موقف في البر ومن المواقف نستفيد [الأرشيف]

مشاهدة النسخة كاملة : موقف في البر ومن المواقف نستفيد

احمد الصقر

16/10/2013, 01:29 AM

بسم الله الرحمن الرحيم
أسعد الله مسائكم بالخير
كل عام وانتم بخير
عيدكم مبارك
تقبل الله طاعتكم ورزقكم الاجر والثواب

أخواني في الله
بسولف لكم سالفتي اليوم في بر خط المطار,,,,
طبعاً بعد صلاة العصر توجهة الى البر ناوي الجلسه على الطعس معي معاميلي من قهوه وتمر وشاي وبعض الزاد عن نكبة داء السكري الله يحميكم منه ويعافيكم ,,
ولله الحمد كانت الجلسه على الكيف ومستراح للبال وعلى ما قال ماهي على الخاطر ولا على البال ..
فنجال بعد فنجال وتمر وصليت المغرب بعدها جا وقت الشاي مع اشوي هبوب كايف وبعدها صليت العشاء ونسيت نفسي الى بعد الساعة التاسعة مساءاً ، مع العلم باني ناوي ارجع بعد المغرب ..

اقولكم الموقف :-
بعد صلاة العشاء بنصف ساعة جائني احد الشباب وبعد السلام والتحية طلب المساعدة وطلب مني اسحب سيارتهم قلت له ابشر بعزك ,,
طبعاً محاكيكم معي لاند كروزر جيكسار 2013 بريمي قولو ماشاء الله تبارك الله ...
المهم قمت أجهز السيارة من تنزيل هواء اكثر من السابق وحاولت في سحب سيارتهم ,, وكنت خايف على موتري جديد وتخبرون راعي الجديد خواف ,,
المهم محاولة محاولتين طلعنا الموتر ..
اثناء السحب استخدمة الدبل الخفيف وبعدها استخدمة الدبل الثقيل ولله الحمد طلع الموتر ..
بعد ذلك اخذت فره فرتين في البر قبل ما اطلع وامشي للبيت وكان الموتر ماشاء الله تبارك الله , صدق من قال انه مفخرة وسنايدك في التطعيس << أدري ماجبت شي جديد

بعد ذلك قلت مالك الا انك تطلع على المقير ( الزفلت ) علشان تعبي التواير هوا وتنفخ وتشد لبيتك ياولد ,,

جيت نازل من السيارة وقبل ما انزل اخذت في البدء بإقفال الدبل الخفيفي ,, رفض يفصل حاولت مره مرتين ثلاث قلت الله يستر وش جاه ..
حاولت اشغل الدبل الثقيل قلت يمكن معلق الخفيف معه والا شي رفض الدبل الثقيل يشتغل قلت لا حول حنا لاقينها من الخفيف يجينا الثقيل .. لا حول ولاقوة الا بالله ...
قلت خلنا ننفخ الكفارات ويصير خير لعل الله يجعل لنا مخرج من هالورطه ..
اصبحت اراقب لمبة الدبل الخفيف قلت عساها ان شاء الله تطفي والا شي ... قالت ابد سلامتك
بعدما خلصت من النفخ حملت اغراض النفخ وركبت السيارة امشي ورا وقدام مافيه فايدة ..
الصراحة ضاق صدري بس ولله الحمد كنت متطمن على السيارة ...

فكرة ثم فكرة واسترجعت بالذاكره طريقه وحلول قلت مالي الا هالطريقه وهي لب الاستفادة وهي كالتالي:-
قمت بإطفاء السيارة ورعصت على مفتاح التشغيل ثم رعصت مره ثانيه واشتغلت لمبات الطابلون من دون ما اشغل محرك السيارة ثم قمت بالدعس على عصا البنزين خمس مرات مع الاستمرار لمدة ثلاث ثواني في الدعسه الخامسه ثم من بعدها قمت وشغلت السيارة وحسيت ان السيارة كئنها اول مره تشتغل ولله الحمد وانطفئت لمبة الدبل الخفيف ...
وبعدها رجعت اشغل الدبل الخفيف وافصله واشتغل وانفصل بكل سهوله...
ثم جربت تشغيل الدبل الثقيل ولله الحمد اشتغل وفصل بطريقة طبيعية ..
بعدها شديت الى البيت ورجعت وانا ولله الحمد مرتاح البال متونس ومستانس من الجلسه ...

ان شاء الله ما طولت عليكم بالسالفه والقصه
واتمنى ان تتقبلوا مني صادق الود والمحبه في الله ..
وانا قلت هالسالفه من باب الاستفادة والافادة لعل مثل هالموقف يحصل مع احد لا سمح الله ..

ختاماً تقبلوا تقديري واحترامي
وارجوا منكم الدعاء لي
اخوكم في الله
بومحمد

صدى الاطلال

16/10/2013, 11:36 PM

احمد الصقر

17/10/2013, 04:02 AM

الله يحييك اخي الكريم
وكل عام وانت طيب
والله قصة طيبة وفائدة جديدة
واللي اسمعه من الناس انه في السيارات الجديدة اذا دست بنزين والسيارة طافية تقفل البخاخات ؟؟؟
عاد كيف تفتح البخاخات ؟ علمها عند الله ؟؟
بس تجربتك فريدة
وياليت توضحها اكثر
لان اللي فهمته انك طفيت السيارة ثم فتحت السوتش واغلقته ثم فتحته وضغطت 5 مرات على البنزين الاخيرة 3ثواني ثم شغلت وزان الدبل كذا والا انا مخربط:D
واستفسار اخير الطريقة ذي علمية يعني قاريها في كتلوج السيارة او سامعها من ثقة والا تصنيفة مع المهيلة:D
ختاما يعطيك الف عافية
وعيدك مبارك

حياك الله ياغالي ....
كل عام وانت بخير
طيب الله فالك .. واشكرك على المرور
بالنسبة للتجربة أكتسبتها من سيارتي السابقه وهي جي أم سي أنفوي عندما تخرب بشغلات اكترونية ,, اسوي هالطريقه ويرجع السستم نفس الاول وتسمى تلك الطريقة إعادة النظام ..
بالنسبة لنقطة البخاخات اول مره اسمع عنها منك ,, وللتأكيد بان البخاخات لم تقفل فأنا بعدما شفت اللمبات حقة الدبل الخفيف انطفت دعست دعسه قويه للموتر وشفته ماشاء الله تبارك الله فز واسرع لانه قبل ماتطفى لمبات الدبل الخفيفي كان فيه ثقل بسيط عند القومه لكن بعد ماطفت اللمبه بعد تلك التجربه الموتر رجع طبيعي ..
طبعاً لم اطلع على الطريقه في أي كتلوج .. واعتقد لو وظعوها في الكتلوج كان مارحنا عند اصحاب الكمبيوتر ...

الطريقه اللي فهمتها انت مغايره للي اقصد ...
حاشاك من الخربطه ياغالي
الطريقه كالتالي :-
1- تفتح السويك من دون ما تدعس البريك .
2- تضغط ضغطه ثانيه للسويك حتى تنور لمبات الطبلون كلها من دون ماتدعس البريك .
3- تدعس البنزين خمس دعسات والدعسه الخامسه تطول فيها لمدة ثلاث ثواني فقط ، وترفع قدمك عن دعست البنزين.
4- تدعس البريك وعندما تتحول لمبت السويك الى اللون الاخضر تضغط السويك وتشغل السيارة وتنتظر لمدة خمس ثواني ثم تتوكل على الله ومالك الا العافيه بأذن الله ..
ان شاء الله وضحت الطريقة ..
وحاول تجرب تشغيل الدبل الخفيف مره ثانيه ثم حاول تجرب تشغيل الدبل الثقيل زي ماسويت وراح تلاقيهم ان شاء الله رجعو زي اول ..

طبعاً التجربه سويتها من واقع تجربه زي ما اسلفت لك من السابق في بداية حديثي وان كنت حاب تتأكد من خبير اسئل واي معلومه تعرفها اسدحها هنا حتى استفيد ويستفيد الجميع ان شاء الله ..

ختاماً تقبل خالص التحية واصدقها
وكل عام وانت بخير
وعيدك مبارك
اخوك في الله بومحمد

صدى الاطلال

17/10/2013, 02:27 PM

حياك الله ياغالي ....
كل عام وانت بخير
طيب الله فالك .. واشكرك على المرور
بالنسبة للتجربة أكتسبتها من سيارتي السابقه وهي جي أم سي أنفوي عندما تخرب بشغلات اكترونية ,, اسوي هالطريقه ويرجع السستم نفس الاول وتسمى تلك الطريقة إعادة النظام ..
بالنسبة لنقطة البخاخات اول مره اسمع عنها منك ,, وللتأكيد بان البخاخات لم تقفل فأنا بعدما شفت اللمبات حقة الدبل الخفيف انطفت دعست دعسه قويه للموتر وشفته ماشاء الله تبارك الله فز واسرع لانه قبل ماتطفى لمبات الدبل الخفيفي كان فيه ثقل بسيط عند القومه لكن بعد ماطفت اللمبه بعد تلك التجربه الموتر رجع طبيعي ..
طبعاً لم اطلع على الطريقه في أي كتلوج .. واعتقد لو وظعوها في الكتلوج كان مارحنا عند اصحاب الكمبيوتر ...

الطريقه اللي فهمتها انت مغايره للي اقصد ...
حاشاك من الخربطه ياغالي
الطريقه كالتالي :-
1- تفتح السويك من دون ما تدعس البريك .
2- تضغط ضغطه ثانيه للسويك حتى تنور لمبات الطبلون كلها من دون ماتدعس البريك .
3- تدعس البنزين خمس دعسات والدعسه الخامسه تطول فيها لمدة ثلاث ثواني فقط ، وترفع قدمك عن دعست البنزين.
4- تدعس البريك وعندما تتحول لمبت السويك الى اللون الاخضر تضغط السويك وتشغل السيارة وتنتظر لمدة خمس ثواني ثم تتوكل على الله ومالك الا العافيه بأذن الله ..
ان شاء الله وضحت الطريقة ..
وحاول تجرب تشغيل الدبل الخفيف مره ثانيه ثم حاول تجرب تشغيل الدبل الثقيل زي ماسويت وراح تلاقيهم ان شاء الله رجعو زي اول ..

طبعاً التجربه سويتها من واقع تجربه زي ما اسلفت لك من السابق في بداية حديثي وان كنت حاب تتأكد من خبير اسئل واي معلومه تعرفها اسدحها هنا حتى استفيد ويستفيد الجميع ان شاء الله ..

ختاماً تقبل خالص التحية واصدقها
وكل عام وانت بخير
وعيدك مبارك
اخوك في الله بومحمد

الله يحفظك ويبارك فيك
وشكرا لك على الشرح والتفصيل والاضافات
ولدي سؤال بسيط لجنابك الكريم وهو
هل برمجة اللاند مثل الانفوي؟
وتجربتك والله فريده ورائعة
وبيض الله وجهك على المعلومة
ولك مني كل التقدير

alrowaily

17/10/2013, 03:36 PM

الحمد لله على سلامة السيارة

احمد الصقر

17/10/2013, 04:06 PM

الله يحفظك ويبارك فيك
وشكرا لك على الشرح والتفصيل والاضافات
ولدي سؤال بسيط لجنابك الكريم وهو
هل برمجة اللاند مثل الانفوي؟
وتجربتك والله فريده ورائعة
وبيض الله وجهك على المعلومة
ولك مني كل التقدير

حفظك الله ورعاك وبارك لك وفيك
اشكرك على اطرائك وتواصلك ياغالي
بالنسبة للبرمجة واختلافها في اللاند والانفوي
تفداك الروح يابعدي لا املك خبره ومعرفة في ذلك
وانما هي محاولة وتجربه كان ناتجها النجاح ولله الحمد

والحمد لله ان التجربه فريدة حسب وصفك وقدمنا شي فيه فائدة ومنفعة
للاخوان وللجميع ، كما اسئل الله ان يجعلها نافعه غير ضاره ..

ونرجو ممن لديه معلومه اضافيه او توضيح اكبر لا يبخل علينا وعلى الاخوان

وبيض الله وجهك وبارك الله لك :good2:
تقبل صادق الاحترام والتقدير
اخوك في الله
بومحمد

احمد الصقر

17/10/2013, 04:07 PM

الحمد لله على سلامة السيارة

الله يسلمك من كل شر
اشكر لك مرورك ومشاركتك
تقديري واحترامي
اخوك في الله
بومحمد