عفريته لكل الحالات

[padoo]

السلام عليكم
اخواني ممكن احد يدلني على افضل عفريته يمكن إستخدامها لرفع السياره وخصوصاً اذهي متعلقه في غراز سواء رمل أو طين .
وما رائيكم في عفريتة البالون وهل هي عملية وماهو افضل نوع علماً ان السياره صالون جمس وهل يوجد منها نوع بدون شبك على الشكمان اي بماطور خاص بها
وأين توجد

[ابرق الكبريت]

عفريتة البالون
يوجد نوع استرالي أزرق يشيل
الى 4 طن ...
ويباع في الرياض ...
وعندي وحده منها لكن ماعمري
جربتها....

[قارئ]

والله يا الحبيب انصحك بالبالون وبقوة

يا ما قعدت قعدات انس انك تطلع منها ( في عز القيظ بالدهنا ولا معك موتر ثاني )

وبفضل الله ثم هالبالون دقايق وانت طالع

وميزته انه مريح لا دف ولا برح ولا يحزنون

رأيي أنه لا يمكن الإستغناء عنه اطلاقا

وانا ما ينزل من موتري

والله الحافظ

أما الأنواع فالأسترالي الأفضل والأغلى

انا شاري من الشراع واحد بـ 120

عندي من ثلاث سنين قائم بالمهمة خير قيام

لونه برتقالي

ولك أحلى تحية

[anas]

اخي قاريء العزيز كيف استخدمه لا هنت ؟

[imksa]

شباب

كيف يثبت في الشكمان ؟؟؟


اخاف اذا دعست انفصل


بعدين كيف اعرف الزين منه وش ماركته او وين ينباع فيه


فمان الله

[هاوي سلق]

ياليت تحطون لنا صور البالون

[imksa]

http://www.4wd.ru/images/dictionary/airjack.jpg


http://www.cobra4x4.com/imagenes/Desatascos/Air-Jack.JPG


http://www.4wdhire.com.au/industry/images/equipment/preview_air_jack.jpg

http://www.sobreruedas.es/autocentro/images/gr_AIRJACK.JPG

[ابرق العزاف]

والله انها حلوه


شكرا اخونا وتسلم

[عاشق ربـع]

مايحتاج تدعس خل السيارة شغالة بس وهو يقوم بالواجب

[anas]

imksa شكرا لك وجزاك الله كل خير.
بس باقي امر محيرني !!وهو اذا نفخت البالون كيف تطلع السيارة؟ ..اذا مشيت وطيت على البالون ..معليش مخي ثقيل بس تحملونا :D

[paris_najd22]

السلام عليكم ورحمة الله وبركاته ،،،
ياجماعة الخير وين ألقى البلونه هذي بالرياض .
شاكر ومقدر لكم ذلك

[ابرق الكبريت]

imksa شكرا لك وجزاك الله كل خير.
بس باقي امر محيرني !!وهو اذا نفخت البالون كيف تطلع السيارة؟ ..اذا مشيت وطيت على البالون ..معليش مخي ثقيل بس تحملونا :D

بعد رفع السيارة وبعد ماتنتهي من شغلك اللي هو
فك كفر مثلا أو وضع شجر تحت الكفر المغرز

بعد ماتنتهي ..
تقوم ياطويل العمر و تفش البالون
مع المفش حقه..
عاد وين المفش...
نجي للمفش ..
فيه ليين تشبكهم مع بعض اذا جيت تنفخ البالون
((واضح في الصورة المربط شكله أسود في اللي اللي طالع من البالون
تابع اللي من بدايته لحد البالون وتلقاه))

واذا بغيت تفش البالون تفصلهم عن بعض

هذا وكل فشه وانت بخير...

[ابرق الكبريت]

السلام عليكم ورحمة الله وبركاته ،،،
ياجماعة الخير وين ألقى البلونه هذي بالرياض .
شاكر ومقدر لكم ذلك

اعرف محلين يبيعون البالونات هذي:
1- مجل يبيع بالونات استرالية 4 طن
2- محل يبيع 2 و 3 طن فقط صناعتها اعتقد المانية

والمعذرة لعدم كتابة اسماء المحلات كون اعضاء المنتدى يعتبرونه دعاية
للمحلات ...
بس اذا تبيهم راسلني على الخاص...

[مسافر1]

بالنسبة للبالون .
ليس عملي كما يتوقع البعض ..
فالعفريته ربما أنفع وأضمن ..
من واقع تجربه ..

[anas]

ابرق الكبريت جزاك الله كل خير .
مشرفنا الرحالة: مسافر1 كيف تسوي بعفريته وسط الطعوس وانت مغرز ؟

[مسافر1]

أخي ..





العمل هو أن تقوم بحفر مكان مناسب تحت السيارة وتضع أسفل العفريته ما يمنع من تحركها ونزولها .

وهذه لابد وأن تكون مع أصحاب البر والطلعات .

بعد ذلك تعمل ما يلزم من رفع السيارة .

بالنسبة للبالون ربما يكون فيه خطورة لو لامس الكنداسة فربما يحدث امر الجميع في غنى عنه .

[imksa]

اخوي مسافر

شف الصوره

http://www.sobreruedas.es/autocentro/images/gr_AIRJACK.JPG


وش العفريته اللي ترفع السياره كلها وتطير في السمى كل الجهه اليمين بهالشكل اعتقد الارتفاع اكثر من 50 سم


في امان الله

[فل اوبشن]

والله ياجماعه انها عمليه جدا كان معي سياره سيدان والله اني ادخل بها طعوس
حول الديره مو جيب واذا غرزت طلعت االبالون وحطيته تحت الموتر وفت تحت التراب
لين ما يحك بطن الموتر .. المهم مره من المرات كنت مسافر وانا اللي ينفقع على الكفر
واطلع العفريته واحاول ارفع العفريته ما فدرت كان بها رمل وجيمت وش السوات يالربع اشر اشر
ماحد وقف ابي عفريته ولا والله اذكر البالون واجيبه وارفع الموتر واغير الكفر ..

الشاهد انها مهمه ولا تلغي اهمية العفريته اعتقد مكملين لبعض ميزتها سرعة رفع السياره ...

[s3ed]

لابد من العفريتة لانها مهمة واذا كنت في منطقة رملية لابد انك اتوسد العفريتة من تحت بحجر او لوح خشب عريض عشان ماينغرز في الرمل

اما البالون جيد بس عيبة انة في احتمال انفجارة وارد

للاحتياط بأمكتنك اتخلي فرشة السيارة اتكون عازلة بين بدي السيارة والبالون

انا استعملت التيواني زين يمشي حالة بالنسبة للاسترالي الغالي والكبير في الحجم



ملاحظة مهمة :تقدر اتفصل لي او وصلة للبالون يكون طويل اكثر من 20 متر

اذا اختربت السيارة واحتجت سيارة ثانية

[قارئ]

آسف أخي العزيز لتأخري بالرد

ما دخلت المنتدى من ذاك الحين


1- البالون سريع الإستخدام

2- لا يتأثر بالرمل - بخلاف العفريته -

3- يرفع الى مستوى أعلى بكثير وبوقت قياسي

4- ما فيه جهد عليك مجرد مسك اللي عند الشكمان

5- يرفع جهة كاملة بخلاف العفريتة

6- للأمان انا احط دعاسات الأرجل - السواق والراكب - حتى لا يتأثر البالون بالحرارة

7- للأمان لا تنظر الى البالون أثناء النفخ احتياطا بل كن قائما أنت واللي معك وتابع من بعيد - خل الكفر بينك وبينه -

8- في حال الأزمات الشديدة ( في التعليقات ) لا مانع انك تمشي عليه والعوض على الله

وللعلم الأسترالي يقال انه مصمم لتحمل المشي عليه !!

9- وسلامتكم

[padoo]

كل عام واهل مكشات وزواره الكرام بألف خير
وشكراً لكل من تجاوب ورد على الإستفسار
وياليت الأخوان اللي لديهم معرفة وعلم بموضوع النقاش ان يفيدونا عن اماكن لشراء هذه العفريته منها، لكوني وجدت واحده صناعة صينيه لدى العليان وجربت 4 طن ولم تستطع رفع سياره vxr .وللإخوة الكرام فإن ذكر محل يبيع ادوات الرحلات لا يقصد به الدعاية للمحل وانما لإستفادة الأعضاء وزوار المنتدى وتسهيل لهم في سرعة الوصول لمطالبهم وحتى يكون الجميع على علم بالنوع الجيد والرديئ وسعر كل منهما وحتى لايستغل اصحاب محلات الرحلات حاجة الزبائن ولخلق تنافس بينهم يصب في خدمة المستهلك وخصوصاً اذاماعلم اصحاب هذه المحلات من استطاعة المستهلك معرفة اكثر من محل يجد ضالته فيه
ولكم تحياتي

[padoo]

آسف أخي العزيز لتأخري بالرد

ما دخلت المنتدى من ذاك الحين


1- البالون سريع الإستخدام

2- لا يتأثر بالرمل - بخلاف العفريته -

3- يرفع الى مستوى أعلى بكثير وبوقت قياسي

4- ما فيه جهد عليك مجرد مسك اللي عند الشكمان

5- يرفع جهة كاملة بخلاف العفريتة

6- للأمان انا احط دعاسات الأرجل - السواق والراكب - حتى لا يتأثر البالون بالحرارة

7- للأمان لا تنظر الى البالون أثناء النفخ احتياطا بل كن قائما أنت واللي معك وتابع من بعيد - خل الكفر بينك وبينه -

8- في حال الأزمات الشديدة ( في التعليقات ) لا مانع انك تمشي عليه والعوض على الله

وللعلم الأسترالي يقال انه مصمم لتحمل المشي عليه !!

9- وسلامتكم

تسلم يالغالي وياليت تدلنا وين نحصل النوع الجيد

[هابكيدو]

آسف أخي العزيز لتأخري بالرد

ما دخلت المنتدى من ذاك الحين


1- البالون سريع الإستخدام

2- لا يتأثر بالرمل - بخلاف العفريته -

3- يرفع الى مستوى أعلى بكثير وبوقت قياسي

4- ما فيه جهد عليك مجرد مسك اللي عند الشكمان

5- يرفع جهة كاملة بخلاف العفريتة

6- للأمان انا احط دعاسات الأرجل - السواق والراكب - حتى لا يتأثر البالون بالحرارة

7- للأمان لا تنظر الى البالون أثناء النفخ احتياطا بل كن قائما أنت واللي معك وتابع من بعيد - خل الكفر بينك وبينه -

8- في حال الأزمات الشديدة ( في التعليقات ) لا مانع انك تمشي عليه والعوض على الله

وللعلم الأسترالي يقال انه مصمم لتحمل المشي عليه !!

9- وسلامتكم



ممكن تدلوني على المحل اللي يبيع النوع الاسترالي , على البريد الخاص بالنسبة للي مايبي يسوي دعاية للمحل
وأكون لكم من الشاكرين

[هابكيدو]

ممكن تدلوني على المحل اللي يبيع النوع الاسترالي , على البريد الخاص بالنسبة للي مايبي يسوي دعاية للمحل
وأكون لكم من الشاكرين

............للرفع

[padoo]

يا اخوان وين نلقا هالعفريته

[هاوي سلق]

الله لايهينكم المحل وين بالشرقية

[abumohammad]

اعتقد فى محل الرمايه فىالرياض والشرقيه ما يجوز نحجب المعلومه والذى يعرف مكان اخر فلا يبخل على المسلمين واالله اعلم واعلى

[الرهدن]

أخ قارئ00 جزيت خيرأخوي
وكلامك 100% صحيح :good: 00 واللي ماجربها أكيد لن يمدحها
وأفضلها اللي عند الرماية لونه أزرق من شركة ARB الإسترالية00
ولاتوهق تشري غيرها00 وسعرها إرتفع فوق 700 ريال لكن حلال عليها الدراهم00


.

[سرداح]

عزيزي هناك عفريته اسمه High lift jack ممتازه جدا وتشيل تريله ان بغيت ولارتفاعات عاليه قيمتها تقريبا 350 ريال تحصلها عند محلات الدفع الرباعي وهذا موضوع للمشرف ايمن يتكلم عنها مع الصور خاصة في الرد الثاني وهذا الرابط http://www.mekshat.com/vb/showthread.php?t=21086&page=1&pp=15

وكل عام وانتم بخير

[imksa]

محل الرمايه يقول كنا نبيعها 900 ريال ؟؟؟


معقول وانتم تقولون 120 ؟؟