تكفون فزعتكم في شراء سيارة GXR3 2013 v6 عطوني رأيكم الله يرحم والديكم

[راجع ندم]

السلام عليكم ورحمة الله
اخواني الكرام اهل الخبرة اود ان تشاركوني بآرائكم الطيبه


قمت بتأمين دفعة قرابة 90 ألف بالعافيه . ونويت شراء سيارة عائليه لي وللزمن بمشيئة الله تعالى


قمت بالتفكير وتم الاتفاق مقدماً على لاندكروز GXR3 2013 v6 وكاله . توماتيك


قمت بالمشوره من الاصدقاء والمقربين . اللي يقول خذ 8 سلندر واللي يقول مابه عزم واللي يقول ماينفعك بالنفود


واللي يقول ماكينته ماهي مطابقه للقير وتسمع حنه ويفصل على سرعة 180 كلام ماله نهايه


والواحد يكره حتى سلعته اللي ناوي عليها


انا رجال راعي ديره ودوام وان صار طلعات خفيفه وقت الامطار ومايمنع من السفريات


انا عقدت العزم بعد التوكل على الله ونويت على v6 قيمته تقسيط حوالي 246 ألف


بالنسبه لv8 قيمته تقسيط حوالي 274 ألف تقريباً


وتفكيري مستقبلاً اني اشري انشاء الله سياره صغيره بعد سنه للتخفيف من مشاوير الجيب


انتظر ردودكم وعسى ربي يكتب الله فيه خير



وشكراً للجميع


ملاحظه / سعر v6 كاش 188 ألف جاهز
سعر v8 كاش 212 آلف جاهز . حسب كلام المعرض

[خيال الغلبا]

v6 اخوي لاتقربه الله يوفقك للاصلح

خذ v8 وانت مغمض لو مستعمل

[ابونبيل]

ما جربته الحقيقه لكن اشور عليك تستأجر وتجرب

وما انصحك بالتقصيد لو تاخذ مستعمل او تجمع ابرك لك خاصه اذا كان التقصيد من خلال نفس الشركه

ودام انه لك ولزمن خذ ٨ سلندر على الاقل ما تتحسف بعدين

[أبو هشام راشد]

وعليكم السلام ورحمة الله وبركاته
ربي يبارك لك ويزيدك
الحقيقة ارحت كثيراً بوجود سيارتين صغيرة للمشاوير والعمل وسيارة للعائلة لكن ندمي حصل على شراء جديدة واغلب الوقت غير مستخدمه
بالنسبة للسيارة إن لم يكن هناك خيارات اخرى فمن حيث حاجتك لها فالأفضل 6 فهي الأنسب سعرا وبالطبع انسب استهلاكا للوقود لأن فرق السعر بين السيارتين تجيب لك سيارة
وبالتوفيق

[راجع ندم]

الله يجزاكم خير على الردود

ولكن مازلت في حيرة من أمري , وبالنهاية ربي يقسم اللي فيه خير

[غار بن شعلان]

السلام عليكم

وانا اخوك شف جرم الموتر تراه كبير ماهب سهل يبيله 8 سرندل ويالله يشيله السته بيكون ميت صدقو الي نصحوك

ان كانك ناوي ع السته خذ لك فورنشر او برادو هو الي سته يشيلهم اما الجي اكس ان ماخذته 8 لاتشتري

الله يكتب لك الي فيه الخير استخير مابعدها شي وموفق خير ان شاء الله

[بدوي ممطور]

تشاورنا وانت صادق خذ غمارتين فل كامل نيسان وخل عنك بعض العلوم باذن الله ماتغير غير زيت المكينه سنين ماهو كل يوم وانت با لورش

[abohmad]

انحش وانا اخوك 8 ويا الله يشيل نفسه نصيحه وانت حر

[صيهد]

الله ييسر لك واحد معه 6 سرندل
علشان يشور عليك من تجربة

ولو حطيت استفسارك في الرابطة احسن
وشكرا

[ابو محمد1991]

انا جربت السته والثمانيه اذا تبي نصيحتي انحش عنهم كلهم مافيهم عزم بس الثمانيه يمرجلك شوي اما السته فهو صرفيه عاليه اعلى من الثمانيه لانه موب مرتاح ويالله يوصلك من الرياض للخبر اما الثمانيه تانكيه كبير وغير كذا الثمانيه زبونه في مخباك اما السته ترا بيتعبك ما انباع لانه غير مطلوب والا رح للعيسى وطلع باترول se ثمانية سلندر بنفس سعر السته ومواصفاته نفسها واحسن بعد وانشط لك وارخص الا ان كانك بتاخذه بعرض التقصيد بسعر الكاش فهذا امر ثاني اتمنى اكون افدتك

[Mohammed5d]

بالنسبه للجكسار السته مع اخوي واحد 12وخويي شاري13 طبعا يقولون مكينتهم تفرق عن 11علي الخط جربتهن زينه ومريحه بس في البر مابعد جربتها ابد

[ذيب ذهلان]

انا معي 2012 v6 صرفيته للبترول اقل من الثمانيه لاكن اذا قدرت على v8 فهو افضل من حيث قوة المكينه وارغب عند البيع

[راجع ندم]

الله يجزاكم خير , وكل الشكر لكم على مد العون والمساعده

[sgl2002]

انحش لايقربك السته سلندر

عزمه ضعيف وبارد وخصوصا بالطلعات وحنته

ومشاكل مسامير الثلاجه وغيرها


الثمانيه يدوم الى مليون كيلو متر مايشكي ومريح بالخط وبالطلعات وفوق كذا الثمانيه ما يصرف على الخط الطويل بسبب ان المكينه مريحه

دامك وصلت هالمبلغ حرام تحطه ب6 سلندر

انت مققسط مقسط خذ ال8 لك وللزمن

[abo naser 1]

السلام عليكم

وانا أخوك مبلغ 90 الف تجييب موتر طيب بدون دين الين الله ييسر أمرك
حرام 248 ربع مليون في جكس ٦ سرندل بلاستيك صيني تفرح أول مشتراه وكل أخر شهر تنقد القسط

ولا تنسا أنك معطيهم نصف قيمة الموتر

[الرحال تبوك]

السلام عليكم ورحمه الله وبركاته
نصيحه من مجرب الدين والتقصيد( والمزعوم تاجير تمليك)
انحش دام معك دراهم تغنيك عن الاقساط والسياره وسيله وليست غايه
وانت معك مبلغ يجيبلك موتر محشوم وبعد تشتري سياره ترفاه بها ويصفيلك راتبك
وخل عندك خيارات اترك الجديد وخذ على قد قدرتك
عندك مثلاً اذاهاوي تويوتا (جكسار اوفكسار من 2000الى 2004 او فتك من 2008 الى 2010 او تاهو اويوكن من 2008 وفوق او اكسبدشن من 2008 وفوق ) لنك تقول سياره عائليه مهي للبر على طول
واعذرني ان ما اعجبك الاقتراح مجرد راي من اخ مجرب وابي انصح من معزه لرواد هذ المنتدى الغالي بمشرفيه واعضائه ومرتاديه

[سيف الظفير]

اذا بتاخذ 6 سلندر خذ قير عادي

8 سلندر اكيد اوتو


واقول توكل على الله سعره مناسب جداً

[mo3od]

اتصل بي وانا مجرب 6سلندرلمدة 5 سنوات0553341440

[ابوعرقوب]

اخوي العزيز 8 سلندر على الخطوط الخارجيه مايصرف بترول وعزمه قوي بس داخل المدينه صرفيته مو اجد
اما 6 سلندر على الخطوط يصرف بترول وعزمه تعبان انا مجرب الاثنين 8 احسن

[وطن العزة]

حرااااااااااام تدفع للشركة 90 ألف (ماهي بسيطه) في موتر و في الأخير ما ينكتب بإسمك

نصيحه لله إنحش عن الدين , أنت معك مبلغ طيب يجيب لك موتر عايله نضيف وممتاز ولا هو شرط يكون جيب


و لا تنسى الإستخاره .

[عاشق المطراش]

السلام عليكم ورحمة الله
اخواني الكرام اهل الخبرة اود ان تشاركوني بآرائكم الطيبه


قمت بتأمين دفعة قرابة 90 ألف بالعافيه . ونويت شراء سيارة عائليه لي وللزمن بمشيئة الله تعالى


قمت بالتفكير وتم الاتفاق مقدماً على لاندكروز GXR3 2013 v6 وكاله . توماتيك


قمت بالمشوره من الاصدقاء والمقربين . اللي يقول خذ 8 سلندر واللي يقول مابه عزم واللي يقول ماينفعك بالنفود


واللي يقول ماكينته ماهي مطابقه للقير وتسمع حنه ويفصل على سرعة 180 كلام ماله نهايه


والواحد يكره حتى سلعته اللي ناوي عليها


انا رجال راعي ديره ودوام وان صار طلعات خفيفه وقت الامطار ومايمنع من السفريات


انا عقدت العزم بعد التوكل على الله ونويت على v6 قيمته تقسيط حوالي 246 ألف


بالنسبه لv8 قيمته تقسيط حوالي 274 ألف تقريباً


وتفكيري مستقبلاً اني اشري انشاء الله سياره صغيره بعد سنه للتخفيف من مشاوير الجيب


انتظر ردودكم وعسى ربي يكتب الله فيه خير



وشكراً للجميع


ملاحظه / سعر v6 كاش 188 ألف جاهز
سعر v8 كاش 212 آلف جاهز . حسب كلام المعرض





سكويا من بنك الراجحي واتوقع مع الدفعه هذي بتصير بسنتين السياره ملك
8 سلندر ورساوه ومن داخل وسع ماهو على اي سياره ويكفي محركاتها لكزس

[راجع ندم]

الله يجزاكم كل خير وعزالله انكم ماخيبتو من نخاكم وفزعتو وهذه الردود مازادتني الا تقدير واحترام لكل شخص
في هذا المنتدى الطيب . وكل الشكر لمن رد وكل من شاهد وكل من قدم نصيحة ،
ومانقول غير عساء ربي يكتب اللي فيه خير ، ويبارك فيه

اكرر الشكر والتقدير للجميع دون استثناء

تقبلو تقديري

[has-120]

أخوي نصيحه من مجرب للإثنين
خذ سكويا
موتر عائله وسفر وبر وسعره مناسب

أو كانك صملت على اللاند كروزر
مر على معرض اليحيى ترى اسعارهم اقل من اللي ذكرت