ايهم افضل ربع باترول او ربع لاندكروزر ؟ [الأرشيف]

أبو الوليد 14

08/10/2013, 05:23 PM

اول كنا نقول ربع التويوتا نشيط ولا يماشيه النيسان
لكن الحين الربع نيسان نزل 4800 وما فيه مقارنة بينه وين التويوتا

abo naser 1

08/10/2013, 08:28 PM

صراع لا ينتهي

ابو محمد 2222

08/10/2013, 09:19 PM

^^
ذاك زمان
الحين مكينه الفتك انهت الصراع

- بو فيصل

08/10/2013, 09:30 PM

الربع تويوتا يحتاج تطوير و اليبانيين مهملينه
مستوى المكينه تحتاج تطوير لو تكون فوق 5 لتر ويكون فيه بعض التعديلات لكانت علومه علوم

تميم2222

08/10/2013, 09:45 PM

كلها مبروكه بس يعيب ربع التويوتا. مطب قوي

أبو سيف التميمي

08/10/2013, 11:38 PM

كلهن فيهم الخير و البركة

HGJLDLD

09/10/2013, 01:31 AM

انا من ملاك التايوتا بس يوم نزل الباترول ٤٨٠٠ فتك الافضليه للباترول

عساها تساهيل

09/10/2013, 01:35 AM

عطوك العلم البترول الجديد يفرق من ناحيه العزم والفزه

Spank

09/10/2013, 02:43 AM

شوري لك جرب جيب رانجلر من 2012 وطالع بتعرف معنى متعة السواقة الصحراوية اقوى من ربع نيسان 4800 واقل صرفية باترول وسعره ارخص بكثيير

sgl2002

09/10/2013, 07:24 PM

بدوي جنوبي

10/10/2013, 12:04 AM

ربع باترول ما فيها كلام

اصلا نظام التعليق مخصص للطعوس وفي نفس الوقت مريح في الخط

ابوتركي1010

10/10/2013, 01:06 AM

صراع لا ينتهي

أضحكني مرورك هههههههههههههههه يوفقك ربي

اتجاه السحاب

10/10/2013, 09:12 PM

الربع التايوتا عيبه سريع الأنقلاب ..

الخلاوي 9

10/10/2013, 09:16 PM

دامك قلت للطعوس مايبيلها الفتكك اقوا مكينة ودفرنسات ودبلات وقير وكلش .. موتر كامل والكامل اللهه
شففه النصص فلل دفلوك قزاز كهرب مراتب عرض بـ 127
لاحظ مواصفات النص فل ازين من الفل بالربع التيوتا
وعاد مايحتاج نسوي مقارنه معروف مين الرابح فيها
تححياتتي ~

قدر مكتوب

11/10/2013, 01:53 AM

الباترول وتوكل على الله

الصافي9

14/10/2013, 07:45 AM

بالنسبة للذي ينصح برانجلر مشكلته عذاريبه لا تنتهي ولا يتحمل الجور بالتطعيس مثل الاند او الباترول وخاصة بعد مشكلة الكلتش مع المكينة الجديدة دايما يخرب وواحد من الزملاء يعاني من المشكلة هذي والوكالة ما حلتها
لكن هل يوجد احد جرب الربعين اللاند والباترول ويعطينا تجربته

الصافي9

21/10/2013, 09:44 PM

احد عنده الربع الباترول الفتك الجديد وجربه ؟

ابوسند9

21/10/2013, 10:50 PM

ما يبغى تجريب توكل على الله وخذ تمايتك مجرب من عام 2002 نفسه نفس الفتك الصالون واخف نفس من الصالون
وانصحك تجرب الربع الفتك وبعدين جرب الربع التايوتا وتعرف الفرق

تميم2222

21/10/2013, 11:06 PM

وش جاب الثرا لثريا. ربع فتك لامن تطعيس ولامن خطوط وراحه واقوئ عزم. صح اول. ربع تويوتا اما مع الفتك الجديد اظن الفرق. واضح

الصافي9

22/10/2013, 08:12 AM

المشكلة اني ابحث باليوتيوب عن ربع باترول الجديد بالتطعيس ما لقيت غير واحد فقط وما يبرد القلب اما ربوع التايوتا تلقى مقاطع بالهبل

أبن ثعلي

22/10/2013, 10:45 AM

الربع التويوتا ما جربت الا موديل 97 تقدرون تقولون قديم شوي

لكن هاك الوقت (( خوي بمعنى بكل ما تحمل الكلمة من معنى ))

لكن من اللي اسمعه من اللي جربوا الربع النيسان (( الفتك )) يمدحون مكينته ويقولون غطى على التايوتا ولاهوب حوله ما يقارن

لكن من وجهة نظري التايوتا اضمن فالمقطعه وفالبيع يمشى (( واخف )) فالرمله

sgl2002

22/10/2013, 11:54 AM

^^^

ابو ثعلي كل الناس متفقين وعارفين ان النيسان اخف موتر بالرمله

واصلن هو مصمم للطعوس

ولو هو ينخاف منه يقطع بك ماشفتنا وهل البر اذا راحوا اماكن بعيده مواترهم باترول ولاندكروزر

على رمشي تمشي

22/10/2013, 01:23 PM

على السواقه تحكم ماهو على الموتر - وكلهن بهن الخير والبركه - اهم شى ان ربي يعطيك من خيره ويكفيك شرهه

أبن ثعلي

22/10/2013, 11:23 PM

^^^

ابو ثعلي كل الناس متفقين وعارفين ان النيسان اخف موتر بالرمله

واصلن هو مصمم للطعوس

ولو هو ينخاف منه يقطع بك ماشفتنا وهل البر اذا راحوا اماكن بعيده مواترهم باترول ولاندكروزر

كلامك صحيح واتفق معك ميه بالميه لكن فالموديلات القديمه من النيسان

من 89 إلى 97

لكن الجديد من النيسان يقولون اهله انه ثقيل وهذا اللي قلته لكم فالمشاركه الاولى

abo naser 1

22/10/2013, 11:44 PM

احد عنده الربع الباترول الفتك الجديد وجربه ؟

السلام عليكم

نعم مع أخي 2012 فل تربنيك ماشاء الله تبارك الله يتفوق على منافسة بقوة المحرك وقوة دبل القير الدفرنس الرساوة نظام التعليق انسيابية ((الأمان)) و المواصفات ومتعة القيادة
مع تأييدي الشخصي للقير العادي خصوصا بعد نزول الشاص والربع بدفرنس 4500 يكون مرتاح المحرك با الخط ليس كا السابق في الصالون

مدمن مرق

23/10/2013, 12:14 AM

الفتك والنيسان عموما عيبه ضعف المعلومات عنه, من شروحات للصيانة والاعطال وغيره.
يعني المجتمع المعرفي ضعيف جدا عكس تويوتا تحصل المعلومة بكل سهولة بخصوص اي شئ تبغاه.

العطاوي a511

23/10/2013, 12:35 AM

باترول وبس والباقي خس

abo naser 1

23/10/2013, 01:19 AM

الفتك والنيسان عموما عيبه ضعف المعلومات عنه, من شروحات للصيانة والاعطال وغيره.
يعني المجتمع المعرفي ضعيف جدا عكس تويوتا تحصل المعلومة بكل سهولة بخصوص اي شئ تبغاه.

بلا شك وأرى ذلك أنه من الوكيل لعل وكييلها الجديد يفي بمتطلبات ورضاء محبينها

خيال الحرشاء1

23/10/2013, 03:15 AM

ولله يالنيسان انه امحق موتر تقولون ماتقولون .. عذاريبة واجدة قرقعته شئ ولهط البنزين شئ

واستخدمت موديل 2002 فتك وهذاني اقولك انحش بيديك ورجيلك

وشريت الموتر الي الناس تقول انه مهوب زين Fj وفي ذمتي انه ابرك المواتر في البر ولكنه في الخط مزعج يعني مايناسب هل السرعة الي يمشون فوق 120

عبادي464

23/10/2013, 06:42 AM

كلهن مواتر انا ارشح الفتك اريح واامن وللعلم ان معي ربع تويوتا موتر بس يبيله واحد يعرفله

راعي الرود

23/10/2013, 08:03 AM

اول عيب النيسان مكينته فقط اللي هي الـ4500 كانت ماتصف مع مكينه التويوتا الـ4500 ابداً

بعد الـ4800 تقفل ملف القضيه و النتيجه لصالح النيسان بدون ادنى شك خصوصاً بعد تغيير مكينه الربع إلى 4000 لتر و اسأل اي مجرب لـ2009 و 2010 قل له وش فرق معك بالنفود خاصه و بيعلمك فرق واضح جداً

النيسان عطي الرحمن راحه مركب قوه مكينه و دفرنسات دبل و توفر التبترونك و الثلاجة و اهم شيء توفر الدفلوك اللي الربع ماقد نزل فيه دفلوك و اغلى سعر على لا شيء حسنته الوحيده يجي ونش و الونش امره سهل وارن 4 طن يالله لك الحمد و قضينا

وهج الحياة

23/10/2013, 08:35 AM

اي واحد منهم يعتبر جيد لكل استخدام
اشتر ما ترا انه اوفر لك ماديا

عاشق بوضه

23/10/2013, 07:51 PM

انصحك اجرب الموترين والله يوفقك ويسر امورك ويرزقك ماتتمناه

اسدهم

23/10/2013, 08:13 PM

مافي مقارة ربع تايوتا وش الجديد فية خلفية من 85 اذاماني غلطان لين 2014 احسب كم مديل واسطباتة الخلفية ماتغير شي الباترول يغير البدي كلة ويوم تسكر علية قام وحط مكينة فتك. وشوف العالم بيعت موترهم وطقو فتك من خارج المملكة من شيصان وربوع سحبو ع تايوتا حصلو الراحة. وبعدين اول ماطلع الباترول وهو ياي لين الحين. يعني بعد اللة تسوق سيارة صغيرة مطب مافي كلة ياي ونت تحكم في قساوة الموتر

ابو سبيحة

24/10/2013, 12:19 AM

انصحك بالاف جي اوسع لك وحول سعرهن
والله يكتب لك اللي فيه الخير

دروب غامضة

24/10/2013, 01:12 AM

شوف ياللحيه الغانمه دراهمك بيدك واشتر راحتك والي بخاطرك فيه ولا تهوجس
وماعليك من فلان وعلان
وكل موتر له الي يجمله وله الي يعذرب به,وجربنا المواتر ولنا فيها والحق ينقال

باترول ربع فتك ولا تشاور
شكل افضل ومركب وسيع وعزم طويل ويصبر على الجور والجلد , ويجي منه موصفات
واريح في الخط والبر و واذا انت من حقين المقناص والطردي صدقني راح يطربك مخاوي طير شلوى

ربع التيوتا لا موصفات ولاشي والجديد عذرايبه مسمار الثلاجه وعزمه الردي
ومركب ضيق يادوب يشيل الخوي والعزبه والكراسي الي وراى قشره
ويناقز من غير سنع ويوجع الظهر مشوار واثنين يعيفك منه
واذا تبي تجربه سق هايلكس غماره,قريبه من سواقته

والله يرزقنا ونشتري الجديد السلقه ابو دفلوك عز الله انه عز الطلب

بومالك

25/10/2013, 03:19 PM

كل الي يسبون الفتك مشترينه مستعمل وغالبية مستعمل الفتك مخلفات شباب تفحيط وتفجير وتزويد والا قناصه داقينه دق

قليل تشوف شايب على فتك او سواق او عائله

قاعس

25/10/2013, 08:00 PM

والله وانا أخوك من واقع تجربه فتك ربع ١٢ موتر مافيه كلام قوة وراحة ويتحمل الجور والدبلات قوية موتر كامل والكامل الله بس والله لاولا الظروف والله مابيعه والله يرزق شاريه وسلامتكم

alrowaily

26/10/2013, 06:01 PM

التايوتا حلو والنيسان حلو لاكن شف رغبتك

google-999-

27/10/2013, 12:56 PM

اكثر شي جاز لي بالموضوع ,, الي يقارن الفتك بـ الرانجلر ,,

هندل

28/10/2013, 06:12 AM

جيبن سفاري للمساري تدلق
مشي على غيره بدابه فرقيا

سميته الوافي وهو وافين حق
حقق وانا حققت في الحققيا

دايم على خوض الصعيبات يشفق
ياشاف صعبن قال ربي رزقيا

عزمه قوي ماعمر يومن تعلق
ياشاف حمر النفط فاع وانطلقيا

يشبه شيهان مع الجو حلق

ياجاك ماهو بشايفله سمقيا

من يركب البترول ماراح يزهق
ولايعرف التهميز هو والزقيا

في خوت البترول تقسم ونطق
خوت وفا خوت صويب الشلقيا

اركا على كبد المواتر وحرق
من بينهن يرقا جميع البرقيا

الجمس والتايوت والفرد الاخرق
كلها مع البترول خاقن وخقيا

سفير الحيا

28/10/2013, 06:26 AM

انا اخاف اتكلم يقولون متعصب

لكن عندي سؤال ؟

الربع التويوتا وش فيه ميزه ...

يميزه قوة العزم فقط والحين الافجي غطا عليه

الربع التويوتا لا مركب مريح ولا امان ولا وسع بتشيل احد ولافيه اي شي يستاهل القيمة والاقتناء

اذا كنت لابد من التويوتا خذ الافجي ابرك منه

كلام منطقي صراحه

ربع التايوتا عقب اللي ذكرته انت الى ان سعره غالي ومبالغ فيه

علماً بـ أني معجب فيه لكن سعره غالي جداً جداً

الصافي9

06/11/2013, 12:09 AM

هل يوجد مقطع فيديو للفتك الربع ؟

صياد تميم

06/11/2013, 08:16 AM

0ابونواف

08/11/2013, 06:42 PM

كلها طيبه ربع النيسان وربع التايوتا اذا انت من عشاق التطعيس والصحاري عليك بالنيسان واذا استخدامك مناطق جبليه عليك بالتايوتا والله يوفق الجميع لكل مافيه الخير

0ابونواف

08/11/2013, 06:44 PM

باختصار للسهل نيسان وللجبل تايوتا

sgl2002

09/11/2013, 03:16 AM

في قلة الخرابات = التويوتا
الاكثر في صرفية البنزين = النيسان
الراحة = النيسان
توفر قطع الغيار ورخصها = التويوتا بلا منازع
السعة الداخلية = النيسان
لطرق الوعره = التويوتا بدون منازع
والخيار الاول والاخير لك وبالنسبه لي التويوتا افضل
وتلاحظ اهل الوعر والحراة ياخذون التويوتا واهل الطيور ( الاغلبية ) نيسان

اذا بنقارن الجدد مع بعض

قلة الخرابات كلهم نفس الشي
البنزين كلهم نفس بعض التانكي يمشي 400
توفر قطع الغيار انا معك لكن الاسعار انا اجزم واراهن انها نفس الاسعار
الطرق الوعره النيسان اقوى بسبب دفرنسه اكبر من التويوتا وبديه خفيف

ابن كديميس

09/11/2013, 05:47 AM

الربع النيسان اكبر حجم عرض+طول
التويوتا اصغر
الربع النيسان ياي امامي خلفي
بس مرن بزياده
والراحه اكثر من التويوتا.
التويوتا سست خلفي ياي امامي
اثناء القياده تحسه قطعه واحده متماسك اكثر
الربع التويوتا اقوى بدي وعضلات بس موذاك الفرق .

بدوي جنوبي

09/11/2013, 01:23 PM

اذا بنقارن الجدد مع بعض

الطرق الوعره النيسان اقوى بسبب دفرنسه اكبر من التويوتا وبديه خفيف

الطرق الوعره تويوتا افضل
لكن الطرق الرملية نيسان أفضل بمراحل كثييررر