لاندكروزر 2013 جنط 18 وابي اركب كفرات بوالين

[مكشاتي1122]

السلام عليكم ورحمة الله ...

أخواني لدي سيارة من نوع لاندكروزر 2013 جنط 18 وابي اركب كفرات بوالين ونصحوني بالهيرو و مالون
ايش الافضل من بينهم ... وهل احتاج الى رفع السيارة او مجرد التركيب فقط

ارجوا افادتي ..

دمتم بـود ...

[مكشاتي1122]

أفيدوني يـآ أخوان جزاكم الله خير ..

[بن الشمال]

كفرات ماكسس طيب للبر لكن الله يعينك على الرجة اذا ركبتهم
وبالنسبة لارتفاع السيارة ركب خلف ياي استرالي ( قوته وسط ) عشان مع الحمولة ماينزل الموتر
ولعل الاخوان يفيدونك اكثر مني

[دنيا بلا معنى]

هلا اخوي انا سيارتي هدد ٢٠١٣ ركبت ياي استرالي خلفي مقاس ٧٢٢
ومن الامام رفعته عن طريق مسامير الي ارخاهن وارتفع الموتر من قدام مقاس ٣٠ والخلفي ٣٦
ولاركبت كفرات ولاشي ارتفاعه حلو رغم اني راعي طير وتخبر الطربقه ورى الطير

[مكشاتي1122]

الكفرات ميزتها اريح للموتر .. بس المشكلة احترت ماادري وش اركب هيرو او مالون
جنط 18

[ابو محمد 276]

اذا انك راعي سرعة ترا الهيرو والمالون ثقال
بالتوفيق

[qx55]

خذلك جنوط ١٧ وركب البالون وابشر بالراحه

[مافيه]

اخوي بفيدك بالي جربته المالوان

ميزتهاعراض وسكبه على الموتر اكثر من اي بالون ثاني وممشاها يهول العقل ولينه على الموتر

تعتبر ثقال وفوق ثقلها هي اخف من المكسس

مشاكلها وهي الي ابعدتني عنها
يقال والله العالم تتسلخ في الخطوط اسرع من غيرها وهاذا اللي حصل لي انسلخ علي كفر وبستبه طار الفيبر اللي على الرفرف و الصدام الخلفي
والمشكله الثانيه الدعسه وانت بكرامه تتشقق او تفتق بعكس الكفرات الثانيه تتسحل والمالوان يتسلخ
هاذي تجربتي للمالوان مقاس 17 لمدة 9 شهور وممشاء ماتعدى ال40 الف والهيرو ماجربته لاكن يمدحونه

وانا انصحك بالهيرو مع اني ماجربته بس انصحك فيه دامك تبي تتخير بينه وبين المالوان

واتوقع انك بتحتاج ترفع وجه الموتر شوي خص انه مقاس 18

[مكشاتي1122]

شكرا لكم ولتفاعلكم في الرد

لا عدمانكم

[speed62]

عليك بالهيرو وذا انت راعي سرعه عليك بالسيام بس غاليه لانها اسيام من داخل ماهي خيوط
المالون ماأعرف عنها شي
نصيــــــــــــــــــــــحه..لاتركب البالون على 18 خطير يرفع الموتر واجد بيزهقك بالبنزين والفات او التخييط فيه قلق احفظ نفسك
عليك بـ17 ومايحتاج ترفع الموتر البالون يرفع الموتر 3سم او اكثر

[التعـ King ـديل]

هيرو افضل بالون بالسوق الان

[مكشاتي1122]

شكرا لكم و رحم الله والديني و والديكم عن النار

لا عدمناكم

[سيف الظفير]

السلام عليكم ورحمة الله ...

أخواني لدي سيارة من نوع لاندكروزر 2013 جنط 18 وابي اركب كفرات بوالين ونصحوني بالهيرو و مالون
ايش الافضل من بينهم ... وهل احتاج الى رفع السيارة او مجرد التركيب فقط

ارجوا افادتي ..

دمتم بـود ...





وعليكم السلام

خذ النصيحة من مجرب من 2008 الى 2013 لاندكروزر



اذا بتركب على جنط 18 ركب مالون (( بس فيه ضريبة وهل الثقل بالون 18 ثقييييييل ))

والافضل وانصح به

1/ هلل 17 ماكسس

2/ جنط 17 نفس الـ 18 بس مقاس 17من لزوف وعليه هيرو او مالون 17



نصيحة محب

هيرو مالون كلها ثقيلة


الماكسس أفضلها

[سيف الظفير]

هلا اخوي انا سيارتي هدد ٢٠١٣ ركبت ياي استرالي خلفي مقاس ٧٢٢
ومن الامام رفعته عن طريق مسامير الي ارخاهن وارتفع الموتر من قدام مقاس ٣٠ والخلفي ٣٦
ولاركبت كفرات ولاشي ارتفاعه حلو رغم اني راعي طير وتخبر الطربقه ورى الطير


يالغالي الله يحييك


من عام 2008 الى 2013 واشتري جيوب جدد من الجكس للفكسار


ما فيها مسامير يا طويل العمر هذي كانت بالموديل السابق من 2007 وتحت

من 208 الى 2014 كلها يايات ومساعدات


جدد معلوماتك وصححها تراها غلط

[ل ي ه 570]

اخوي موتري ركبت عليه بالون هيرو علي الجنط ١٨
تحتاج انك ترفعه بالحيل هذي نقطه لكن من ناحيه الثقل ماحسيت بشي ابد بحكم ان الموتر ٨ سرندل ٢٠١٣ العيب الوحيد ارتفاعه فقط واذا تبي صور راسلني علي الواتس وابشر

[طرقشون]

ضروري تغير الجنوط الى ١٧ ولا تراك بتتوهق لا قدر الله وصار لك بنشر ونت خارج الرياض ماراح تحصل بالون مقاس ١٨ وبتورط عمرك

هذا غير انك اذا ركبت بالون على جنط ١٨ بيحك في الرفرف اذا لفيت او عند نزول وجه الموتر في البر

اما الكفرات فالملوان والهيرو عريضه ويلعب بها العاذر والحصى مع جنوبها لانها فارشه والهيرو جيد وعيبه قساوته
اما الماكسس فهو طيب ولين اذا سلمت من التنسيم مع شفة الجنط ولا تراك بتقاول البنشري اسبوعيا تزود الهوا

[طحنون]

خذ النصيحه ببلاش
ابعد عن البالون من الاساس ماوراه غير المشاكل
مافيه بريك زي الناس خصوصا وقت الامطار ويعدم الربلات والدوده والكارونه والدبل
البالون في وجهه نظري مايركب الا على مواتر كبيره مثل الجموس
وكل شوي انت ترصيص في ترصيص وتوسوس بالموتر رجه وكل شوي بتزود هواء
اذا تبي كفرات رمليه ركب شواهين مقاس 17 واذا تبي ترفع الموتر ركب ياي ومساعد

[الزعـبي]

ضروري تغير الجنوط الى ١٧ ولا تراك بتتوهق لا قدر الله وصار لك بنشر ونت خارج الرياض ماراح تحصل بالون مقاس ١٨ وبتورط عمرك

هذا غير انك اذا ركبت بالون على جنط ١٨ بيحك في الرفرف اذا لفيت او عند نزول وجه الموتر في البر

اما الكفرات فالملوان والهيرو عريضه ويلعب بها العاذر والحصى مع جنوبها لانها فارشه والهيرو جيد وعيبه قساوته
اما الماكسس فهو طيب ولين اذا سلمت من التنسيم مع شفة الجنط ولا تراك بتقاول البنشري اسبوعيا تزود الهوا

:good::good::good::good::good::good:

[مكشاتي1122]

شكرا لتفاعلكم و مشورتكم

بيض اللله وجيهكم لا عدمانكم ..


ل ي ه 570 توجد لك رسالة ...

شكرا لكم

[N-Al-hebabi]

نصيحة محب مجرب
عليك بالجنط ال 17 مقاس متوفر وصيانة هالحجم من كفرات وجنوط متوفر
لكن ال 18 يبي لك بنشري قريب من ديره كبيره

[اليامي قطر]

ضروري تغير الجنوط الى ١٧ ولا تراك بتتوهق لا قدر الله وصار لك بنشر ونت خارج الرياض ماراح تحصل بالون مقاس ١٨ وبتورط عمرك


عادي سهل جدا بركب الاسبير لين الله يفرجها واوصل ديره فيها 18

مافي شي صعب ... عواااافي

[أمجد ناصر]

بشر وانا اخوك ؟ ركبت ولا عادك؟