نطلب رايكم يا عزيزين الجناب

[ابوفيصل1]

بسم الله الرحمن الرحيم


السلام عليكم ورحمة الله وبركاتة ...........وبعد

اقدم لكم معروضي هذا وفية افيدكم باننى احد ابناء هذا المنتدي

وحيث انني على وشك التقاعد ارغب ان اشتري سيارة تدوم معي الان الراتب

ماراح يكفي بعد التقاعد0

ارجو منكم مساعدتي في اختيار الموتر المناسب من ناحية التحمل والصبر

مشاويري زفلت والبرية لازم في السبوع مرة بس خفيف من الصبح الى المغرب

طبعن الموتر غمارتين ورغبتي حسب الجدول .....

1/ نيفارا 2/ ددسن 3/ هايلوكس

[جنيفاوي 503]

نصيحه خذ هايلوكس وابعد عن الددسن والنافارا ماجربته
وان كانك بتاخذ هايلوكس خذ من قطر 2014Glx واصل السعوديه
بحول 80 الف

[التعـ King ـديل]

الهايلكس حلو ولكن قيمته مبالغ فيها بالمره

الددسن مافيه كماليات ولكن موتر طيب وسعره معقول

النافارا اطيبهم من حيث المحرك والراحه والفخامه وسعره حلو

النافارا مع جارنا ومن يد نشيط ليد نشيط سواق وراعي البيت وعياله الموتر مايوقف ابد وماشاء الله تبارك الله له 4 سنين معهم ماعمري شفته متعطل ولا مدخلينه ورشه

[sgl2002]

هذا انت قلتها مور صبور


مافيه غير الددسن الوافيه سعرها رخيص وكلن يعرف يصلحها ومريحة وتدوم معك سنين طويله

نصيحه عليك بالددسن ارخص واريح وراعية كرف من يومها

انتظر لين تنزل عند العيسى السنه الجايه عشان تكون ارخص

وخل الهايلكس الكرتون المتنقل والنافارا بعد ماهي بجيده

[abo naser 1]

الله يمد بعمرك ويرزقك

اذا تبي موتر المكدة والصبر للمحافظ الهايلوكس بس سعره جدا مبالغ فيه
لذلك ارشح الددسن بنص قيمته ومعروف وعملي وسعره طيب

[أنصر نبيك]

النافارا حتى شكلها أحلى

[عبادي464]

الددسن هج عنها تكفا والنفارا ماجربته خذ لك هايلوكس لك ولزمن نصيحة اخو

[ابونبيل]

هايلوكس من واقع تجربه موتر تكده وما يطلب
الددسن بعد ممتاز بس الغماره الثانيه ضيقه جداً جداً
النفارا ما جربتها لكن اخبر فيها عيب اذا جيت تغير البواجي شغله لازم تفك الثلاجه وفيها مشكله قريتها بهالمنتى الي هي تنتع بعض الحيان بالقومه ما تستجيب بسرعه

ببختصار عليك بالهايلكس
واذا ما عندك ناس تركب معك بالغماره الثانيه الددسن رخيص وصبور والله يوفقك للافضل

[عبادي464]

كانت عندي ددسن 99 كديتها كد مستلمها ماشيه 200 وبايعاها ماشيه 700 وماشاء الله مافكيت منها شي وشريت ددسن 2006 و2007 بهذلتني بالقير والدفرنس واخذت هايلوكس 2008 وكدت معي وما تطلب ابد

[ابوفيصل1]

الله يحيي هل الوجية
ماقصرتم يعني النفارا اشرد عنها والددسن ضيقة

[الامل بالله]

وعليكم السلام و رحمة الله و بركاته

بالنسبه لراحة والنشط في النفود الهايلكس والصبر الددسن اكيد بس موب زي راحت الهايلكس

وانا ارشح الهايلكس بس الله يعينك غالي الله ييسر لك وعليك بالاستخارة .

[V tc]

انت ابخص بنفسك يا ابو فيصل ..
لكن اللي يقول الهيلوكس اصبر ما عنده سالفه ً وتلقاه ما جرب لكن يقولك يسدك انه تيوتا !
ولا ضيعنا الا هالكلمه شريت هيلوكس ٢٠٠٨ نضيفه ومع ذلك فكيت مكينته مرتين وبعته والمكينه مهب صافيه به
صوت طقطقه . واعرف شايب معه هيلوكس دفرنسين ما جاه الجور وخبطت وغير له مكينته ، وواحد معه ٢٠٠٦ الضاهر انه انضف من الجديد مع واحد عاقل ووضبه ، وين اللي صبوره ! يعني ان شريته ان شاء الله يمكن تمشي معك سنتين اما السنه الثالثه تتعرف وشي الخرابات حتى لو انت محافض ، وعالعموم اي موتر تشريه جديد ان شاء الله انه بيكر معك لكن الصبر من موتر لموتر يفرق ، انت ابخص باللي ينفع لك ومنب شاير عليك بالموتر اللي تاخذه لكن هذولي انا واجهتهن بالهيلوكس ويعلم الله اني صادق وما كتبته الا منفعه لك

والله يكتب اللي به خيره لك ،
لكن قولي عليك بالاستخاره استخر مره ومرتين وثلاث لمين ترتاح ،
لا تشاور اللي بالارض واللي يعلم بالخير لك فوق ، عليك باستخارته سبحانه ..

عسى الله ييسر امرك ،

[تميم2222]

مايبي لها كلام. دسسن. كد ومد. واسعاره مناسبه. ملاحظه مهمه. لايوجد. به ربلات. مثل الهايلكس يتهربد

[ابونبيل]

انت ابخص بنفسك يا ابو فيصل ..
لكن اللي يقول الهيلوكس اصبر ما عنده سالفه ً وتلقاه ما جرب لكن يقولك يسدك انه تيوتا !
ولا ضيعنا الا هالكلمه شريت هيلوكس 2008 نضيفه ومع ذلك فكيت مكينته مرتين وبعته والمكينه مهب صافيه به
صوت طقطقه . واعرف شايب معه هيلوكس دفرنسين ما جاه الجور وخبطت وغير له مكينته ، وواحد معه 2006 الضاهر انه انضف من الجديد مع واحد عاقل ووضبه ، وين اللي صبوره ! يعني ان شريته ان شاء الله يمكن تمشي معك سنتين اما السنه الثالثه تتعرف وشي الخرابات حتى لو انت محافض ، وعالعموم اي موتر تشريه جديد ان شاء الله انه بيكر معك لكن الصبر من موتر لموتر يفرق ، انت ابخص باللي ينفع لك ومنب شاير عليك بالموتر اللي تاخذه لكن هذولي انا واجهتهن بالهيلوكس ويعلم الله اني صادق وما كتبته الا منفعه لك

والله يكتب اللي به خيره لك ،
لكن قولي عليك بالاستخاره استخر مره ومرتين وثلاث لمين ترتاح ،
لا تشاور اللي بالارض واللي يعلم بالخير لك فوق ، عليك باستخارته سبحانه ..

عسى الله ييسر امرك ،
وما ضيعنا الا كلمة اعرف واحد واعرف واحد بعدين شلون الي شاريه نضيف ويخبط!! عرف النضافه لو سمحت؟!


انا شريت 2006 مستعمل ولا حطيت فيه شي
وعقبه شريت 2009 مستعمل ونفس الكلام
والان معي 2013 دبل وانشهد انه موتر ماشاء الله

وقبل ما اجرب الهايلكسات كان معي ددسن مستعمل والحقيقه تنقال مو نضيف وطبيعي انه بيتعبني كان موديل ٩٨ قضيت معه اسوء الاوقات : (

[V tc]

وما ضيعنا الا كلمة اعرف واحد واعرف واحد بعدين شلون الي شاريه نضيف ويخبط!! عرف النضافه لو سمحت؟!


انا شريت 2006 مستعمل ولا حطيت فيه شي
وعقبه شريت 2009 مستعمل ونفس الكلام
والان معي 2013 دبل وانشهد انه موتر ماشاء الله

وقبل ما اجرب الهايلكسات كان معي ددسن مستعمل والحقيقه تنقال مو نضيف وطبيعي انه بيتعبني كان موديل 98 قضيت معه اسوء الاوقات : (


يا بعدي لامني قلت اعرف واحد يعني اعرفه معرفه شخصيه مهب سمعت من فلان
وثاني شي انا واقف عليهن

وانا قلت نضيف ، تعريفه بالنسبه لي اني اخذه من واحد فاكه وكاله وعاقل واعرف استخدامه والموتر المكروف بيين ..

لكن كون ردك على انك تتحجر ما ينفع لي ، انا كتبته نصيحه لابو فيصل لانه اساس الموضوع طلب المشوره من الاعضاء ، فمثل ما انت وغيرك ذكرو ما واجههو يحق لي اني اذكر ما واجهت واذكر تجربتي ..

ولو تقرا ردي زين تتشوف اني ذكرت ما واجهت ولا قلت خذ الددسن والنافارا واكتفيت بقولي
اما سالفة كلن يمدح بقله ذي مهب عندي يعني خلاص انا شريت هيلوكس تصير ازين موتر !! ، كل موتر به عيبه وبه مزاياه ومافيه شي كامل غير الله سبحانه

هذا غير بلاه اللي هو كرونته على طول تون ، وغير كلتشه اللي ما يطول ابد وعلى طول ريحته تفوح ..
والعاقل خصيم نفسه واكتفي بردي الاول ، اما كونك تميل الا قولة اني اكذب فهذي براحك صدقت ولا ما صدقت ما علي منك لكن والله وانت ما حلفتن لكن والله ان اللي ذكرتهن اني شايفهن وواقف عليهن ..

والله يعطيك من خيره ويكفيك شره هاللي معك ، ويا علك ما تواجه منه ردى ..

[عاشق الاخطار]

الددسن اول والهايلكس اول ما يعلى عليها مع الفرق بينهما من 78 إلى 85 الددسن افضل من 86 إلى الوقت الحالي الهايلكس افضل .
بس نتوقف ونشوف كم المبلغ الي معك و استخدامك له .
على العموم السيارات وغيرها توفيق من الله .
كان في البيت هايلكس 97 بعناه عام 2008 غير الزيت و البواجي و البنزين و السيور ما حطينا فيه .
انصحك بالهايلكس وان كان غالي
وسلامتك

[ابوفيصل1]

الله يصبحكم بالخير .جميع
يربع اشكر لكم طروحاتكم ومشاركتي الموضوع
الدعوة سيارة حديد لة محاسن ولة عيوب وفي الاول والخير التوفيق من الله سبحانة جل شانة
و اسمحو لى ابدي رايي ان المشادة بين بعض الاخون في الطرح ما لها اي ثمرة غير ان الشيطان لعنة الله يقطف
ما تزرعون من اعمال والتعب والكرف في هل المزرعة عليكم فا لله لله في ما تكتبون بالسر والعلن
والدعوة موتر نبي شوركم فية
اهذا ما طلع من قريحتي يالربع اعذروني التقاعد على الباب وقمنا نهوجس ونقط خيط وخيط

[FAPioO]

انا شاري نافارا 2008 جديد اول مانزل
وحظه شين جاني بفترة مراهقه
ذاك الموتر جرت عليه جور بر ومقاومات بس ماجاه تفحيط الحمد لله ماني راعي تفحيط من اول هههه
الخلاصه الموتر ماشكيت منه بشي ابببد 4سنين جلس معي والله حتى الكفرات شد بلد يوم ابيعه من طلعته من الوكاله ماغيرت الى فحمات وزيت مكينه وفلتر ومره احترق الكشاف وغيرته بس
انصحك انصحك انصحك بشدددده فيه ويكفي صداماته حديد حتى بديه قوي واذا تبي تتأكد افتح باب صندوقه وشف وشلون ثقيل