كيف ارجع للسيارة عزمه الاول

[الاشهب 507]

سلام عليكم

اعضى المنتدى الاعزائ كماهو موصح في العنوان انا عندي فور رنر 93 مكينة R22 مقاس الكفرات 16/70/225 كوماهو شركه كوريه السيارة قبل كانت تطرح 180 وانا اضحك ذلحين بعد طلعت الروح ولا مع نزلهه بعد يالله يالله اقدر اوصل ل140 قبل كنت مركب كفر فورد مقاس 16/60/225 ولكن اكتشقت انها ماتتحمل وتهتري بسرعه معاى اني كنت اركب من شركة ممتازه ومعروفه مثل هانكوك وشركات اخر وش مع العلم ان الموتر ماشي 500الف ولافيه لاكربون والاغيره مشاء الله تبارك الله وكفر شد البلد سلق ومرتفع وغير مريح في الخط:)

[حرقوصي]

اول شي خذ مقاس جنوط الوكالة
ثم تأكد من قوة الطرمبة والصفاي واذا هم قديمين فوق 80 الف كيلو .. غيرهم
اسلاك البواجي غيرهم
البواجي غيرهم
الكربريتر تلقاه متسدد لين قال بس
الثلاجة تحتاج تنظيف
كل هذي مطلوبة

Sent from my Nexus 4 using Tapatalk

[abw1122]

طبيعي اخوي
مقاس الكفر السابق اصغر فهو يعطيك سرعه في العداد اكثر من سرعه الكفر الكبير
حط كفر ٥٠ بيضرب العداد عندك ٢٠٠
وحط كفر ٨٠ مايجيب معك ١١٠
العبره بارتفاع الكفر
كل ماكان اكبر كان اثقل على السياره لكن يعطيك سرعه اكثر من العداد
والعكس صحيح

[الاشهب 507]

مشكورين علي التفاعل الطيب ولي عنده خبره اكثر لايبخل علينا

[الاشهب 507]

نسيت تقطه مقاس كفر شد البلد سلق الي يجي انحف نوع جنط 16 ارتفاع 70 للخليجي والامريكي 80

[الاشهب 507]

وين الخبراء افى والله ماهقيته منكم وش الشور اركب كفر الوكالة مافيه ولا واحد عنده فور رنر ووده يفيدنا

[_TOYOTA_]

الموتر موديل 93 _ 20 سنه خدمه +مكينه 4 سلندر =العمر له احكام

[الاشهب 507]

العمر له احكام شفالشاص القديم 60 سنه وباقي زي الحلاوه

[جني صغير]

أما مركب كفراتر٢٢٥*٧٠*١٥يالله يجيب ١٤٠


وغيرت الكفرات
٢١٥*٧٥*١٤


أبشرك خليته يشم ١٨٠


طبعا معي دتسن ٩٧

[أباعبدالرحمن]

انتبه لعامل الاحتكاك كلما زاد تقل السرعه لكن نصيحه تعرفها المبالغه في السرعات مهلكه

[الاشهب 507]

سلام عليكم

عرفة المشكله ركبة كفر كبير 225/85/16 انا وواحد من اخوياي تبادلنا الكفرات وكل واحد جرب انا جبة 160 وهوه فرط الكيلو طبلون موتره 180 طبع نفس الموتر ونفس كل شيء لكن الشور اركب كفر الوكاله سلق انحف شيء جنط 16 ارتفاع 70 يسير خفيف

[الاشهب 507]

اذا ركبة كفر اكبر يطلع زيه زي الشيول معلق في السماء

[باسم40]

تاكد من الكنداسه لايكون متسكره ما دام موديله قديم

[الاشهب 507]

سلام عليكم

لقية الخلل وين الخلل في خوين الكلبليتر الله يرحمه كان رجال طيب من شد اليابان مفيه ولا مكنيكي مد يده عليه حياته كله الى يوم جاء اليوم المشاوم الي مات فيه طلع الخلل في الكلب ليتر ودع انتهت حياته اطرية لتركيب واحد جديد لينه عاد منتهي وضبة القديم ودسيته احطياط والكنداسه بعد جديده طلعة قاضيه كله رواسب وشحوم

[الاشهب 507]

وتعرفون بعض اصحاب المحطات الذين لا يخافون الله يخلطون البنزين معى الماء لدافع الطمع في الماده وانا لقيت التانكي مليان مويه لين الربع وانا كنت استغرب السياره لما توصل الربع تطفى احسب العداد خربان حسبنا الله ونعم الوكيل اعدم عليه السياره وهي على يدي من يوم طلعة من الوكاله

[الاشهب 507]

وتعرفون بعض اصحاب المحطات ضعفاء النفوس يخلطون البنزين مع الماء لدافع الطمع في الماده حسبن الله ونعم الوكيل فيهم لقية ربع التانكي ماء وكنت افكر العداد خربان اذا طفة السيارة وهو على الربع اعدموا عليه الموتر الله لا يربحهم