مكينة 4500 بخاخ على باترول ؟؟

[يزيد 999]

بسم الله الرحمن الرحيم

مساكم الله بالخير


حبيت أستفسر عن تركيب مكينة نيسان باترول 4500 بخاخ على باترول 97 وتحت وهل تفرق عن 4200 كلبليتر فرق واضح من ناحية القوة , العزم , صرف البنزين , خرابات , تحمل , نشاط بالنفود

بالنسبة للتركيب :

هل تحتاج تحويلة قير و برمجة وشغل ولا لا ؟
وكم تكلفته راكبه على باترول 97 وتحت .

وأيضا نفس الاستفسار عن مكينة ربع التويوتا الله لايهينكم ..

[Abo_Faisal_506]

ماتحتاج تحويله بين القير والمكينه (مكينت باترول)

راح يفرق فرق واااضح خاصه اذا عدلت عليها -طرنبه-هدرز-فلتر ...
السعر المكينه على نطافتها يعني بحول ١٣

[الوفي بندر]

هلا بك أخوي

أنا معاي باترول 93 و الآن بالورشة ركبت له 4500 كلبريتر و على حسب كلام المتخصصين إن ال4500 كلبريتر أقوى من البخاخ و أقل مشاكل لأن البخاخ تحتاج كمبيوتر و ظفيرة و فيها حساسات و كثير أعطالها ، أما من ناحية التركيب فتركب بلد بدون أي تحويلات و لا شي . و إنتظر الموتر يخلص بكرا او بعد بكرا و أجربة و أبلغك .

[سارق الكحل]

ممتازة جدا وتفرق كثير

[التعـ King ـديل]

هلا بك أخوي

أنا معاي باترول 93 و الآن بالورشة ركبت له 4500 كلبريتر و على حسب كلام المتخصصين إن ال4500 كلبريتر أقوى من البخاخ و أقل مشاكل لأن البخاخ تحتاج كمبيوتر و ظفيرة و فيها حساسات و كثير أعطالها ، أما من ناحية التركيب فتركب بلد بدون أي تحويلات و لا شي . و إنتظر الموتر يخلص بكرا او بعد بكرا و أجربة و أبلغك .


اوافقك خاصه ان موتر زميلنا كربريتر راح يتعب مع البخاخ علشان يضبط وانت اختيارك صحيح راح تستمتع صدقني

الله يطعمك من خيره ويكفيك شره

[يزيد 999]

ماقصرتوا ياجماعة اللي فهمته منكم انه التركيب مايحتاج شي فقط تبديل المكينة وإنتهينا يعني مافيه حوسة أسلاك وشغلات وأشياء ثانية ؟؟ بالنسبة للكلبليتر أنا كارهه من كثر الدخنة وكثرة مشاكله

أخوي الوافي بإنتظار تجربتك وإفادتك...

[_TOYOTA_]

ماقصرتوا ياجماعة اللي فهمته منكم انه التركيب مايحتاج شي فقط تبديل المكينة وإنتهينا يعني مافيه حوسة أسلاك وشغلات وأشياء ثانية ؟؟ بالنسبة للكلبليتر أنا كارهه من كثر الدخنة وكثرة مشاكله

أخوي الوافي بإنتظار تجربتك وإفادتك...
اتوقع انه فيه حوسه يبي لها مهندس ميكانيكا فاهم والا ......

[شاق النفد]

وانا اخوك ترى مردى من ذي الا ذي لافيها لاعزم والبنزين تلهمه لهم

طع شوري دامك بترهم وبتحوس خله على شي يستاهل

مثل ال اس ون ان كانك راعي نفود وتطعيس سعرها رخيص ب5000 وحولها لاكن الكلام في التسقيط وتجليسا صح

او 4500 تويوتا وفتك هي حليوات بما انها 6 سلندر واقل اعطال لاكن افضلك 4500 تويوتا تتحمل وارخص

[شاق النفد]

وترى مكاين النيسان كلها رديت عزم بسبب انها 12 بلف ما عدا 4800 هي اللي 24 بلف وفيها رجى

[V tc]

عليك بالبخاخ لانه ٢٢٠ حصان ومع التعديل كمبيوتر وفلتر وهدرز ومراوح وزن خفيف بيطلع حول ربع التيوتا والتيوتا ٢٢٤ حصان بس وزنه خفيف ومناحيت التركيب التصقيط بلد والكهرب لزوم تعديل واهم شي الكهرب

[يزيد 999]

ياجماعة الخير أنا أبي شي أقوى من اللي معي (4200) أو طريقة أخلي الموتر نشيط

أما بالنسبة للمكاين الثانية 4800 أو 4500تويوتا أو ls1 هذي كلها زايدة عن حاجتي وأسعارها فوق الميزانية اللي معي

بالأخير أنا مريت التشاليح اليوم وحصلت أسعار 4500 بخاخ ب 12000 و10000 وأسعار تشيب الراس وهونت عنها خصوصا إن تركيبها يكلف ويبيلها حوسة

السؤال اللحين 4500 كلبليتر تركيبها وش يحتاج من الالف إلى الياء الله لايهنكم..

[PAJERO]

اذا كانت سيارتك ما فيها كمبيوتر
يعني من الوكالة كلبليتر
ترى صعب تركب عليها مكينة بخاخ
لأنك راح تحتاج ظفيرة كاملة
والاحسن تركب مكينة بخاخ

[يزيد 999]

هذا اللي خلاني أهون عنها المقصد هل فيه مكينة للباترول أقوى من 4200 وتركيبه سهل

[التعـ King ـديل]

وترى مكاين النيسان كلها رديت عزم بسبب انها 12 بلف ما عدا 4800 هي اللي 24 بلف وفيها رجى


شكل خبرك بالنيسان اخر شي وقف عند موديل 91 كربريتر

كل مكاين النيسان 24 بلف من 94

[شاق النفد]

شكل خبرك بالنيسان اخر شي وقف عند موديل 91 كربريتر

كل مكاين النيسان 24 بلف من 94


ياليتك تاكد قبل ماترد يا مشرفنا

اللي تقصده هو مكاين التويوتا هي اللي نزلت من التسعينات 4500 24 بلف كلبليتر
ومن ثم نزلت بخاخات مع الالفية

اما مكاين النيسان 4500 و4200 تراها 12 بلف سوا كلبليتر اوبخاخ ماعدا 4800 هي اللي نزلت 24 بلف بخاخ

ومتاكد وما يحتاج ليش لاني اتحاشى دائما الكلام بشي ما ادري عنه

[صياد الاحساء]

طيب وين الأقوى بالنسبة لمكاين النيسان وش الفرق 4500 كربريتر او4200كربريتر

[سارق الكحل]

شف يالغالي

انا مركب 4500 بخاخ موديل 2005 على 91 كربريتر باترول صالون
مركبها مع كمبيوترها والظفيره وطرمبة بنزين كهرب باثفندر

الفرقات الي شفتها:
1- أقتصادي بالبنزين التانكي يمشيني حول 450 وأكثر
2- التشغيل من أول دقه سلف لاتفتفه ولا دخان ايام الكربريتر وأيام الشتاء
3- السرعة : الله يكفينا شر السرعة يصك طبلونه وينزل تحت الين يوقف الامبير وتحس يقول هات هل من مزيد طبعاً ( فورد - يوكن - ) تشفه شطف تقريبا يمشي 220
4- الاستجابة اذا دعست له سريعة تحس الضغط بسرعة يتجاوب ( العزم ) بجميع النمر
5- ماشاء الله العزم فرق عن أول وتحس الموتر مستلج وخاصه بالبر وترقى فيها بكل سهولة
مثل طعس الهاف مون أول ارقاه ولا أوصل الى رجلي الي على البنزين قد وصلت المكينة ومايوصل الا منهلك
الحين ماشاء الله والله بوسط الطعس ارفع رجلي شوي عشان لايقطع

طبعاً مركب فلتر ومراوح كهرب وبدون هدرز هدرز البلد

العيوب الي شفتها :
1- خرب حساس وحست الين طلعت الحساس الخربان
لان الي ركب الكمبيوتر ماحط لي كيبل حق فحص الأعطال وانتبه للنقطة هاذي تراه بيريحك لاني انا ماأقدر أفحص كمبيوتر لعدم وجود كيبل أعطال

2- تصير راعى قومات عند الأشارات وبالخط تدور حرش

3- صوت الفلتر مزعج شوي وانا ماركبت هدرز أجل لو ركبت يبغالك سماعات للأذن

4- تكلفة المكينة عالية في الشراء 0
5- الحرارة أحس انها أعلى من أول ( تعرف أول ماتوصل الخط ) الحين الطبيعي على الثلث بس نفسياً

وعلى العموم السيارة بالشرقية في الورشة للصبغ لاني حبيت السيارة وقلت تستاهل أنا نضبطها
واذا حبيت اذا طلعت السيارة من الورشة تجربها قبل لاتركب مكينة فحياك الله

[المنيعي1]

اذا تبي 4500 بخاخ ونشيطة
دور بالتشليح مكينة باترول طويل موديل 98 الى 2001
ابورفارف او سوبر سفاري
تشيله كامله مع الضفيرة

هذي انشط من مكينة الربع الي نزلت بخاخ

[الوفي بندر]

مر على تشاليح الياباني تلاقيها رخيصة و انظف من السعودية . و تركيبها سهل جدا فك القديمة و تركيب الجديدة و تغيير طرمة البنزين لطرمة ٤٥٠٠ و ان شاء الله بعد بكرا يطلع الموتر و أعطيك الخبر الأكيد علما انها بلد بدون إضافات مثل مراوح او هدرز لأنها تفرق كثير

[هويدي]

ماقصروا الاخوان ولكن ابدلي بطشتي :)

جربت 4500 كلبليتر وبخاخ على موترين كلهن ربع

الصرفيه والدخنه لصالح البخاخ

النشاط وقله الاعطال للكلبليتر

اصوت للكلبيتر لسهوله التركيب وفرق السعر بالاضافه للنقاط السابقه


وهي تجي على الباترول الربع من 2001 الى 2003 ديلكو الكتروني وسكورتي تشغيل

ولا تنسى الاستخاره الله يوفقنا وياك المسلمين

[يزيد 999]

شف يالغالي

انا مركب 4500 بخاخ موديل 2005 على 91 كربريتر باترول صالون
مركبها مع كمبيوترها والظفيره وطرمبة بنزين كهرب باثفندر

الفرقات الي شفتها:
1- أقتصادي بالبنزين التانكي يمشيني حول 450 وأكثر
2- التشغيل من أول دقه سلف لاتفتفه ولا دخان ايام الكربريتر وأيام الشتاء
3- السرعة : الله يكفينا شر السرعة يصك طبلونه وينزل تحت الين يوقف الامبير وتحس يقول هات هل من مزيد طبعاً ( فورد - يوكن - ) تشفه شطف تقريبا يمشي 220
4- الاستجابة اذا دعست له سريعة تحس الضغط بسرعة يتجاوب ( العزم ) بجميع النمر
5- ماشاء الله العزم فرق عن أول وتحس الموتر مستلج وخاصه بالبر وترقى فيها بكل سهولة
مثل طعس الهاف مون أول ارقاه ولا أوصل الى رجلي الي على البنزين قد وصلت المكينة ومايوصل الا منهلك
الحين ماشاء الله والله بوسط الطعس ارفع رجلي شوي عشان لايقطع

طبعاً مركب فلتر ومراوح كهرب وبدون هدرز هدرز البلد

العيوب الي شفتها :
1- خرب حساس وحست الين طلعت الحساس الخربان
لان الي ركب الكمبيوتر ماحط لي كيبل حق فحص الأعطال وانتبه للنقطة هاذي تراه بيريحك لاني انا ماأقدر أفحص كمبيوتر لعدم وجود كيبل أعطال

2- تصير راعى قومات عند الأشارات وبالخط تدور حرش

3- صوت الفلتر مزعج شوي وانا ماركبت هدرز أجل لو ركبت يبغالك سماعات للأذن

4- تكلفة المكينة عالية في الشراء 0
5- الحرارة أحس انها أعلى من أول ( تعرف أول ماتوصل الخط ) الحين الطبيعي على الثلث بس نفسياً

وعلى العموم السيارة بالشرقية في الورشة للصبغ لاني حبيت السيارة وقلت تستاهل أنا نضبطها
واذا حبيت اذا طلعت السيارة من الورشة تجربها قبل لاتركب مكينة فحياك الله
جزاك الله خير وماقصرت يابعدي ماشاء الله تبارك الله كل اللي كنت أبيه حصلته عندك ومثل ماذكرت من قبل التكلفة عالية والتركيب يبيله شغل وأنا الميزانية حقتي محددة

والله يعطيك من خيره ويكفيك شره..

[يزيد 999]

أخواني المنيعي , هويدي مشكورين وماقصرتوا ولأن البخاخ غالية شكله تبي ترسى على الكلبليتر 4500 إن الله أراد

[يزيد 999]

مر على تشاليح الياباني تلاقيها رخيصة و انظف من السعودية . و تركيبها سهل جدا فك القديمة و تركيب الجديدة و تغيير طرمة البنزين لطرمة ٤٥٠٠ و ان شاء الله بعد بكرا يطلع الموتر و أعطيك الخبر الأكيد علما انها بلد بدون إضافات مثل مراوح او هدرز لأنها تفرق كثير

يعني بس يفك 4200 كلبليتر ويحط بداله 4500 كلبليتر ويغير طرمبة البنزين مايحتاج أي شي ثاني لاترهيم ولا أسلاك ولا لعب بس ركب وامش؟

[V tc]

اقتباس:
المشاركة الأصلية كتبت بواسطة التعـ King ـديل
شكل خبرك بالنيسان اخر شي وقف عند موديل 91 كربريتر

كل مكاين النيسان 24 بلف من 94
ياليتك تاكد قبل ماترد يا مشرفنا

اللي تقصده هو مكاين التويوتا هي اللي نزلت من التسعينات 4500 24 بلف كلبليتر
ومن ثم نزلت بخاخات مع الالفية

اما مكاين النيسان 4500 و4200 تراها 12 بلف سوا كلبليتر اوبخاخ ماعدا 4800 هي اللي نزلت 24 بلف بخاخ

ومتاكد وما يحتاج ليش لاني اتحاشى دائما الكلام بشي ما ادري عنه

[Abo_Faisal_506]

انا معي بخاخ 4500
افضل من الكلبيتر واقوىىى
البخاخ افضل من الكلبيتر بكثيير

[يزيد 999]

أبو فراس الله يعطيك من خيره ويكفيك شره وأنا هونت عن البخاخ

[sgl2002]

شكل خبرك بالنيسان اخر شي وقف عند موديل 91 كربريتر

كل مكاين النيسان 24 بلف من 94


افا ياكنق

دايما كنق في الباترول بس المعلومه هذي خطا


كل مكاين النيسان ال4500 وال4200 بلوفها عددها 12

الا في الفتك صار 24 بلف


طبعا امنيتي سابقا انهم حطوا ال4500 24 بلف كان تشوف النيسان طيارات ماهي سيارات

[الوفي بندر]

السلام عليكم و رحمة الله و بركاته

أبشركم طلع الموتر اليوم من الورشه بعد ما ركبت عليه ٤٥٠٠كلبريتر الفرق واضح و كبير عن ال ٤٢٠٠ بخاخ و الموتر خفيف لكن اللي يشفع له ان الكوارين ديزل .
اقول الحمد لله اللي وفقني بهالاختيار و لا تخسرت و ركبت لكزس او فتك مو قصور فيهن لكن هذا احتياجي .
و تمنياتي لك بالتوفيق

[مجالس الرجال]

السلام عليكم و رحمة الله و بركاته

أبشركم طلع الموتر اليوم من الورشه بعد ما ركبت عليه 4500كلبريتر الفرق واضح و كبير عن ال 4200 بخاخ و الموتر خفيف لكن اللي يشفع له ان الكوارين ديزل .
اقول الحمد لله اللي وفقني بهالاختيار و لا تخسرت و ركبت لكزس او فتك مو قصور فيهن لكن هذا احتياجي .
و تمنياتي لك بالتوفيق
وعليك السلام والرحمة والبركة
الله يهنيك وتكد المكينة سنين
ياليت تفصل لتكلفة المكينة مع رجيع او بدون
واذا انت مشتغله ببريدة من عنده

[يزيد 999]

السلام عليكم و رحمة الله و بركاته

أبشركم طلع الموتر اليوم من الورشه بعد ما ركبت عليه ٤٥٠٠كلبريتر الفرق واضح و كبير عن ال ٤٢٠٠ بخاخ و الموتر خفيف لكن اللي يشفع له ان الكوارين ديزل .
اقول الحمد لله اللي وفقني بهالاختيار و لا تخسرت و ركبت لكزس او فتك مو قصور فيهن لكن هذا احتياجي .
و تمنياتي لك بالتوفيق
الله يعطيك من خيره ويكفيك شره وأتمنى تجاوبن عن التركيب والتكلفة الله لا يهينك

[ابوسعد3211]

السلام عليكم و رحمة الله و بركاته

أبشركم طلع الموتر اليوم من الورشه بعد ما ركبت عليه 4500كلبريتر الفرق واضح و كبير عن ال 4200 بخاخ و الموتر خفيف لكن اللي يشفع له ان الكوارين ديزل .
اقول الحمد لله اللي وفقني بهالاختيار و لا تخسرت و ركبت لكزس او فتك مو قصور فيهن لكن هذا احتياجي .
و تمنياتي لك بالتوفيق
اخوي ياليت تفيدنا وش المطلوب لاني ناوي مثلك وككم التكلفه
الله يعطيك خيرها ويكفيك شره والمسلمين

[ابونبيل]

وانا اخوك ترى مردى من ذي الا ذي لافيها لاعزم والبنزين تلهمه لهم

طع شوري دامك بترهم وبتحوس خله على شي يستاهل

مثل ال اس ون ان كانك راعي نفود وتطعيس سعرها رخيص ب5000 وحولها لاكن الكلام في التسقيط وتجليسا صح

او 4500 تويوتا وفتك هي حليوات بما انها 6 سلندر واقل اعطال لاكن افضلك 4500 تويوتا تتحمل وارخص
:good: هذا الكلام اخسر على شي يستاهل مكينة 4500 12 بلف سيئة جدا من ناحية عزم

[sgl2002]

^^^

انا معك انها رديه


لكن على بدي الباترول تطلع قويه

ومكينه ٤٥٠٠ حقت التويوتا قويه
لكن على بدي اللاندكروزر تطلع ردي عزمها


قاومنا وتحدينا نفود بين باترولات ٤٥٠٠ ولاندكروزرات جكسارات ٩٧ و٢٠٠١


كان القومه قريبين جدا من بعض وخشم الباترول عند باب الراكب الخلفي حق اللاندكروزر


والبنفود طلعنا على اللاندكروزر

[abo naser 1]

يا زينها و وبلوفها اذا جت على بدي 97 فرق الوزن 300 كيلو تقريبا من غير القير والدفرنس محشورة أكثر من الموديل الي بعده

اما 4500 التويوتا تبي بليته وقص كراسي الوكالة وتجليس من جديد يعني ترهيم ومشاكل الكرتير لارتفاع المكينة و بالمقابل خسرت الكثير من المال والاداء متواضع بأعتبار انه مرهم وبتكلفة عالية

[راعي الرود]

شكل خبرك بالنيسان اخر شي وقف عند موديل 91 كربريتر

كل مكاين النيسان 24 بلف من 94



مالك لوا

مكاين الـ4200 و الـ4500 مانزلت الا 12 بلف

لو تلاحظ الربع 2004 وفوق نزلت عليه 4500 مع ذلك مايمشي مع ربع التويوتا ابد و السبب ان التويوتا 24 بلف و النيسان 12

الـ24 بلف جت على الفتك عطي الله

[path_poth]

يزيد٩٩٩

بعض الشباب اعلاه يتفلسفون بلا تجربة،انا ركبت مكينة باترول ٤٥٠٠ بخاخ على سلقة ٩٧ وهالكلام من عام ٢٠٠٩ والموتر زي العسل ولله الحمد وعزمه رايق ولاواجهت اي عطل ولله الحمد،المكينة كلفتني ١٤ألف والسعر يعتبر وقتها غالي بس كنت مستعجل ع التركيب.

[ابوسعد3211]

طيب ياشباب وش يحتاج من قطع غير المكينة
القزوز نفسه 4200 نفس ٤٥٠٠
وسيده تركب
ارجوا توضيح ياشباب

[sgl2002]

طيب ياشباب وش يحتاج من قطع غير المكينة
القزوز نفسه 4200 نفس ٤٥٠٠
وسيده تركب
ارجوا توضيح ياشباب


الثلاجة والكلبريتر

[يزيد 999]

أخونا الوفي بندر ليتك تعلمنا عن الموتر وكم كلف لاهنت

[مارد]

انا الان قاعد اركب مكينة لاند كروز24 بلف كربريتر على الباترول الطويل موديل93 ولما يخلص اقولكم النتيجه
ان شاء الله