عدة استفسارات عن ترميم الباترول 97 ارجوا الرد من اهل الخبره

[gm 454]

اخواني انا عندي باترول 97 وبويته مندمره من الشموس وابي اجددها ابي افضل ورشه له خلفيه برش الباترولات وبدون لمصقت معاجين وكم التكلفه التقديريه للعلم الموتر صالون

2-المكينه مخبطه مادري وش الراي اركب له مكينه من التشليح او او أوضب الي عليه وكم التكلفه التقديريه لكل الحالتين.

3-ابي افضل محل تنجيد للباترول بحيث ان شغله يكون مطابق للوكاله موب تلفيق.

الموقع الرياض...

وشكرا

[abo naser 1]

اخواني انا عندي باترول 97 وبويته مندمره من الشموس وابي اجددها ابي افضل ورشه له خلفيه برش الباترولات وبدون لمصقت معاجين وكم التكلفه التقديريه للعلم الموتر صالون

2-المكينه مخبطه مادري وش الراي اركب له مكينه من التشليح او او أوضب الي عليه وكم التكلفه التقديريه لكل الحالتين.

3-ابي افضل محل تنجيد للباترول بحيث ان شغله يكون مطابق للوكاله موب تلفيق.

الموقع الرياض...

وشكرا


السلام عليكم

بالنسبة للرش البوية الورش واجد والله يعينك على الجلد والربلات بحكم الموديل ولا أعرف ورشة معينة

اما تخبيط المكينة لا انصحك بالتوضيب مكلف والشغل بها الديرة لمصقة خذ 4200 او 4500 بخاخ من تشاليح الياباني أفضلك

والتنجيد مالك الا وضاح بالصناعية القديمة شغله وكالة بل أمتن وأقوى بس هل المراتب الأماميه قواعده سليمه اذا لا مالك الا تغيير وانصحك بمراتب باث فندر 2005 وفيها او فتك وبعدها نجد

أمل أني أفدتك

[الحر النداوي1]

التنجيد انصحك بغشام بصناعية النسيم نفس شغل وضاح ورخص
شف الي متعاملين معه اكثرهم راعين باترول وتشوف شغله على الجيوب قدامك

[gm 454]

طيب وين وصفه غشام يابعدي

وياليت فيه تفاعل اكثررر

[التعـ King ـديل]

الورشه اللي ترش راسلني وادلك عليها انا مشتغل عندهم

انصحك بتشليح الوفاء بالصناعيه القديمه ياخذون مكينتك رجيع ويركبون لك مكينه

التنجيد زي ماقالو الشباب انا ماعندي علم

[thanks.9]

سبحان الله وبحمده ,, سبحان الله العظيم




للرفع

[re7]

طيب ياجماعه مكاين الياباني على كم اسعارها ؟

[بن لويحق]

من ناحيه البويه فيه ورشه زينه ويشتغل الموتر كامل 9000
والربلات تاكل عليك تقريبا 4000
وشغله ميه الميه
الورشه قريبه من ورشه التركي خلها على يمينك ورح سيده يجيك حرف تي شفه اللي بقبالك ع اليكين
المسول اسمه انصاري
واما التنجيد تنجيد وضاح صراحه انا مشتغل عنده شغل ميه ميه والله

[thanks.9]

لا اله الا الله وحده لا شريك له له الملك وله الحمد وهو على كل شيء قدير

[بدوي مطور]

خذ العلم الوكااد من نااااحية المكينه اذا تبي توضب المكينه وتبي تركب قطع اصليه وكل شئ وكاله رااااح يكلفك كثير يعني ١٠٠٠٠ الآف ريال وكلامي هذا من تجربتي طبعاً ...
///
واللي قبل هذا. اهم شئ تكفى الورشه اللي تبي توضب عندها


حبيت افيدك بسعر التوضيب ....


وبعد ماااجربت. يعلم الله اني تندمت لوو شاري مكينه مررريح راااسي

[أحمد محمد1429]

من ناحيه البويه فيه ورشه زينه ويشتغل الموتر كامل 9000

هل يعقل رش بويه 9000

[thanks.9]

من ناحيه البويه فيه ورشه زينه ويشتغل الموتر كامل 9000

هل يعقل رش بويه 9000



صحيح ي عم .. و ممكن يوصل 11 او 12 الف للرشه كمان .


بس الشهاده لله ,, الورشه شغلها ممتااااز ب المررررررررررررررره .

زي شغل الوكالة

[5200]

اقول بعه وخذلك موتر جاهز ابرك لك وارخص هذا بتحط فيه لين تدوخ وبتكرهه من كثر ما تروح للصناعيه نصيحه بعه واشتر باترول نظيف ابرك لك والله يكتب لك الخيره

[المسروحي]

السلام عليكم ...
يالغالي الترميم اذا صرت رجال فاضي وتبي تشتغل على راحتك وعلى اقل من مهلك يبي يطلع الموتر زي اللوز
والأخ الي يقول بعة واشتر نضيف اتفق معة لكن وين النضيف
وأن وجد كم سعررررة ؟؟؟؟

وانا من الناس الي افضل اشتغل بترميم الموتر
وسالفة الرشة بـ 9000 اشوفه سعر مبالغ فيه
عندنا ( بالقصيم ) مايتعدا رشة الصالون (7000 ريال)اذاكنت بتغير اللون واذا بترش نفس اللون السعر بيكون ارخص طبعااا

ودعواتي لك بالتوفيق ......

[راعي الرود]

انت في كل الحالتين بتدفع او بتخسر مبلغ ... سواءاً بعته على حالته يبي لك تزود مبلغ عشان تدور نظيف

او بتصلحه و تشتغل عليه بتخسر مبلغ

شف كم يجيب لك على حالته و شف كم بتزود لو بتدور نظيف و شف كم يكلف ترميمه و اختر الأفضل لك

لكن الرأي الأفضل و نصيحتي لك انك تشتغل على الموتر و ترممه افضل و اترك رشه البويه اخر شيء لأنه شيء تجميلي ..

مكينته غيرها و ركب عليه 4500 كلبريتر نشيطه على بدي الـ97 و حماره كد تكرم و السامعين
قبل لا تسقطها غير بواجيها والاسلاك و طقم اصلاح كلبريتر ,, و طق لها ديلكو الكتروني و الأفضل تجيب معك كلتش دام المكينه بتطلع غيره و مايمنع تجيب صوف مكينه او قير او اللي تحتاجه .. و شف الطبات اذا عليها اثر صدأ غيرها سعرها رخيص جداً لكن ضررها كبير لو خليتها وهي مصديه

بعد ماتدق سلف الموتر افحص بطنه وشف وش يحتاج من رباطات و جلد وغيره و اللي تشوف انه لازم غيره لا تحرص انك تغير كلش ..

بعدها عاد رش الموتر كامل و بيطلع وقفه و يازين القديم لا صار مرمم و وقفته وقفه 2013

و الرشه ماتكلف اكثر من 3500 فررن اتركك من الورشات اللي تبالغ باسعار الرشات

لو بتشتغل على الموتر خلك وسيع صدر و خذها حبه حبه لا تعصر عمرك

هذي نصيحتي لك و الرأي الاول و الاخير لك

[الحنومي]

بالنسبة لردود الشباب ماقصروا
لكن فيه شغله انتم نااسينها خصوصا موضوع الرش لاتقولون مبالغ فيه او لا انا واحد رشيت باترول 97 ابيض كامل وكان علية بعض المعاجين من الحكومه وشالوها لان الورشة من جد شغلها غير صحيح غاليه لكن طلع موتر
انت اسأل اللي يبي يرشلك هل يبي يسنفر ويرش او يبي يخليه لك حديد واللي جايه معجون يبي يعدله لك اي يسمكر من جديد وبعدين يرشلك الرشه وهل فيه ضمان على البوية 5 سنوات واللي يبي ارسله الصورة ماعندي مشكلة
طبعاً الورشه اسمها نجم الدولية بصناعية الرواف بالقصيم بريدة
http://haraj.com.sa/users/%D8%A7%D9%84%D8%AF%D9%88%D9%84%D9%8A%D8%A9%20%D9%8 4%D8%B5%D9%8A%D8%A7%D9%86%D8%A9%20%D8%A7%D9%84%D8% B3%D9%8A%D8%A7%D8%B1%D8%A7%D8%AA

[path_poth]

بالنسبة لردود الشباب ماقصروا
لكن فيه شغله انتم نااسينها خصوصا موضوع الرش لاتقولون مبالغ فيه او لا انا واحد رشيت باترول 97 ابيض كامل وكان علية بعض المعاجين من الحكومه وشالوها لان الورشة من جد شغلها غير صحيح غاليه لكن طلع موتر
انت اسأل اللي يبي يرشلك هل يبي يسنفر ويرش او يبي يخليه لك حديد واللي جايه معجون يبي يعدله لك اي يسمكر من جديد وبعدين يرشلك الرشه وهل فيه ضمان على البوية 5 سنوات واللي يبي ارسله الصورة ماعندي مشكلة
طبعاً الورشه اسمها نجم الدولية بصناعية الرواف بالقصيم بريدة
http://haraj.com.sa/users/%D8%A7%D9%84%D8%AF%D9%88%D9%84%D9%8A%D8%A9%20%D9%8 4%D8%B5%D9%8A%D8%A7%D9%86%D8%A9%20%D8%A7%D9%84%D8% B3%D9%8A%D8%A7%D8%B1%D8%A7%D8%AA

ولاعليك أمر ترسل لي صور موترك اثناء/بعد الرش ياغالي

[Alwagdani]

اذاتبي ترش موترك رح للطايف ورشه عبد الله الصواط يخليه لك زي الوكالة علي الشرط ومايكلفك اكثر من ٤٠٠٠ الاف