المساعد الشخصي الرقمي

مشاهدة النسخة كاملة : أريد تركيب قلص خلفي لسيارتي لاند كروزر 2013


مكشاتي1122
23/10/2013, 11:49 AM
السلام عليكم ورحمة الله

مساكم الله بالخير اخواني الكرام

عندي استفسار وبصراحة احترت

ابي اركب سلة خلفية التى تسمى قلص لتركيب العفش و الشناط وابي افصل عليها قماش تنزاني للحماية

الي يعرف بالموضوع هذا لايبخل علينا بالمعلومات وين محل التركيب وكيف طريقته واذا فيه صور اكون شاكر ومقدر لكم

الموتر لاندكروزر 2013


شكرا لكم
hamo0o0ody
23/10/2013, 12:24 PM
السله الخلفيه تلاقيها في الغرابي محلات كثيره يبيعونها
عبون الجواء
23/10/2013, 01:09 PM
السله الخلفيه تلاقيها في الغرابي محلات كثيره يبيعونها

وازيد على كلام اخوي عند محل رفيق الدرب ممتازه وعمليه ادخل على موقعهم
اما تبغي تفصيل على كيفك بطول وعرضها عندك ورشه المواهب
أبوفاطمة
23/10/2013, 01:42 PM
نصيحة من مجرب لا تركب هذا النوع من السلات و السبب يحد من إستخدام الباب الخلفي للسيارة و ثقل على الموتر بطريقة غير صحيحة و بعد ممكن ينكبك إذا جاك مطب قوي زي ألى كسر على سلة رفيق الدرب في الصمان و توهقة في الأغراض و السلة .
وأشور عليك بكيس فوق السيارة تركبه إذا تحتاجه او طبق داخل السيارة أبرك من هالسلة
مطر وسم
23/10/2013, 02:15 PM
نصيحة من مجرب لا تركب هذا النوع من السلات و السبب يحد من إستخدام الباب الخلفي للسيارة و ثقل على الموتر بطريقة غير صحيحة و بعد ممكن ينكبك إذا جاك مطب قوي زي ألى كسر على سلة رفيق الدرب في الصمان و توهقة في الأغراض و السلة .



وأشور عليك بكيس فوق السيارة تركبه إذا تحتاجه او طبق داخل السيارة أبرك من هالسلة


هذا الكلام الصحيح ^^^^^^ وازيد على كلام اخوي بمكانك تركب شبك علوي احسن وافضل للعفش والاغراض

تحياتي لكم
مكشاتي1122
23/10/2013, 02:17 PM
ابي اركب النوع الي اقدر افكه واركبه مرة ثانية يعني ماهو ثابت

ماقصرت اخوي ابو فاطمة و عيون الجواء و حمودي على الرد الجميل و المعلومات الاجمل

ومانستغني عن معلومات الاخوان الباقيين

شكرا لكم جميعا ...
مساير الجو
23/10/2013, 02:27 PM
عندك العليان الي بطريق خريص قسم خاص بالسلات والقماش التنزاني مفصل جاهز مع التركيب.
اسدهم
23/10/2013, 06:38 PM
خلك من شغل صيني رح ونا خوك فصل من صناعية حديد اصلي وعينك ميزانك. اذا عندك رقم المواهب يفصلها لكك 600 تزود شوي ماتنقص. ونا قي اشتغل في ورشة غير المواهب وصفتلة الموتر وقال تعال المغرب وستلم. اسلة
ابو سبيحة
24/10/2013, 12:26 AM
ما انصحك تركبها ابد في اقل شي لو ضرب عليك كفر تقل سيطرتك على السيارة
والله يكتب لك اللي فيه الخير
صاحب الجيب
27/10/2013, 11:36 AM
سلام عليكم أخي الكريم
أفضل شيء متوفر في السوق هي سلة رفيق الدرب من حيث الوزن والجودة والشكل ليس تسويق بل عن تجربة
وأكرر ما قاله الأخوان حاول استخدامها في اقل نطاق ممكن لأنها تأثر على توازن السيارة والتحكم بها
مكشاتي1122
30/10/2013, 02:20 PM
شكرا لكم ولتفاعلكم في الرد

جزاكم الله خير ياجماعة

لاعدمناكم
الدوسري2010
30/10/2013, 02:32 PM
السلام عليكم الشركه يوم تصنع السياره وضعة مساعدات لمساعده السياره على المطبات ووزن السياره واذا زدت الحمل فإن المساعدات لايكون لها اي دور يعني بتفقع عليك مع المطبات وانا راعي جيب من ١٥ سنه واشور عليك يأما تركب سله فوق الجيب عند السفر واذا وصلت تقدر تفكها او تخليها انت حر او لا تركب هالسله الخلفيه لانها تزيد من الضغط من الخلف على الجيب اما الفوقيه فإن الضغط يتوزع على كل المساعدات
الذيب المجروح
03/11/2013, 03:47 PM
الســلام عليكــم ورحمـــة الله وبركاتــــه
اخوانـــــــــي الكـــــــــــرام تحيــــــــــــــــــة طيبـــــــــــــــــــــــــــة ..

ابي استفسار منكم يا اخوان وعلى ما وصلني عنكم من حسن النصائح و التوجيهات الطيبة الله لا يهينكم ويرحم والدينا و والديكم عن النار .
ابي قلص او مقطورة الحجم صغير يعني تقريبآ الطول 1متر ونص والعرض 1متر و 20 او قريب منها يعني ما يخالف تقريبآ مماثله للقلص حامل الدباب . ابي احمل في بعض الاوازم البريه و ماطور كهرباء وغيرها . ويكون مخصص للبر/ دون السفر .
ما ادري وين احصلها . او وين افصلها . افضل اشتري جاهز . او تفصيل . وياليت توضحون لي الاماكن المشهودة .
فضلآ منكم وليس امرآ مني تفيدوني وتوجهوني للمناسب . الله يعطيكم العافية يا اخوان

خوكم / ابو فهد / من الرياض
الذيب المجروح
03/11/2013, 03:50 PM
الســلام عليكــم ورحمـــة الله وبركاتــــه
اخوانـــــــــي الكـــــــــــرام تحيــــــــــــــــــة طيبـــــــــــــــــــــــــــة ..

ابي استفسار منكم يا اخوان وعلى ما وصلني عنكم من حسن النصائح و التوجيهات الطيبة الله لا يهينكم ويرحم والدينا و والديكم عن النار .
ابي قلص - او - مقطورة الحجم صغير يعني تقريبآ - الطول 1متر ونص - والعرض 1متر و 20 او قريب منها يعني ما يخالف تقريبآ مماثله للقلص حامل الدباب . ابي احمل في بعض الاوازم البريه و ماطور كهرباء وغيرها . ويكون مخصص للبر/ دون السفر .
ما ادري وين احصلها . او وين افصلها . افضل اشتري جاهز . او تفصيل . وياليت توضحون لي الاماكن المشهودة .
فضلآ منكم وليس امرآ مني تفيدوني وتوجهوني للمناسب الله يعطيكم العافية يا اخوان

خوكم / ابو فهد / من الرياض