المساعد الشخصي الرقمي

مشاهدة النسخة كاملة : مقبل على شراء نافارا


مكشَاتي
07/10/2013, 12:09 AM
سلام عليكم

بغيت استشيركم عن عيوب وميزات النافارا SE - اوتوماتيك - بنزين

انا مانب راعي واكدها بالطعوس ابيها لحوضها

هل يمكن اواجه اعطال او مشاكل ميكانيكية مستقبلاً لاسمح الله

و وش الفرق بين SE و LE
اسبيدر مان
07/10/2013, 12:52 AM
وعليكم السلام
انا استخدمت السياره سنه واشوي ولم اواجه اي مشكله وكانت اس اي قير عادي
الموتر راسي واقتصادي والمكينه هاديه بسبب ان القير ست تعشيقات والعزم مقبول يعني اقوى من الددسن واضعف من الهايلوكس كبير حوض الصندوق وايضا الغماره وسيعه بالخلف والامام
ايضا انس تنزل من الخلف ممهما حملت الصندوق ومع هذا الراحه مقبوله

الفرق يختلف حسب الوكيل وتعرف نيسان الخليجي مالي السوق
لكن الى اعرفه ان ال اي ال هل الفل كامل ويكون داخليتها لون بيج ومسجلها يختلف ويجي فيها مساكات بالخلف للركاب والمرتبه مفصوله ودرج بالوسط
طبعا فيه بعضهن يجي فيه مثبت سرعه وفيه بعضهن تجي من دون اخطوط
مطر وربيع
07/10/2013, 12:53 AM
النافارا الاوتوماتك عند اخوي لها 4 سنوات ولله الحمد لايوجد عيوب قوية

فيه صوت قرقعه في الكبوت والحل بريال شطرطون لف فيه شنكار الكبوت ويروح الصوت
كان فيه الموديلات الاولى 2008 عوامة البنزين تخرب وصلحوها في الموديلات الي بعدها بس هذه الملاحظات
الفرق بين الle و se المسجل وديكور بلون فضي و6 سماعات وفرامل abs و ايرباج واحيانا تتوفر الاريباج في
ال se وكان فيه فل فيه ازرار في الدركسون لمثبت السرعه لكن ماعاد يوردونها
مكشَاتي
07/10/2013, 12:57 AM
اسبيدر مان (http://mekshat.com/vb/member.php?u=92918)
كم سعة المكينة حقتها؟ ماتفرق معي سعودي ولاخليجي ابشوف ايهم ارخص لي

مطر وربيع (http://mekshat.com/vb/member.php?u=245698)
اشوف بالرابطة ناس كثار يتكلمون عن الحرارة وسوء التكييف صراحة يخوف هالموضوع
لحول حتى الايرباق ذلونا فيه الله يدمرهم من وكلاء ومانع الانغلاق مهم بعد
اسبيدر مان
07/10/2013, 01:08 AM
النافارا سعه المكينه 2500 سي سي بقوة 162 حصان اجمالي و 154 حصان صافي وهي اربع سرندل
نمر القير العادي محشوره الى الخامس من اجل مايبرد العزم لكن النمره السادسه مفتوحه
انا كان معي موديل 2010 وماواجهت مشكله لابالحراره ولا بتبريد المكيف مع اني قريت مثل هل مواضيع
نافارا.......
08/10/2013, 11:46 AM
وعليكم السلام ورحمة الله وبركاته
الحرارة ترتفع بالصيف مع المكيف بين النص والربع عادي لان
الفروق لا اعلم
والله يكتب اللي فيه الخير
مطر وربيع
08/10/2013, 09:23 PM
مطر وربيع
اشوف بالرابطة ناس كثار يتكلمون عن الحرارة وسوء التكييف صراحة يخوف هالموضوع
لحول حتى الايرباق ذلونا فيه الله يدمرهم من وكلاء ومانع الانغلاق مهم بعد
رد مع اقتباس

سوء التكيف مركب اخوي تضليل حراري ب700 ريال وما شاء الله المكيف بعده يبرد ليل ونهار
الحرارة مااشتكى منها ولله الحمد
NAVARA-2011
12/10/2013, 02:38 AM
http://mekshat.com/vb/showthread.php?t=597542

شوركم

وياليت تفاصيل اكثر لمشكلة هالحرارة والتكييف .. غثتن صراحة !!

كنت افكر بددسن بس ماش تجيب المرض


أهلا فيك أخي مكشآتي

الموتر في التحميل أفضل من الددسن و الهايلوكس

ميزته ما ينزل إذا حملته

و الفرق ما بين SE & LE


SE1 يجي :
جنوط حديد
كشافات


SE2 يجي :

جنوط كروم
إشارة مرايا
جناح
كشافات
القير : عادي .. أوتو


LE يجي :

نفس مواصفات SE
زيادة عليها
درج في الوسط و المراتب مفصولة سواء عادي أو أوتو
مرايا تعتيم
درج نظارة
حساسات

هذا كلامي على المواصفات السعودية

الخليجي تختلف قليلا

نأتي للحرارة

الموتر إذا كنت في منطقة صيفها حار جدا

أنصحك في مراوح كهربائية مثل السوبارو أو الماكسيما

أولاً : تنسى هم الحرارة
ثانياً : تبريد المكيف يزيد
ثالثاُ : استهلاك الوقود يقل
رابعاً : عزم الموتر يزيد

أهم شيء تشوف لك كهربائي معلم يضبط لك شغلتهن

ـــــــــــــ

و النافارا أفضل تكييف من واقع تجربة من الهايلوكس و الددسن

لكن مشكلته يحتاج تنظيف الفلتر كل شهرين أو 3 شهور

و تنظيف الفلتر أمره سهل جداً

ــــــــــــــ

الحرارة تزيد فقط في فصل الصيف و إذا كان المكيف شغال و السيارة واقفة تكون الحرارة أقل من النصف

و سألت عنها قالوا طبيعي جداً

ـــــــــــــــ

و إذا عزمت على شرائها ركب مراوح كهربائية سوف تنسى أمر الحرارة

مع العلم إن ما فيها أي مشكلة لو ما ركبت

ـــــــــــــــ

الموتر من ناحية تجربتي صراحة قوي و جبار

و عزمه قوي مقارنة بثقل وزنه

و هذا يعطينا إجابية إنه أرسى في الخط من الددسن و الهايلوكس بكثير

و أقوى هيكل و أوسع داخلية منهم جميعا

أرجو إني أفدتك بشيء

و أي استفسار أنا حاضر

مع التحية

أخوك : NAVARA-2011
الرجل الحجري
13/10/2013, 12:34 AM
موتر لكن في النفود ماينفع بريال
المنيعي1
13/10/2013, 03:14 AM
موتر لكن في النفود ماينفع بريال

انا مجربه بالنفود وبكفرات الوكالة ممتاز

بنسبة للحرارة فيه واحد من الشباب بالمنتدى مركب بالف ددسن وعلى كﻻمه انه ينزل الحرارة على الربع بالصيف
مطر وربيع
13/10/2013, 06:05 AM
موتر لكن في النفود ماينفع بريال

كفرات شد بلده حجريه ماتفنع للنفود بدلها بكفرات دعسه ناعمه وعريضه يمشي