تجهيز لاندكروزر جديد..

[ra3y.89eed]

سلام عليكم ومساكم الله بالخير..

انا شريت لي جي اكس ار جديد وارد اليحيى وبكره ان شاء الله اطلعه من المعرض..

ابي نصايحكم..

الموتر فل من غير شاشة.. وناوي اركب له شاشة وودي يكون فيها خرايط البر والمدينه.. وش افضل نوع؟

وناوي اركب عليه حماية وجهيه وتظليل عازل وابي نصايحكم بافضل محل بالشرقيه..

وبلاستك الارضيه وتلبيس المراتب..

والسوال المهم الي مشغلني.. هل اركب بطارية اضافيه وماطور هوا ومحول كهرب.. والا اخلي الموتر على وضع وكالته..

طلعتي للبر مهيب كثيره.. بس لا صار الموتر معي ان شاء الله بيحمسني اطلع اكثر..

نصايحكم بافضل المحلات..

وهل يسوى اني اروح للرياض اجهز الموتر هناك؟

والله لا يهينكم مقدما

[التميمي 3535]

تجهز الموتر بطارية اضافيه عند أحسن واحد بالسعودية عندك بالشرقيه هو البتار جنب الرماية بحي 91
يارجل ماشفت أحسن من شغله أعتذر للجميع بس قبل ماتروح له حدد وش تبي لأني أفضل جهز مره وحده وترتاح واتحدد أي واحد يقول هذا شغل برا الوكالة
مبروك عليك الموتر
تحياتي

[al-jree7]

موتري من اليحيى 2010
ركبت حماية للوجهية من جيوشلد الي بالكورنيش
والاسيات والارضية من عند السماعيل في شارع الزينه
هذا تجربتي والحمد لله مقتنع من شغلهم 100%

اما البطارية والشاشة افضل اني اخلي الموتر شد بلد

والله يعطيك خيرة ويكفيك شره

[900]

باركــ الله لك ماشريت

والله يعطيك خيرها ويكفيك شرها