قرقعة باب الشنطه في الباث والحل ؟؟؟ [الأرشيف]

مشاهدة النسخة كاملة : قرقعة باب الشنطه في الباث والحل ؟؟؟

ابوعبيده

19/10/2006, 12:39 PM

فال الفال

19/10/2006, 01:59 PM

حبيبنا

المشكلة سببها فضاوة في قفل الباب بسبب زيادة ليونة الجلدة السوداء ( الربلة ) المحيطة بالباب

وفيه حلين

الأول :

أفتح الجلدة السوداء حول الباب الخلفي ( الشنطة ) ، فتحه صغيرة ودخل لي مكيف صحراوي ( الشفاف ) على كامل الجلدة ، بحيث يقوم اللي بشد الجلده وتذهب القرقعة

الثاني :
لف شريط مطاطي على مكان مسكة قفل الباب في السيارة وليس الباب ، بحيث يغطي مكان الفضاوة التي تسبب القرقعة .

وأنا شخصيا جربت الحل الثاني وعملي جدا جدا

والأول نصحني به صاحب ورشة المتميز .

مع تمنياتي لك بسيارة خالية من القرقعة

مسافر1

19/10/2006, 02:19 PM

زيادة على ما ذكر أخي . فال الفال ..
هو إغلاق الباب بقوة كما في الآند يحتاج لإغلاقه القوة في إغلاقه وهذا يجهله الكثير
طبعاً ربما يقال الباب مقلق تماماً لكن نقول نعم ولكن يستحسن ذلك وخاصة من أعلى الباب ,,
جرب لعل في ذلك فائدة في الباث ,

ابوعبيده

19/10/2006, 09:29 PM

اخوي فال الفال بيض الله وجهك كفيت وفيت .. وان اشهد انك فال خير .. سوف اجرب ان شاء الله

اخوي المشرف مسافر شاكر لك المشاركه اما اغلاق الباب بقوه الظاهر ان الباب انكسر من كثرة الصبخ بقوه والقزاز الخلفي انكسر من قوة الصبخ ( الضرب ) ... لكن مافيه مانع نجرب اما الباب ينضبط او تروح القزاز ..

تحياتي لكما ..

راعي الهـــدد

19/10/2006, 09:43 PM

حبيبنا

أفتح الجلدة السوداء حول الباب الخلفي ( الشنطة ) ، فتحه صغيرة ودخل لي مكيف صحراوي ( الشفاف ) على كامل الجلدة ، بحيث يقوم اللي بشد الجلده وتذهب القرقعة
مع تمنياتي لك بسيارة خالية من القرقعة

أوافق اخوي فال الفال في الراي

هذا هو الحل الذي ارى انه مناسب جداً وعملي

المهم ونخوك من الأدوات المساعده على دخول اللي حق المكيف في الربله

أن تذهب لمحل أدوات كهربائيه

وتآخذ منه سسته حقت الكهربائيين

طبعاً السسته هاذي طبيعتها لينه وقابله لأن تمشي بالأماكن الضيقه وهي من الحديد السخيفه

خذها ونخوك واربط طرف الي بشطرطون بطرف السسته ولا تكثر حتى لايصعب مروره

ثم أدخل طرف السسته الأول بالربله حقت الباب

وابدء بسحب السسته حتى يصل كامل اللي الصحراوي بكامل الربله

والله الموفق

ابوعبيده

19/10/2006, 10:31 PM

الله يحفظك اخوي راعي الهدد ...

اخوي الفال وين موقع ورشة المتميز ياليتك توصف لي .. شاكر لك ..

ابو عاذر

19/10/2006, 10:50 PM

ياشباب فيه زعاج في الباب الخلفي حق الباث فندر ( الشنطه ) قرقعه قويه وش الحل معها ؟؟

هل فيه ورشه في الصناعيه مشهوره بتصليح هالقرقعه او محل في الغرابي ؟؟

عااااااااااااااااااجل قبل العيد ..

اخوي ابو عبيده أرجو مراجعة ما جاء على الرابط التالي :-

http://www.mekshat.com/vb/showthread.php?t=50309

مع تحيات اخوك ابو عاذر

طشي وامطري

20/10/2006, 01:58 AM

نفس المشكلة عندي
الله يجزاكم خير على التوضيح كنت متعيجز الروحة للورشة

(( ســـعود ))

20/10/2006, 06:31 AM

السلام عليكم
اقطع من أي لستك قطعه طويله يعني على حسب الحاجه اما العرض على قد الحديده اللي تمسك الباب لاسكرته ثم فرها عليه وصمغها بشمع قزاز على بعضها او اربطها بالسيم الصغير جدا مع اني افضل شمع القزاز لاني مجربه طبعا تشد اللستك وصمغه وخلك شاد عليه او امسكه باي شي لاحد مايصمغ ويمسك واخيرا شرطن عليه.. وهذا لعموم الجيوب الشنطه

ابوعبيده

20/10/2006, 06:10 PM

اشكر كل من شارك في هذا الموضوع ..

الباثفايندر

21/10/2006, 05:23 AM

الثاني :
لف شريط مطاطي على مكان مسكة قفل الباب في السيارة وليس الباب ، بحيث يغطي مكان الفضاوة التي تسبب القرقعة .

انا صراحه مجرب الحل الثاني ما ازين منه لا و في البيت تزينها

hsb_128

22/10/2006, 09:47 AM

السلام عليكم في حل اخر رح للغرابي وتحصل اليمانيه يبوعون ربل تنسم حط على مكان الربلات القديمه ربل بس لاتفك القديمه يعني ادبلها وانشاء الله تختفي القرقعه (مجرب)

ولد الشايب

22/10/2006, 04:55 PM

السلام عليكم

الحل طال عمرك سويته امس

1- شطرطون على ممسك الباب من الداخل علشان الفضاوة بس لا تكثر
2- لي مكيف صحراوري دخله داخل الربل الاسود دار مادار الشنطة من داخل افتح في كل زاوية فتحه صغيرة ودخل اللي
3- اذا فتحت الباب ناظر في الزوايا جلدتين سود شلهن وحط لي المكيف مكانهن بحيث يتسكر الباب زين

النتيجة :

ما انت بسامع اي صوت بعد هذي الطريقة بس الباب يبيلة قوة شوي على شان تسكره

ابوعبيده

22/10/2006, 08:52 PM

الله يجزاكم خير كل بسمه ورسمه .. وماقصرتوا والله يقبل صيامكم وقيامكم ويجعلكم وايانا ممن اعتق من النار امين ..