الى جميع أصحاب تاهو، يوكون، سييرا، سلفرادو إحذرووووووا ..!!

[sa-z71]

السلام عليكم ورحمة الله وبركاته

ياخوان لي صديق عنده ورشة يقول يجيني كثير من أصحاب اليوكون والتاهو عندهم مشكلة صوت طقطة بالمكينة ،

طبعاً المشكلة طرمبة الزيت ،،

وأكبر سبب في عطالها إنهم يركبون زيت 20w50

ولو نشوف غطاء زيت المكينة مكتوب علية نوع الزيت المطلوب اللي هو 5w30 ولكنه غير متوفر واذا حصلته غالي أقرب شي له واللي تركبه لنا الوكاله 10w30 .

ولو الواحد منا تعب نفسه شوي وفتح كتالوج موتره وشاف وش نوع الزيت أو أي شي يحتاجه في الموتر كان ماطلعت لنا مشاكل مثل هذي اللي المفروض ماتواجهنا،

وهذي صورة من كتالوج اليوكون
http://www2.0zz0.com/2013/11/01/23/663889115.jpg (http://www.0zz0.com)

[أطلال نجد]

جزاك الله خير على تنبيه أخوانك
يا أخي نحن بيننا و بين القراءة عداوه عجيبه إلا ما شاء الله منا
كُتيب دليل المالك هذا ما نفتحه إلا بالصدفة وتلقاه غالباً مغبر في الدرج وقالب لونه و أوراقه مصفره و لو كلف الواحد منا نفسه بقراءته خاصة في الشهر الأول من شراء السيارة لما وقع أكثرنا في مشاكل الأعطال و الصيانة و ضياع الجهد و الوقت و المال و كان من الممكن جداً توفير هذه المصاريف و الأستفادة منها في بنزين و كفرات و صيانة دورية


شكراً لك

[المميـز]

:

الله يجزاك خير على التنبيه

:

[ملك الفكتوريا]

الزيت موجود وبجودة عالية وبسعر منافس ورخيص وببلاش امام باقي الزيوت






زيت موتركرفت ويتوفر النوع المطلوب 5w20

بسعر بين 17 و15 ريال بينها

مره 15 ومره 16 ومره 17 على حسب

وموجود بمحلات قطع غيار التقوى وانا دايم اشتري منه ومبسوط


ويوجد بوكالة الجزيرة بسعر لا يتجاوز 19 ريال للعلبة حسب اخر علم لي




واللي استخدموه لاحضوا صوت المكينة صار اهدا
صرفية البنزين قلت
طقطقة البلوف عند اول التشغيل اختفت


والسيارات المجربة كانت

ماركيز اللي هي موتري
جمس 2007
كابريس 2008
اكورد 2010 الزيت 10w30 وضبط معهاا


والله على ما اقول شهيد





الزيت موجود وبسعر ممتاز بس تحمل المشوار للصناعيه عشان محل قطع الغيار

[sa-z71]

وإياكم ياخواني
والشكر موصول لكم
وأنا أشوف الموضوع اكتمل باضافاتكم المفيدة

تحياتي لكم

[ابو محمد 276]

بارك الله فيك تسلم

[speed62]

جزاك الله خير ويعطيك الف عافيه
لزوم ادلي بدلوي:)
عندنا يوكن من الموديلات الجدد ماشي فو200ألف
من شريناه ونعبيه20-50 ولاصارت اي مشاكل..بعد الـ200ألف وديته الوكاله وحطو زيتهم ناسي وشهو
اخذت السياره وسافرت عليها مشيت 80 كيلو قلت خلني اوقف اعبي وأشيك على الموتر فكيت العيار إلى وطلعتلي دخنه بيضه مع ريحت حراق<<مستعجل ماشي180
الزبده الزيت خفيف ولاينفع للمشاوير الطويله والسرعه
وتلاا السيارات التاليه حظووظ

[ابوخالد977]

والله اني موضب موتري( سيرا )مرتين بسبب نفس المشكله في اقل من سنه وغيرت طرمبة الزيت مرتين مع كل توضيبه الله يجزاكم خير على المعلومات المفيده

[ابوخالد977]

وازيدكم من الشعر بيت الكاتلوج لافه بنايلون ومحافظ عليه اكثر من الطالب الي يحافظ على كتبه

[اسدهم]

هذا عيب الامريكي من مديل 2000 والمشكلة ماراحت لية ........مدري