ياشاري الحر تعال

[ابوحزااااااام]

بسم الله الرحمن الرحيم
السلام عليكم ورحمة الله وبركاته
1: ما نوع الطير : (...حر..)
2: ماعمرالطير :( ...مدري..)
3: ما(قياسه او وزنه)؟؟ 17 وزياده
4: وحش(الدوله المطروح بها ) (..لااعلم...)
5:تفريخ (الدوله والمزرعه)(.....اصيل.......)
6:تهجين (الدوله و نسبة التهجين والمزرعه)(....اصيل.......)
7:أين مكان الطير حاليا (المنطقه / المدينه) (...الخرج.....)
8:هل يوجد توصيل داخل اوخارج دولتك (...لا......)
9:ماهي الحاله الصحيه للطير (....سليم......)
10: هل صاد الطير الحباري (...مدري..) وتشرط على ذلك :( ...)
11: هل صاد الطير الكروان (...مدري..)وتشرط على ذلك : ( .....)
12: هل صاد الطير الارنب (...مدري....) وتشرط على ذلك :( ....)
13: هل الطير طلاع على الحباري (...مدري..) وتشرط على ذلك : ( ....)
14: هل الطير يرغب الحمام ( .مدري...)
15: هل الطير راكد على تكاية السياره بدون برقع :( .مدري...)
16: هل الطير يمسح على التلواح او يلاعب الشلو(خالي ) ( ..مدري.......)
17:هل توجد في الطيرعيوب (الارتفاع,الكوشه,نقل العلف,الصياح)(..لا....)
18: هل توافق على فحص الطير بالمستشفى (....نعم.....)ومشاهد طياره بالمدعى : ( ..نعم.....)
ملاحظه :
1: البيع المشروط ملزم ومرضي للطرفين( وأبراء للذمه )
2: فحص الطيراذا رغب المشتري (على حساب المشتري) للجاد
3: بعد الموافقه على شروط البيع واخذ الطير(لايوجد ترجيع)
الطير يااخواني الاعضاء مشري اخر الموسم وربط
وراعيه الاول كلامه ذابح بط ودجاج حبش
سلامة الطير توني مطلعه قبل امس وحصلت معه تسكر بالانف وراح به رفيقي
وسوو له تنظيف قبل التنظيف كان يتنسم مع فمه
وعطونا قطره وواعدونا بعد ثلاث ايام
والعذاريب مافيه شي الا نقل العلف ماقال لي راعيه شي وانا مابعد جربت ابراء للذمه
سبب اللبيع شاري وحش وابغا اتفضى له


==========================
http://im41.gulfup.com/g3VqS.jpg (http://www.gulfup.com/?6UZtHN) http://im41.gulfup.com/uFBBr.jpg (http://www.gulfup.com/?ffs4oi)


http://im41.gulfup.com/CCyNh.jpg (http://www.gulfup.com/?EED2ge) http://im41.gulfup.com/szplh.jpg (http://www.gulfup.com/?kFEzxL)

[الشقررردي]

افتح بابه ب. 3000
نظراً لان الطير مجهول والا تدري هل هو صايد ام لا

بشرط يكون الطير بصحه والابه اي مرض لاقدر الله

هذا رقمي بعد اذن الادارة اذا جازت لك السومه

0530119397

وتراي صامل ولي فوق سبوعين ادور لي حر

[خيال سهيل]

ابوحزام لاهنت مابه صور اوضح من ذي لارضية الطير وجهه

[ابوحزااااااام]

افتح بابه ب. 3000
نظراً لان الطير مجهول والا تدري هل هو صايد ام لا

بشرط يكون الطير بصحه والابه اي مرض لاقدر الله

هذا رقمي بعد اذن الادارة اذا جازت لك السومه

0530119397

وتراي صامل ولي فوق سبوعين ادور لي حر
الطير مشروط الصحه
اما بالنسبه للصيد والله مااعلم عنه شي سواء صايد ولالا
اما سومتك جزاك الله خير اذا هذا سومك ماضنتي انك بتلاقي طير
والطير ظالمته الصور لكن الله يرزقنا ويرزقك

[ابوحزااااااام]

صورة الارضيه



http://im38.gulfup.com/Dn1Wk.jpg (http://www.gulfup.com/?494x1u)

[راعي ياقوت]

الله يبارك لك يابوحزام بس ياخوي الطير مجهول من كل شي حتى العمر مجهول وسوالف على كلام راعيه ماحد ياخذ عليها لان لو بالطير شي ماحد يقدر يحاجك بشي ولاتزعل من سومة اخونا وانت جاهل كل شي بالطير والله يربحك ويربح كل مسلم مع العلم أن الطير على كلامك فيه سدد

[المظهور]

اقول 3100 شرط ماذكر

[خيال سهيل]

3500 شرط الصحه وسلامت منخره من السداد

[ابوحزااااااام]

الله يبارك لك يابوحزام بس ياخوي الطير مجهول من كل شي حتى العمر مجهول وسوالف على كلام راعيه ماحد ياخذ عليها لان لو بالطير شي ماحد يقدر يحاجك بشي ولاتزعل من سومة اخونا وانت جاهل كل شي بالطير والله يربحك ويربح كل مسلم مع العلم أن الطير على كلامك فيه سدد
الله يهديك ياحضرة المحامي على العموم انت مالك نظر في الطير بس جاي تلقف
ولاراح اعلق على كلامك في الطير

[ابوحزااااااام]

3500 شرط الصحه وسلامت منخره من السداد
الطير مافيه سدد مافيه وغلطتي ماذكرت انه وصخ وطلع بعضه قبل المستشفى
منخره فيه وصخ مثل كل طير يطلع من المربط بعضها ينظفونه المستشفى وبعضهم يعطيه عصبه
والحين يتنسم معا منخره ولافيه الا العافيه
والطير اذا فيه أي عذروب شرعي مرجوع
او عذروب من عذاريب الطيور
خلاص يااخوان كلامي واضح ولالا

[راعي ياقوت]

الله يهدي الجميع أن شاءالله وهديك وأن شاءالله مع الوقت تكبر وتتعلم وتكون أفضل بارك الله فيك اكيد مالي نظر بالطير لان من نظريتي الطير قرناس كبير والقرناس الكبير ومجهول مالنا به واعتقد أن كلامي ما كان فيه أي غلط لاكن أنت خاطرك تجاري دايم تنفعل بسرعه وأتضايق عسى الله يهديك أن شاءالله

[أبو فيصل]

واضح يابو حزام وسّع صدرك و السوم بيزيد لين يوصل محاريك أن شاء الله و عسى الله يبارك للبايع و الشاري مقدمآ

[قناص الدبدبة]

الله يرزقك اخوي ابو حزام
وموفق ان شاء الله
اخوك حجاب العاطفي

[ابوحزااااااام]

واضح يابو حزام وسّع صدرك و السوم بيزيد لين يوصل محاريك أن شاء الله و عسى الله يبارك للبايع و الشاري مقدمآ

لازم وسع الصدر في المنتدى يابوفيصل لان فيه الصاحي والخبل وفيه العاقل والملقوف
وفيه الراعي والشيخ

وانت ياراعي قول اللي تقوله وعيب في الطير لكن اللي بقوله في هذي العشر من ذي الحجه
الله لايبيح منك ان كانك متلقف علي معا ذا الصبح الله يجعلها في صبت وجهك

[ابوحزااااااام]

الله يرزقك اخوي ابو حزام
وموفق ان شاء الله
اخوك حجاب العاطفي

جزاك الله خير
وارحب ياوجه محلف مرحبا ومسهلا

[ابوحزااااااام]

لن يتم الرد من الان الا على أي استفسار يخص الطير اوسوم او دعوة طيبه

[راعي ياقوت]

لاحول الله ياخي الله يبارك فيك وفي طيرك ههههههههه صبة وجهك هههههههههه الله يهداك وابشر خلاص بطلع من موضوعك وأن شاءالله تبيعه بربح

[خيال سهيل]

لازم وسع الصدر في المنتدى يابوفيصل لان فيه الصاحي والخبل وفيه العاقل والملقوف
وفيه الراعي والشيخ

وانت ياراعي قول اللي تقوله وعيب في الطير لكن اللي بقوله في هذي العشر من ذي الحجه
الله لايبيح منك ان كانك متلقف علي معا ذا الصبح الله يجعلها في صبت وجهك

افا افا افا
ياخي الاسلام حث على الخلق الحسن والمرجله ياولد الشيوخ تبي بطان وسيع
وكلن عارف قدره ولد راعي ولا من عيال الفريس
انا ملاحضك تنفعل بسرعه و احيان تطلع منك الفاض خلني اقول شرسه وانفعاليه
ترا. الدعوه بيع وشرا وناسه وتوسيع خاطر ماهي غنات ولاهي براس مال

الله يهدينا ويهدي كل مسلم

[راعي ياقوت]

أنا توني منتبه لكلمتك الي تقول فيها ((راعي )) لاكن أنا وسيع بطان ويعرفوني الرجال لاكن أنت صديرك صدر حمامه أدنى ماوداك وجابك ولولا حشمة الرجال الي موجودين وحشمة المنتدى والمشرفين كان ردها جاهز لاكن نرتفع من الي مثلك والغلط مني أني دخلت موضوعك جعل أمحق موضوع وأمحق طير

[الاشعل 316]

السلام عليكم

يا جماعة الخير اذكروا الله

[خالد العطااوي]

سلام عليكم
طير طيب وراعيه اطيب
والله يرزقك عدد ريشه وزود ..

[hail_ksa]

الطير مافيه سدد مافيه وغلطتي ماذكرت انه وصخ وطلع بعضه قبل المستشفى
منخره فيه وصخ مثل كل طير يطلع من المربط بعضها ينظفونه المستشفى وبعضهم يعطيه عصبه
والحين يتنسم معا منخره ولافيه الا العافيه
والطير اذا فيه أي عذروب شرعي مرجوع
او عذروب من عذاريب الطيور
خلاص يااخوان كلامي واضح ولالا



للأسف هالوقت لو تعد الصدز (تقول الحقيقه) كلن يكسر سلعتك ولا تنباع .. وغلطتك مامدحت الطير


إنت اجتهدت وبينت حقيقة الطير والطير مابه عيب أو عذروب لكن الناس الله يهديها تستغل هالشيء في كسر القيمة

يجيك اللي يعطيه قيمته ويثمنه
موفق أخوي

[ابوتركي1666]

عزالله انك يقوت على أسمك ولك في اسمك نصيب كبير لكن على قول المثل الرجال مثل الصندوق الاسود متى ما انفتح تعرف وش في داخله الله يهدي الجميع لما يحب ويرض والعشر مباركه على الجميع

[الشقررردي]

اخوي ابو حزام

انا سمت الطير والسوم مامنه زعل

عموماً الله يرزقك بطيرك


هد بالك بعدين انا ماكسرت قيمة الطير
انا سمته بالي يخارجني

[مشعل95]

سبحان الله وبحمده سبحان الله العظيم

[لحق وذبح]

سومه مافيها شي طير مجهول من كل النواحي حتى الحمام كاتب مدري
يعني الرجال تسوم كوم ريش
وسع صدرك يابو حزام ترا الاسلوب ماهو كذا ماهي هواش

[محمد العقص]

يـ ,. أبو مدري الطير كم وصل عليه ؟؟؟

[ابوحزااااااام]

الطير وصل 5000

[ناب ذيب]

يـ ,. أبو مدري الطير كم وصل عليه ؟؟؟


افا افا افا
ياخي الاسلام حث على الخلق الحسن والمرجله ياولد الشيوخ تبي بطان وسيع
وكلن عارف قدره ولد راعي ولا من عيال الفريس
انا ملاحضك تنفعل بسرعه و احيان تطلع منك الفاض خلني اقول شرسه وانفعاليه
ترا. الدعوه بيع وشرا وناسه وتوسيع خاطر ماهي غنات ولاهي براس مال

الله يهدينا ويهدي كل مسلم
انشهد امحق موضوع تجي في بيعته كل هالاموروتالي بومدري هههههههه
وش البيعه تيه

[ابوحزااااااام]

انشهد امحق موضوع تجي في بيعته كل هالاموروتالي بومدري هههههههه
وش البيعه تيه

الامور تيه لو اني ملفق للطير علوم ومسوي له دعايات ماجات الامور تيه
والبيعه تيه لو عند غشاش ما جات التعليقات البايخه تيه
وكلن وذمته والمثل يقول الصدق منجاة والكذب مغواة لكن الظاهر انعكست الامور
ولكن اللي شين خاطري اعضاء كنت اقدرهم واحترمهم وماكنت اضن انهم يستغربون
الصدق والصراحه لين قامو يتكلمون بكلام عكس نظرتي فيهم

الأجـــواد وان قـــاربتهم ما تملهم === والأنــذال وان قاربتها عفت مابها
الأجـــواد وان قالوا حديثٍ وفوبه === والأنذال منطــوق الحكايـا كذابهـــا
الأجـواد مثل العد من ورده إرتوى === والأنذال لا تسقي ولا ينســقابهـــا
الأجـواد تجعل نيلها دون عرضها === والأنذال تجعل نيلها في رقابــــــها
الأجــواد مثل الزمل للشيل ترتكي === والأنذال مثل الحشو كثير الرغابها
الأجواد وان ضعفوا فيهم عراشة === والأنذال لو سمنوا معايا صلابـــها
الأجواد يطرد همهم طول عزمهم === والأنذال يصبح همها في رقابــــها
الأجـواد تشبــه قــارةٍ مــطـلـحبة === لا دارها البردان يلقى الذرابــــــها
الأجـواد مثل الجبــال الـــذي بها === شـــربٍ وظلٍ والــذي ينــــهقابـــها
الأجواد صندوقين مســـك وعنبر === لا فـتحــت أبوابــها جـــاك مابهـــا
الأجواد مثل البدر في ليلة الدجى === والأنـــذال ظلـــماً تايهٍ من سرابها
الأجواد مثل الدر في شامخ الذرا === والأنذال مثل الشري مرٍ شـــرابها
الأجواد وإن حايلتهم ما تحايــلوا === والأنذال أدنى حيــــلة ثم جــابـــها
الأنذال لو غسلوا إيديهم تنجست === نجاسة قلــوب ما يفيــد الدوابـــها

[ابوحزااااااام]

يـ ,. أبو مدري الطير كم وصل عليه ؟؟؟
ماعاد عرفنا وش تبون ابومدري ولا ابو خابور

[ابوحزااااااام]

افا افا افا
ياخي الاسلام حث على الخلق الحسن والمرجله ياولد الشيوخ تبي بطان وسيع
وكلن عارف قدره ولد راعي ولا من عيال الفريس
انا ملاحضك تنفعل بسرعه و احيان تطلع منك الفاض خلني اقول شرسه وانفعاليه
ترا. الدعوه بيع وشرا وناسه وتوسيع خاطر ماهي غنات ولاهي براس مال

الله يهدينا ويهدي كل مسلم

انا الحمد لله صدري وسيع لكن بعض اللقافه تطلعك من طورك
شوف راعي السومه اللي عاتبته ولاغلطت عليه وش كان رده كان رد رجال عاقل واثق
ماسمع كلام اللي يسببون الضغائن والكره وانا كنت متجنبهم لكن كل حصان وله كبوه
وافلحت منهم ومن مواضيعهم ومشاركاتهم والرد عليهم بعد الان
وجزاك الله خير على النصيحه ومقبوله

[ابوحزااااااام]

للأسف هالوقت لو تعد الصدز (تقول الحقيقه) كلن يكسر سلعتك ولا تنباع .. وغلطتك مامدحت الطير


إنت اجتهدت وبينت حقيقة الطير والطير مابه عيب أو عذروب لكن الناس الله يهديها تستغل هالشيء في كسر القيمة

يجيك اللي يعطيه قيمته ويثمنه
موفق أخوي
جزاك الله خير ووالله لو كسرو سلعتي ولا عيبوها اني مااغير طريقة بيعي
والرزق من عند مقسم الارزاق

[خيال سهيل]

شف وانا اخوك ان صدقت صدقت لنفسك والربك وهذا حال المسلم
والي يبي الحرام والغش بيتحصلها فشيله بين الرياجيل وعقاب من رب العالمين دنيا واخره
وخلنا واقعين انت بينك وبين الرياجيل شي مادرينابه ؟ يومهم يخربون عليك
الثانيه طال عمرك هذا سوق والسوق وخص الحراج يفتح باب السلعه بالسعر الي يناسب المشتري
او حسب تقديره ودامك عرضت طيرك بينفتح بابه وما عليك الا قولت جزاك الله خير
ورزقه بيجيه

[ناب ذيب]

الله يرزق عباده بنياتهم

[ابوحزااااااام]

شف وانا اخوك ان صدقت صدقت لنفسك والربك وهذا حال المسلم
والي يبي الحرام والغش بيتحصلها فشيله بين الرياجيل وعقاب من رب العالمين دنيا واخره
وخلنا واقعين انت بينك وبين الرياجيل شي مادرينابه ؟ يومهم يخربون عليك
الثانيه طال عمرك هذا سوق والسوق وخص الحراج يفتح باب السلعه بالسعر الي يناسب المشتري
او حسب تقديره ودامك عرضت طيرك بينفتح بابه وما عليك الا قولت جزاك الله خير
ورزقه بيجيه

خيال سهيل حياك الله
اول شي والله مابيني وبين احد منهم شي بالعكس اكثرهم كنت اقدره واحترمه
الا اذا احد منهم ماخذ مني موقف وانا ماادري
والتخريب مافكرت بالطير افكر براعي السومه عساه مايصدق ان فيه غلط عليه
وكلامي اللي يبون يحطونه اني غلطت على الرجال وهو
اما سومتك جزاك الله خير اذا هذا سومك ماضنتي انك بتلاقي طير
وين الغلط ياخيال لكني اقول بيض الله وجه الشقررردي
وعزا الله انه كبر بعيني يومه ما أثر فيه كلامهم

[خيال سهيل]

عفوا يابو حزام انا ما اخطيك ولا اخطيه والرزق بيجيك وين ماكنت

واهم شي ان خطرنا ماتضيق على بعض ولا نخرب على بعض المهم اننا نبقا اخوان رغم كل شي

[ولد الشآيب]

5000 شرط ان الطير مايتعدى قرناس سادس
و شرط ان الطير مابهه اي مرض لا قدر الله . نظر ان الطير مجهول و ماتعرف الا مقاسه ..
انك توصله لـ الاحسآء ..
و لامن جازت لك السومه هذا رقمي 0530008721

[عاشق السبق]

............................. الله يرزقك عدد ريشة.............................

[ابوحزااااااام]

تم اللبيع الله يكتب لكم الخير والخيرة
ارجو اقفال الموضوع

[راعي الشاص 44]

ماقصرت ياراعي ياقوت علمك غانم