استشاره لااهل التجربه من ذهبو الى الربع الخالي والعرف

[خوي السطحه]

السلام عليكم لوحاب تمشي رحله لربع الخالي طبعاً مجموعه ايهم تفضل الشاص التايوتا او شاص نيسان لتحمل عليه اغراضك وتعتمد عليه بعد الله وخابرين الربع الخالي ربضات وسيوف ورمال متحركه لكن الاختيار يدعم بذكر السبب مكانيكين ومن تعليق والااخره ((لانريد ماتهواء بل من يتغلب على التضاريس الصعبه)) ولو تكرم مشرفنا العزيز الغالي بوضع الااستطلاع شاكر ومقدر له ومن سيشارك معنا فى هذا الموضوع لتعم الفائده

[ساقان]

الباترول القديم افضل بسبب كبر وتوسط دفرنساته ، وعليك بالونش والهوا 15 واستانس

[حاميش]

عليك بالهاف مون

والواجهه البحريه و أترك اللي مالك فيه

[الدوسري2010]

السلام عليكم الربع الخالي يبي التويوتا الشاص لانه اصبر على الحمل و الخطر لكن يلزمك سياره ولا سيارتين غير سيارتك ووحده منهم يكون بها ونش سحب وانا ادري ان النيسان اقوى بالبر لكن التويوتا احوط من العطالات وشكراً

[ابونبيل]

التايوتا والسبب مايشرب بنزين مثل الباترول ولان فيه دفلك وونش وتعليقه افضل بالبر

[طير آلفلآء]

كلامك سليم يا هندسة السيارات
بس حبيت اقول ان فيه ناس جربو النيسان ويقولون الدفلك
ورا بس مو دفع رباعي مثل التايوتا وانا ما ادري عن صحة الكلام

[مدمن مرق]

اهل مكة ادرى بشعابها, واهل الربع الخالي(اطرافه) اتحداك يعترف بسيارة غير الشاص.

[مطر وربيع]

شاص التويوتا ابو 4000 سي سي يبرد عزمه في النفود مالك الا الباترول 4800

[qx55]

شاص 2006
او باترول الجديد
ومالك من كثر الهرج عملي حول الربع الخالي في احد الهجر
اكثرم شيصان 2006 وتحت وفي عينات طاحات فالنيسان الحوض الجديد

[كومبو]

الفرق ان الدفع الرباعي الدائم في بعض التويوتا مثل الفورتشنر و الافجي القير العادي دائما شابك على الدبل الخفيف 4H مع نسبه توزيع العزم حسب الحاجه و مايفصل ابدا ولاكن يتوزع العزم بنسبه 80 للكفرات الخلفيه و 20 للاماميه في الخط و بالطعوس يتحول الى 50 قدام و 50 ورا.
له سلبيات و له ايجابيات و فيه سيارات كثير سبقت التويوتا في هذه التقنيه و اولها جيب انفنيتي 2001 QX4 اللي هو شبيه الباثفايندر ولاكنه اختياري على وضعيه auto
الدفلوك فيه نوعين حاليا في الجيوب الجديده
الدفع الرباعي المستمر موجود في سيكويا 2001
الاول دفلوك ميكانيكي كامل مثل اللاندكروزر و الباترول و الافجي و الاكستيرا الاوف رود

و الثاني دفلوك الكتروني او بمعنى اصح نظام الكتروني يتحكم في فرملة الكفرات الاربعه اي كفر يدور بوش مع الدبل الثقيل يتدخل البريك او نظام ال ABS عشان يوقف الكفر و يتحول العزم الى الكفر الاخر.
لا يسمى دفلك لأن الدفلك عمله داخل الدفرنس مثل عن طريق التروس مثل السيارات اللي قلتها أو عن طريق الكلتشات مثل Z7i . التندرا
التراكشن كنترول يعمل على الحد من انزلاق الكفر . باستخدام الفرامل
مثل https://www.youtube.com/watch?v=qnW9bJhgg5Q

نظام شبيه في الدفلوك و لاكن عيبه انه بطئ نسبيا مع ذلك ينفع في كثير من التغاريز و يساعد كثير.

في التويوتا نظام A-trac هو نفسه الدفلوك الالكتروني و يساعده نظام الكراول crawl الزحف يعطيك تحكم اكثر في ال A-trac بحيث انه يخليك تستخدم النظام على سرعات اعلى نسبيا ما تتعدى 20 كيلو بالساعه.

في النيسان نظام ABLS هو نفس عمل ال A-TRAC في تويوتا بالضبط ولاكن بدون مساعده و محدد الكترونيا على سرعه 20 كيلو فقط.

في الاكستيرا ال اوف رود او PRO-4X يجي دفلوك خلفي فقط و ABLS للكفرات الاماميه يعمل كانه دفلوك على الكفرات الاربع.

و هنا نظام الزحف في الاكستيرا فعال جدا كما أعلم لم تنتج نيسان نظام زحف حسب بحثي في موقع شركة نيسان . نظام الزحف اللي في التويوتا بدون تدخل السائق . يعني تضغط زر وتمسك الطارة فقط مثل http://www.youtube.com/watch?v=oR7lnpE-WqA

http://www.youtube.com/watch?v=gaXh21cW-Fg


النتيجه في نظري كل شركه لها مهاره في تطوير انظمه سواء ميكانيكيه او الكترونيه
نيسان تتفوق في الاميكانيكيه
تويوتا تتفوق في الالكترونيه في اغلب سياراتها
الباترول الجديد 400 حصان يتفوق في الاثنين ولاكن الى الان ما ندري هل الدبلات تتحمل مثل الباترول القديم الى الان مابعد يكمل 5 سنوات عشان تقدر نحكم.
مبدئيا 3 سنوات ماسمعنا احد اشتكى من الدبل او القير و عساه يصمل مثل اللي قبله.

الباترول الجديد سيارة جبارة عمومًا . في النفود عيبها الوحيد بالنسبة لي هي الفليور (العكوس الخلفية)

[رملوج]

الاول دفلوك ميكانيكي كامل مثل اللاندكروزر و الباترول و الافجي و الاكستيرا الاوف رود



و الثاني دفلوك الكتروني او بمعنى اصح نظام الكتروني يتحكم في فرملة الكفرات الاربعه اي كفر يدور بوش مع الدبل الثقيل يتدخل البريك او نظام ال ABS عشان يوقف الكفر و يتحول العزم الى الكفر الاخر.



حياك الله يالمهندس ..

نحتاج التوضيح بشكل مفصل عن الاختلاف بينهم ..

مع العلم انك نسبت الدفلوك الالكتروني وعلى حد علمي انك ربطته بالتراكشن كنترول ..

[عبدالرحمن السالم]

http://img7.imageshack.us/img7/7517/35copyv.jpg



شف هذا الموضوع ، ثلاث مواتر شاصين تويوتا وشاص نيسان طالعين يم الربع الخالي
ممكن تدخل على الموضوع وتشوف الصور واسأله بحكم تجربته

http://www.mekshat.com/vb/showthread.php?t=272128

[sgl2002]

مافيه رحله للربع الخالي الا ولازم يكون الباترول واللاندكروزر الشاص والصالون جزء من الرحله


الشاص النيسان اكبر قير ودفرنس وخفيف بدي وقوي
الشاص التويوتا نفس الشي لكن بديه ثقيل ومع ذلك ماتخلو رحله من وجوده



الزبده ان هالموترين حطها على يمناك واللي يقول اعطال علمنا وشهي الاعطال ؟

كلها اعطال بسيطه تستطيع اصلاحها بنفسك

[خوي السطحه]

السلام عليكم يامشرف قسم خيمة السيارات وتجهيزات ليه ماحطية الااستطلاع حتى نراى النسبه بين الشاص التايوتا وشاص النيسان

[حسام الجوف]

عينين بالراس كلهن طيبات

[خبايا انسان]

عليك بالهاف مون

والواجهه البحريه و أترك اللي مالك فيه



!!! .............. لا تعليق

[خوي السطحه]

اذن الجميع يتفق على الشاص الفتك من ناحية المكانيكي وسلامه وتعليق