تكفووووووووووووووووون الفزعه

[شامخ الحوطه]

السلام عليكم ورحمة الله وبركاته
عشركم مباركه ومتعكم الله بالصحة والعافية
ابغى مساعده يا اخوان انا انسان ماني راعي سفريات للخارج ابعد ما رحت لدبي وبعد للعمل انتداب
مع اني متابع لخيمة الرحلات السياحية
ولكثير من تجارب اخواننا في هذا المنتى الشامخ
قررت اسافر باذن الله تعالى في اخر الشهر
لمدة عشرة ايام
لكن محتار وين اروح لاعمري رحت ولا جيت الا للمكاشيت
فياليت اللي عنده خبره لا يبخل على بالنصيحه وفقكم الله وحرم الله وجوهكم و ولديكم عن النار
الامكان المقترحة
1- تركيا
2- اندونسيا
3- ماليزيا
تكفووووووووووووون لا احد يبخل علي بالمعلومات عن المدن الذكورة
من ناحية الاسعار والامن والاماكن:good2::l
ضرووووووووووووري
الوجهه للطبيعة
الميزانيه
15
الى
20

[البحر الجديد]

حط ميزانيتك كاملة، ومالذي تفضله في السفر: طبيعة، تسوق،... الخ ، والاخوان ما بيقصرون ان شاء الله.

[شامخ الحوطه]

مشكور
من 15 الى 20 الف
والوجهه للطبيعه

[E F I 2700]

ان شاء الله موب مقصرين معك اهل للسفريات

[بدوي ممطور]

الله يهد يك عشره ايام دوبك تلم عفشك

[X30]

وعليكم السلام ورحمة الله وبركاته
أبشر بالمشوره والفزعه
اخوي أنصحك بتركيا وفيه عرض جميل من شركات سياحيه عالميه في الاردن مثل شركة(دالاس)
عندهم عرض 8/ايام في اسطنبول بـ500دينار اردني يعني تقريبآ بالسعودي2650ريال
شامله التذاكر والافطار والتنقل من المطار الى المدينه ووالعوده ومرشد يتكلم عربي
وفقك الله

[ابو99]

الله يسعدك سافر للى تبى بس لا تنس تبرع لا خوانك المحتا جين بالشام افتح قناة وصال او شدا وتلقى حساب الشيخ العرعور الله يوفقك

[ابو سمر]

أخي راعي الحوطة

أتوقع أنه من المناسب في هذا الوقت هو إندونيسيا وماليزيا لأن تركيا بدأ الجو يبرد، على إني زرت تركيا وبودي أن أكرر الزيارة ففيها الآثار العديدة والمناظر والرحلات البحرية الجميلة..
وإذا بإمكانك تؤجل الرحلة إلى ما بعد العيد لكي يعود الكثير من السياح الخليجيين للدول المذكورة يكون أفضل وتجد أن الأسعار أقل.. لأن أهل السياحة هناك يعرفون عطلاتنا وخاصة عطلات المدارس.

وموفق إن شاء الله ..

[Dr.Cinta]

اندنوسيا 15000 تكفيك اسبوعين وزود

[الدبل الرابع]

السفر زين بس مع من؟!!

[أبوصالح9]

15000 - 20000

اشور عليك رح للنمسا افضل من هالاماكن اللي قلتهن كلهن - واحجز عن طريق النت ارخص وشي مؤكد - على الخطوط القطرية التذكرة سعرها 3100 تزود او تنقص شوي- اسمع شوري والله ان تدعي لي

[_TOYOTA_]

اندونيسيا زينه وماليزيا ازين اما تركيا ازين وازين اسطمبول مطاعم واسواق ومعالم تاريخيه بس يبي لك مكينة دراهم للمصروفات واحسن اماكن تركيا مدينة طربزون وحواليها

[يا عمليات]

وعليكم السلام ورحمة الله وبركاته


لا تقول تكفى بعشرين الف تروح لايطاليا + فرنسا + المانيا + النمسا + التشيك يومين يومين الخ..
الا التشيك تاخذ فيها 6 ايام بس بشرط تحجز في الشتاء وتروح لها في الصيف عن طريق موقع booking.com قيمة التذكرة ذهاب اياب بـ 3400 والاجار مو لازم فنادق 5 نجوم نزل عادية هذا اذا تبي تطنخ واذا على الدول اللي منزلها فعليك بتركيا