوة ولاراحه ولا وسع

انا اقول خذ لاندكروزر جكس افضل ٨ سلندر او ربع نيسان فتك ان كنت راعي قنص

[الامل بالله]

كلها نفس الشئ الا اذا انت محتاج حوض -----> فالشاص

اما الفرق مافيه فرق

[الخلاوي 9]

الربع افضل اذا انك راعي ضلعان وجبال وتمشي بالنفود

اما اذا انك راعي طلعات بعيده عليك بالشاص بحكم انه تانكيين

ولا شف لك اف جي جديد يجي تانكيين ونفس مكينة الربع والشاص وموتر كففو

عاد شفف الي يناسبك ~

[راعي الرود]

شاص اكيد مايبي لها

تحمل عزبك و اغراضك الربع ضيق بالحيل

لكن الله يعينك عليه في المديورات

لو تاخذ لك هدد ولو مستعمل استعمال خفيف اطيب لك و اريح

[ابونبيل]

ان كان اماكن اللي تروح لها ضيقه ابعد عن الشاص

ترى الشاص موتر تحميل فقط

والربع والله انه موتر مدري وش فايدته
لارساوة ولاراحه ولا وسع

انا اقول خذ لاندكروزر جكس افضل 8 سلندر او ربع نيسان فتك ان كنت راعي قنص
كنك يابوزيد ماغزيت تقول لا تشري ربع بعدين تقول خذ ربع هههه

[ابونبيل]

الربع غالبا انك بتفك المراتب الخلفيه وبيصير يشيل اثنين وبالمكاشيت الطويله ما ينفع لان ما تقدر تشيل اغراضك اشوف ان الشاص انسب لك

وشور الشباب طيب اللند كروزر عملي اكثر واذا على الكشتات البعيده خذ لك قلص واسحبه معك : )

[sgl2002]

كنك يابوزيد ماغزيت تقول لا تشري ربع بعدين تقول خذ ربع هههه


ابو نبيل انا اقصد الربع التويوتا اللي اقوله لاتاخذه


ان كان لابد من الربع الربع النيسان اطيب او الاف جي

[فؤاد بن سعدون]

لاهنتم ياربع كم يكلف تجهيز الشاص للمقناص وافضل حائل او القصيم

[حاميش]

إذا أنت تقنص حرة خذ شاص

تانكيين ويشيل عزبتك وحطبك والماء

ومع قنص الأرانب مو مثل الربع في أي لحظة يجي على التنده

والتجهيزات حسب متطلباتك ولكن نصيحه لا تحط تانكي إلا إلمنيوم العزبه عادي لو حديد