قصيدة عن الربيع

[الدليلة]

:
السلام عليكم ورحمة اللة وبركاتة
هذة اول مشاركة لي واتمنا ان تنال على اعجابكم
الربيع

ياما حلا عقب العصر شبة النار= في مجلس كل النشاما يجونه
يلفونة اكبار ويلفونه إصغار=من طيب من هو فيه ويقدرونه
في بيت ماحطوله أبواب واسوار=ذراه من صوف الغنم ينسجونه
وفية الدلال الصفر والعود يندار=والشاي في بريق حمر يشربونة
والطرش حوله على يمين ويسار=راتع ولا يبغي هله يتبعونه
والخلف عنده كثيرات وادرار= واللي يبي من درهن يطعمونه
والجو غايم والسما كلها امطار= والبرق يبرق والرعد يسمعونه
والصيد واجد والحباري لها اذكار=والفقع نابت والبدو يلقطونه
واليا اصبحو فطورهم خبز مجمار=مفروك من سمن الغنم يفركونه
هاذي طراة الروح لاصرت محتار= أخير من بيت هله يزلجونه



وسلامتكم
شعر\الدليلة

[المسفهل]

أخي العزيز الدليلة وعليكم السلام ورحمة الله وبركاته..

لو كان لشهاتي معنى وكان لحكمي قيمة تذكر لشهدت بأنك شاعر لا يشق له غبار قد لان له

الشعر كما لان لداوود الحديد وانقادت له اللغة فأصبحت طوع بنانه وعلى طرف لسانه ..

فما أجمل هذه الأبيات و ما أحلى هذه الكلمات .

فسر على طريق الشعراء فقد أصبحت من النابهين العظماء .

.

[الشيشاني]

بسم الله الرحمن الرحيم

الأخ الشاعر /الدليله :love2:


مشاء الله عليك :good: عز الله قصيده تطرب 0 وصح لسانك:D:heart:

[القرناس المهاجر]

والطرش حوله عن يمينه والايسار =راتـع ولا يبغـي هلـه يتبعونـه
والخلـف عنـده كثيـرات وادرار= واللي يبي من درهـن يطعمونـه
والجو غايم والسما كلهـا امطـار= والبرق يبرق والرعـد يسمعونـه
والصيد واجد والحباري لهااذكار= والفقع نابـت والبـدو يلقطونـه


اخي الدليلة

كلمات جميلة 00 خرجت من لسانك سلسة 00 كالطبيعة البكر 00 تحاكي

الماضي الجميل 00 والاصالة المتجــددة 00 ســر على هذا المنوال فيما يعزز ارتباطنا بماضينا :good:


تقبل تحيات اخــــــــيك 00 :)

[الروقــي]

صح لسانك اخوي الدليله

وعساك للامام انشالله

وسلمت ايدك اللي انقلتهن لنا

[الدليلة]

السلام عليكم ورحمة اللة وبركاتة

الى اخواني الااعزاء المسفهل-الشيشاني-القرناس المهاجر-الروقي

بعد التحية

لقد سعدت بردودكم وتشجيعكم لي على هذة القصيدة المتواضعة اللتي هي من بداياتي

واللذي اسعدني اكثر وفرحت بة كثيرا انها اعجبتكم ونالت على رضاكم وهذا هو الاهم عندي

ولكم جزيل الشكر

اخوكم ومحبكم\ الدليلة

[(طيرشــــلوى)]

الأخ الدليلة فيما يظهر لي أنك شاعر قوي ولكني أجد في الشطر الأول من البيت الخامس
وكذلك الشطر الأول من البيت السادس" كسر" ولكني التمس لك العذر بأنها أخطاء في
الطباعة فمثلا لو قلت:
والطرش (من) حوله على يمين ويسار......راتع ولا يبغي هله يتبعونه

لأستقام وزن البيت وسلم من الكسر وسلامتك, وصح لسانك, وكلنا نخطي؟

[الدليلة]

السلام عليكم ورحمة اللة وبركاتة

اخوي طير شلوى شكرا على ملا حظتك
وكما تفضلت فهي خطا مطبعي
ولك جزيل الشكر

والتصحيح هو

والطرش من حولة على يمبن ويسار***راتع ولا يبغي هلة يتبعونة

والخلف في وسطة كثيرات وادرار**** واللي يبي من درهن يطعمونة

اخوك\ الدليلة

[أبوحنان]

مهما عبرت عن راي ما اقدر اقول غير الله يوفقك والى الامام