هل المرور يخالف على دعامة المرور او الشبيهة بها

[الاشهب 507]

السلام عليكم

كما هوه موضح في العنوان هل المرور يخالف المواطن اذا ركب مثل دعامة الدوريه او قريبه منها مثل دعامة المميز او المواهب لين انا وعوذ بالله من كلمة انا انشاء الله ناوي اركب لي واحده وسمع طراطيش كلام ان المرور يخالف عليه ونبغى العلم الوكاد بغض النضر عن التائمين انا اتكلم عن المرور والنضام وشهو بلضبط ووشهي الحالة الي تكون فيه ممنوعه

وشكرن:)
محبكم:الاشهب 507

[عبادي464]

اذا ماتشبه الدورية ولا تغطي على اللوحه مايخالفونك

[بقه]

المرور طيبين اشوي وبعضهم بينشب لك

لكن اذا تبي امورك نظامية كلم التأمين قلهم تبي تضيف على سيارتك دعامه هل تغطون السيارة في حالة الحوادث لا سمح الله

لأن شركات التأمين ما يغطون الحوادث لاصار الغلط عليك وانت مركب دعامه

[التعـ King ـديل]

المرور اذا مايغطي اللوحه ماعندك مشكله

التأمين لازم تاخذ منهم خطاب موافقه على الدعامه علشان لا قدر الله لو صار حادث مايطيح حقك

[الاشهب 507]

مشكورين على التفاعل الطيب ولي عنده معلومات اكثر يفيدنا وذا فيه احد شغال في المرور او له قريب في المرور يفيدنا الله لايهينه

[مقناص10]

تسلمون واستفدت بصراحه انه لا بد تخبر التامين والله يحمي الجميع من كل شر
والحمدلله ماني مركبها وودك احيانا تركبها عشان تشيل اللي قدامك هههه اللي يطقطق بالجوال وماسك وسط الخط وباقل من مهله ماشي !!
لأن البعض من يم يشوف الدعامه ينحاااااش حووووش

[ناصح]

أنا مركبها من اكثر من 5 سنوات

ولا فيها أي مخالفة المهم لا تغطي اللوحة

ولا حتى التأمين قالو شي رغم أنه صار دقشات

والحمد لله

[حبيب الامس]

ركبتها قبل اكثر من ثلاث سنوات
على شاص ومفصلها عند مواهب ونفس حقة الدوريه بالضبط
والحمد لله ما قد جاني مرور ولا غيره

[sgl2002]

مايقولون شي اذا هي ام مسحاة وفاس

[مخ سعودي]

نظاما ممنوعه والسبب اضافه على السياره
وعليها حجز واكن المرور يتغاضون عنها
بالنسبه للحوادث انت وحظك اذا طبق النظام تدفعها من جيبك ولايشملك التامين

[alhawaawy]

بالنسبة للتأمين من واقع مشاهد لواحد من الزملاء مركب دعامه وصار له حادث ولم يشمله التأمين (الطرف الثالث) بسبب اضافة الدعامه ،،، و دفع حق الطرف الثالث

[الاشهب 507]

بيض الله وجيهكم وما قصرتوا

[المهاجر انا]

لاتروح للبطحاء ترهم مشددين