سيارتي في ميناء الدمام محجوزة

[Mr.Elegant]

السلام عليك ورحمة الله وبركاته ..


السالفه :


إشتريت سيارة من أمريكا وفحصتها في أمريكا وشحنتها للإستخدام الشخصي ..


وصلت الأسبوع الماضي للدمام .. تفاجأت بأنهم يقولون السيارة تالفه ورفعوا فيها خطاب للرياض ..


مع العلم بأن السيارة ماهي تالفة هي مجرد تأجير بالتمليك أو تأجير ولم تتعرض لأي حادث أبداً .. وأخذت تقرير الأوتوشيك وتم إرفاقه مع الخطاب ..


الآن يقولون إحتمال ماتدخل السيارة وتسوي لها إعادة تصدير ..



أخاف يرجعون السيارة وهي الآن محجوزة في الميناء ..


هل سيارة التأجير ممنوعه من الدخول مع العلم بأن أغلب سيارات أمريكا بنظام التأجير وأيضاً سيارتي اللي انا استخدمها الآن تأجير منتهي بالتمليك ..



أتمنى المساعدة ياأخون ضاقت بي الوسيعه من هالموضوع ,,


النظام_يرقل#


,,

[المميـز]

:

الله يكون في عونك وييسر امرك
نصيحتي لكم اللي يبي يشتري موتر من الخارج يطلبه على ميناء الامارات
ويروح يستلمه ويجي فيه خط

:

[أبو راشد 33]

قريت قبل فترة في سبق على ماأعتقد
أنه صدر قرار بمنع دخول سيارات التأجير ( يعني التابعة لمحلات تأجير سيارات ) و ليس التأجير المنتهي بالتمليك
و هذا القرار جديد

[التعـ King ـديل]

سيارات التأجير او التكاسي ممنوعه حسب علمي

[Mr.Elegant]

:

الله يكون في عونك وييسر امرك
نصيحتي لكم اللي يبي يشتري موتر من الخارج يطلبه على ميناء الامارات
ويروح يستلمه ويجي فيه خط

:



الله يجزاك خير ..

نفس الشيء حتى لو استلمتها في الامارات ماتدخل السعودية ..

[Mr.Elegant]

قريت قبل فترة في سبق على ماأعتقد
أنه صدر قرار بمنع دخول سيارات التأجير ( يعني التابعة لمحلات تأجير سيارات ) و ليس التأجير المنتهي بالتمليك
و هذا القرار جديد


المشكلة في التقرير انه مو واضح اذا السيارة تأجير او تأجير منتهي بالتمليك ..
دام السيارة مافيها صدوم ليش هالتعقيد ..

[غار بن شعلان]

السلام عليكم

اكيد بيعقدونك اخوي يبون اصحاب الوكالات والمعارض تستفيد وتلهط الناس مايبونك توفر فلوسك حسبي الله ونعم الوكيل فيهم

الله يكون بعونك اخوي مالي معرفه بالنظام والا كان خدمناك

[الشيخ الظريف]

حصلت لشخص قريب ان اخطآ الموظف بالترجمه وكان القريب فاهم وذهب للمدير وتكلم معه واخبره بخطأ الوظف بالترجمه وقام يحاججهم فاقتنع المدير ورفض الموظف بدعوى ارجاعها ولكن قوة قريبي جعلت المدير يقف معه وانتهت المشكله٠٠٠ابحث عن واسطه اسهل الامور

[aboabdullah96]

الواسطه ترفع بيتا لاعماد له

شد حليك

[ساقان]

وش نوع السياره واقترح تبحث لها عن زبون بالسوق الاماراتي ، وممكن اخدمك في هالجانب

[مقناص10]

الله يعينك ويفرج همك ويسرلك الامور عليك بالدعاء وانا اخوك والمحاولة ووسع صدرك ومايجيك إلا المكتوب اللي فيه الخير لك سواء اخذتها او لا

وهالانظمه كلها تصب في صالح الشركات والمؤسسات وانا يالمواطن مغلوب على حالي

يازين اول يم تروح المعارض تلقى الاستعمال بجميع الموديلات وسيارات نظيفة وعلى حسب قروشك واستطاعتك وتختار اللي تبغى لكن الان عقدوها ...

كورلا كانت ماتسوى 40 الف وفل الفل الان فوق ال60 والكامري اللي ب60 تاخذها وصلت ال100 حسبي الله وغيرها من السيارات واقساط دبل ...

لكن اسال الله العظيم رب العرش الكريم أن يفرج همك ويييسر امرك ويكتب لك مافيه الخير وان يطعمنا من حلاله

[sameer_1798]

الله يكون في العون دور لك معقب يخلصها لك
والله لو انها لشريطي في المعارض كان مشت اموره ,,, اغلب السيارات الاستخدام اللي بالمعارض المالك السابق شركه مؤجرة
http://www9.0zz0.com/2013/10/14/03/561441373.jpg
http://www6.0zz0.com/2013/10/14/03/222443634.jpg

[Mr.Elegant]

سيارات التأجير او التكاسي ممنوعه حسب علمي


المشكلة الى الآن انتظر ردهم ..
واذا هي ممنوعه فالنظام جديد علي والغريب انهم ماعمموه على الناس مجرد تعميم داخلي ..

[Mr.Elegant]

السلام عليكم

اكيد بيعقدونك اخوي يبون اصحاب الوكالات والمعارض تستفيد وتلهط الناس مايبونك توفر فلوسك حسبي الله ونعم الوكيل فيهم

الله يكون بعونك اخوي مالي معرفه بالنظام والا كان خدمناك


الله يجزاك خير .. الآن موجودة مع سيارتي حوالي خمسين سيارة لمعارض وعندهم نفس المشكلة ..
بنشوف كيف بيرجعونهم والا انا الضحيه وهم يطلعون منها ..


حصلت لشخص قريب ان اخطآ الموظف بالترجمه وكان القريب فاهم وذهب للمدير وتكلم معه واخبره بخطأ الوظف بالترجمه وقام يحاججهم فاقتنع المدير ورفض الموظف بدعوى ارجاعها ولكن قوة قريبي جعلت المدير يقف معه وانتهت المشكله000ابحث عن واسطه اسهل الامور


اتوقع اني بروح لهم وارفع صوتي يمكن تمشي الأمور ..




الواسطه ترفع بيتا لاعماد له

شد حليك




والله اني جالس ادور الآن ومالقيت ..
والمشكله انها وافقت ايام الاجازة ..


وش نوع السياره واقترح تبحث لها عن زبون بالسوق الاماراتي ، وممكن اخدمك في هالجانب


السيارة فكتوريا ..
اذا الله كتب لها ودخلت والا سويت اعادة تصدير للإمارات ..

[حان الرحيل]

السلام عليكم
سيارات الاجره والسيارت السالفاج ...لا تدخل الى البلد وعند ادخال رقم الهيكل في الجمارك يتضح لهم وش كانت السياره لان فيه ناس كثير تضررت وسوت حوادث بسيارات في ظاهرها جيده لكنها ..ممنوع اصلا ان تمشي على الاراضي الامريكيه ويسمح بتصديرها او تفكيكها فقط بسبب فيضان اوحوادث او حريق...او غيره....فان كانت سيارتك من هذا النوع فانصحك باعادة تصديرها والله يعوض عليك...علما بان السوق الاماراتي قد اضرنا كثيرا وتوفوا الكثير من السعوديين والعوائل بسبب جهلنا وجشاعة بعضنا ..كانت اغلب هذه السلفاج تصدر من امريكا الى الامارات على شكل سيارات قطع غيار ثم يعاد بنائها في 12 مجمع صناعي في الشارقه في الامارات على يد الهنود والباكستانيين والعراقيين والشوام وغيرهم ثم تباع علينا باسعار مناسبه مع العلم انه يمنع استخدامها في الامارات...ولم تنتبه السلطات لدينا الا العام الماضي....
وانصح الشباب اللي يشترون سيارات من الخارج وهي موجوده عندنا بكثره مثل الفورد...ان ياخذوا من هنا ...اذا السياره خاليه من العيوب والحوادث فهي في امريكا اغلى من هنا...لكن لدينا حب التجربه وعدم حساب الامور بحسابها الصحيح ....اغلب سيارات امريكا المصدره المصدره فيها عيوب لا محاله ..ونادرا ما تجد فيها سياره خاليه من العيوب وخصوصا الرشات....والعاملين عليها هناك اغلبهم من العرب الهاربه والعرب اللاطخه...وبعض المكسيكيين وبعض الجنسيات التي لا اذكرها...بمعنى ان مستوى الصدق والنزاهه منخفض جدا...هذا ما احبب تبيهكم منه..والله يحفظكم ويرعاكم وكل عام وانتم بخير

[صقر ا لفز عة]

أخي :
أدخُل على مُدير الجُمرُك .
أعتقد أسمهُ نعيم أو شيء مثل هيك .
هو رجآل طيب مدحوه { حسآوي } ولد عمي يشتغل معهُ .
يمدح الرجآل بالحيل .

أن شاء الله يتوسط لك وينفعك .

وحآول ترآسل العضوء / أبو عآذر .
هو متخصص في مثل هالأشياء وطيب وبيسآعدك بالشور والمشورة .

[Mr.Elegant]

راسلوا لي ابوعاذر لإن مشاركتي اقل من 50 ..

[_TOYOTA_]

مالك الا تشوف لك مخلص جمركي مضبط اموره مع الجمارك

[massa]

انا نفس مشكلتك سيارتي محجوزة في ميناء جده قالي المدير في احتمال الايام الجايه يسولها فسح وقالي اذا انت مستعجل روح الرياض ادارة القيد في الجمارك في اكثر من واحد طلعت سياراتهم
وياليت توافنيا بالي يصير معك
انا سالت اكثر من مخلص جمركي قالي لو وكلت مخلص يخلصلك السيارة كان طلعت سيارتك لكن حبينا نوفر وهاذي نهايتها

[Mr.Elegant]

تحديث :

إلى الأن السيارة محجوزة في الميناء ورفعوا خطاب إلحاقي وبصراحه السالفه قامت تأكل بكبدي وكرهت السيارة .. بكره بروح لمصلحة الجمارك بالرياض وعسى ربي ييسر أمورها ..

[massa]

ابشرك انا الحمدلله
عطيت اوراق السيارة لمخلص جمركي فاهم في الشغلة تمام
وقالي بسيطه واتعابي 500 ريال وان شاء الله بكره الصباح بستلم السيارة والبطاقه الجمركيه
الله يعينك تشوفلك مخلص جمركي الشغله كلها فيها واسطات
انا لحد الحين ماني متاكد سيارتي جاها فسح او المخلص مشاها
اهم شئ تطلع السيارة وخلاص

[فهد الخالديي]

ابشرك انا الحمدلله
عطيت اوراق السيارة لمخلص جمركي فاهم في الشغلة تمام
وقالي بسيطه واتعابي 500 ريال وان شاء الله بكره الصباح بستلم السيارة والبطاقه الجمركيه
الله يعينك تشوفلك مخلص جمركي الشغله كلها فيها واسطات
انا لحد الحين ماني متاكد سيارتي جاها فسح او المخلص مشاها
اهم شئ تطلع السيارة وخلاص

اخوي الله يجزاك خير ياليت تقولنا وش بيصير معاك عشان تعم الفايده على الجميع لني نفس مشكلتكم ومتوهق

[massa]

الطريقه الوحيده تشوفلك مخلص جمركي الشغله كلها واسطات
انا هذا الي سويته
الحمدلله السيارة استلمتها
و اي خدمه انا حاضر

[trailblazer04]

ابشركم

ميناء جده قام بتسريح السيارات ( الموجوده) في الميناء امس الاربعاء
لان المينا امتلى فلللل

لكن المشكله لازالت يعني اللي موتره في البحر للحين الله يعينه

مانقول الا حسبنا الله ونعم الوكيل

[rtx2006]

وانا عندي نفس المشكلة ياليت الي عنده رقم مخلص كويس في ميناء الدمام لا يبخل علينا

[rtx2006]

الي عنده اخبار لا يبخل علينا عندي نفس المشكلة

[gentel]

الله يعينك واللي عند الله مايضيع
لو عندك فيتامين ( واووووو) كان طلعت من امس ولو انت قريب لل..... ولا ال.... ؟! كان تجيك لبيتك ليش كذا ولماذا هاذا لاستخفاف بلناس ؟ الله يعينك بس .

[massa]

الشباب الي في الدمام روحوا لجمارك الرياض ادارة القيود يقولون الشغله ماتاخذ ساعه

[rtx2006]

الى الحين ماوصل رد لا من ادارة القيود ولا ميناء الدمام السيارة محجوزه

[فهد الخالديي]

الطريقه الوحيده تشوفلك مخلص جمركي الشغله كلها واسطات
انا هذا الي سويته
الحمدلله السيارة استلمتها
و اي خدمه انا حاضر

اخوي تسوي فيني خير لو تعطيني رقم المخلص سيارتي صارلها 3 اسابيع واقفه في الميناء

[rtx2006]

3اسبايع ولا وصل رد من لجنة القرار الي من الرياض
انا الحين صار لي 10ايام انتظر الرد اول ما استلم السيارة راح اكتب لكم رد ان شاء الله
واي جديد راح اقولكم

[rtx2006]

للرفع...............

[Mr.Elegant]

السلام عليكم ..

الحمد لله تم استثناء مجموعة من السيارات من واخذ موافقة المعالي والمعاملة الآن في الميناء ولكن الميناء رفض يصدر بطاقة جمركية لحين الانتهاء من المواصفات والمقاييس ووقعوا مخلصي على تعهد واستلام السيارة ..
بإذن الله بكرة راح نطلع السيارة وبجيبها للرياض واصدر لها بطاقة من هنا ..

[فهد الخالديي]

السلام عليكم ..

الحمد لله تم استثناء مجموعة من السيارات من واخذ موافقة المعالي والمعاملة الآن في الميناء ولكن الميناء رفض يصدر بطاقة جمركية لحين الانتهاء من المواصفات والمقاييس ووقعوا مخلصي على تعهد واستلام السيارة ..
بإذن الله بكرة راح نطلع السيارة وبجيبها للرياض واصدر لها بطاقة من هنا ..

اخوي ياليت توضح اكثر يعني للجميع الاقرار هذا او مجموعه معيناء انتظر ردك

[Mr.Elegant]

السلام عليكم .. الحمد لله تم استلام السيارة من اليوم من ميناء الدمام وجبتها للرياض بنفسي وتو وصلت ..

الاقرار والتعهد كان على جميع اللي سياراتهم تأجير وماراح يعطونه بطاقة جمركية الا اذا خلص المواصفات والمقاييس لضمان عدم كون السيارة سالفج

[rtx2006]

عطوني السيارة وخلصت المواصفات والمقاييس بس الى الحين مافي بطاقة جمركيه بعد اسبوعين