المساعد الشخصي الرقمي

مشاهدة النسخة كاملة : الفزعه يا شباب طريق المدينه القصيم الجديد


بن سليم
17/10/2006, 11:41 PM
بعد التحية والاحترام :

أخواني الاعزاء كل عام وانتم بخير

ودي اعرف طريق المدينه - القصيم الجديد

المسافة - المفرق من المدينه للخط الجديد - المحطات الخدمات اي شئ ينفع ولاتنصوني من النصايح للفايده

ودي أسال عن المحلات التي توجد في عنيزه مع تحديد المكان بالضبط ترى أخوكم

بالبركه يدل الخط


الله يعطيكم العافيه

أخوكم : بن سليم
صائد الفوائد
17/10/2006, 11:49 PM
مسافة الطريق تقريبا 480 كم يستغرق تقريبا 4 ساعات إذاكان سرعتك ثابتة ولا تتوقف كثيرا
صائد الفوائد
17/10/2006, 11:56 PM
بالنسبة للمحطات يوجد محطة عند مفرق الحناكية على بعد 100كم تقريبا وانت متجه للقصيم ويوجد تقريبا محطتين بجانب الخط على يسارك وانت رايح للقصيم بس ما دري كم بعدهن والخط ماشاء كأنه مسطرة من استقامته وانصحك انك تعبي فل من المدينة النبوية ولا تسرع وسافر بالنهار أفضلك والله يوصلك سالما بمشيئة الله
بن سليم
17/10/2006, 11:56 PM
الله يعطيك العافيه

أخوي :

صائد الفوائد

بس من وين افرق للخط وانا جاي من طريق مكه

وهل هو اقرب من طريق الحجاز
صائد الفوائد
18/10/2006, 12:01 AM
وانت جاي من مكة إذا تعديت التفتيش بمدخل المدينة امش سيدة وسيأتيك مفرق القصيم على يمينك وفيه علامات توضح مفرق القصيم ولاتنس تصلي ركعتين بالمسجد النبوي ومسجد قباء كلها وقفة ساعة لوجه الله
مسافر1
18/10/2006, 12:02 AM
كما ذكر أخي صائد الفوائد قبل التفتيش الذي يسبق المحرم اتجه يمين لكن طريق لك عليه بعد ذلك يستمر حتى تصل للسريع .
المفرق أخي من طريق الهجرة إن كنت في المدينة ..
الطريق بحدود 500ك للقصيم .
المحطات محطة العاليات بعد المدينة . بحدود100ك .
محطة المرجان 260ك .. يسار .
محطات تبعد عن السريع قليلاً في المدن القريبة من الخط ..
أتمنى لك سفراً سعيداً .
بن سليم
18/10/2006, 01:06 PM
الله يعطيكم العافيه والصحه بس ماحد تكلم عن :


المحلات التي توجد في عنيزه مع تحديد المكان بالضبط
أبو فراس
18/10/2006, 01:19 PM
السلام عليكم ورحمة الله وبركاته

اخوي بن سليم

حياك الله بعنيزة بالنسبة اللطربق ومحطات البنزين ماقصروا الربع

واما بالنسبة للمحلات تراك ما حددت وش هالمحلات اللي تبي

انا بالانتظار لتقديم المساعدة الواجبة
بن سليم
18/10/2006, 07:44 PM
السلام عليكم ورحمة الله وبركاته

اخوي بن سليم

حياك الله بعنيزة بالنسبة اللطربق ومحطات البنزين ماقصروا الربع

واما بالنسبة للمحلات تراك ما حددت وش هالمحلات اللي تبي

انا بالانتظار لتقديم المساعدة الواجبة

البقى والعمر الطويل

وتسلم وراعي واجب وتراك معروف والله معروف يابو فراس

مايحتاج أكيد شايبنا الله يحفظك

بس انا ابي محلات الرحلات وتراني مستعجل يمكن مأخذ نص يوم لأنشغالي بمقاضي البيت والعمل

الله ييسرها

وتراك تكميل يابو فراس

أخوكم : بن سليم
الوفي
19/10/2006, 05:22 AM
عندك المرباع في عنيزه
أبو فراس
20/10/2006, 10:56 AM
السلام عليكم ورحمة الله وبركاته

عندك بيت الرحلات افضل الاسعار
مشاري1427
21/10/2006, 05:56 AM
عندك السندي ببريده
نمر بن حثلين
21/10/2006, 06:05 AM
حياك الله اخوي في عنيزة

بالنسبه لمحلات الرحلات عندنا تراها ما تقارن بالسنيدي

لذلك اشور عليك تروح له وهو بيغنيك عن كل المحلات الي بالقصيم

ووصفه يا طويل العمر اول ما تدخل بريده من جهة الجنوب ( جاي من عنيزة )
ثاني اشاره تجيك ( بيصير مجسم النجر على يسارك )
لف يمين واستمر
تجيك اشاره تعدها
يلف بك الطريق اجباري يسار استمر
تقريبا يجيك ثلاث اشارات استمر
امش تلقا السنيدي على يمينك


وكانك ملزم على محلات عنيزة عندك ثلاث محلات
المرباع - رحال - بيت الرحلات
وكلها في مكان واحد قريب من فندق الواحه على طريق بريدة

شمال الفندق عندك المرباع ( على يسار الخط ) وعندك بيت الرحلات ( على يمين الخط داخل خط الخدمه )
جنوب الفندق رحال يسار الخط
بن سليم
21/10/2006, 07:15 AM
بعد التحية والاحترام :

أخواني الافاضل

أشكركم جزيل الشكر لمساعدي وإرشادي ...

الوفي

مشكور وماقصرت

أبو فراس

الله يعطيك العافيه وتراني دقيت عليك ليله الجمعه الساعه 9.55 مساءاً وجوالك مغلق كان ودي

أسلم عليك .,.,.,., وللامانه تراني مستعجل وإلا كان مريت عليكم جميع أنت وأصدقائي

تسلمون والله يجعلكم لي ذخر

أخوكم : بن سليم


مشاري1427

ماقصرت مشكوووووووووور



نمر بن حثلين


كل الشكروالتقديرلك ولكن ليتك بدرة شوي لاني مشيت من القصيم ليلة الجمعه
أبو محمد
21/10/2006, 07:05 PM
ما قصرو الشباب الله يعطيهم العافيه