ارجو من اهل الرياض المساعدة

[سبع الصمان]

السلام عليكم و رحمة الله و بركاته

احبتي في الله ... الحمد لله لقد تم تسجيلي في موقع مكشات اليوم ... و يعتبر موقع مكشات من افضل المواقع التواصلية في مجموعتي و انا من اشد المحبين للكشتات و للبر لكن الشكوى لله ننتظر الموتر الطيب

و فتحت هذا الموضوع لمناقشة الشباب عن :


أفضل مواقع كشتات أو طلعات بالقرب من الرياض ؟ :f

بما معنى حولها بدائرة قطرها 100 كيلو
حقًا أرجو المساعدة !!

[ابو تركي9]

اهلا وسهلا اخي الكريم
للاسف لاتوجد مواقع قريبه من الرياض
وذلك بسبب سوء المحافظه عليها
من العبث سواء بترك المخلفات او بقطع الاشجار
اصلح الله الجميع

[سبع الصمان]

اهلا وسهلا اخي الكريم

للاسف لاتوجد مواقع قريبه من الرياض
وذلك بسبب سوء المحافظه عليها
من العبث سواء بترك المخلفات او بقطع الاشجار

اصلح الله الجميع



ركز اخي انا قلت في دائرة قطرها 100 كيلو

[ابو تركي9]

مركز
اخي الفاظل لايوجد موقع نظيف ومريح بهذه الحدود
ممكن تلقا مكان قريب لا كن يكون كله اوساخ واسعاج

[روقي نجد...]

وعليكم السلام ورحمة الله وبركاته...

بذكر لك بعض المواقع القريبة والنظيفة من شرق مدينة الرياض...


1/روضة خريم(والمناطق اللي حولها)
(بعد ماتتعدى قرية غيلانة بكم كيلو يجيك خط(كان ردمية) تدخل مع يمين مسافة 8 كيلو تقريباً بعدها تتعدى شركة جديدة تلقى الأماكن هناك نظيفة والكشاتة قليلة).

(قبل مدخل الروضة بكيلوين أدخل يسار(فيه أودية حلوه..خويش الرويان وخويش العطشان وجريذي وأبو نخلة وغيرها)..

2/منطقة سعد وآبار الوسيع وروضة المسعودي جيدة نوعاً ما.
(يوجد بعد منتزه سعد الوطني عروق ونفد نظيف وفيه نقي اسمه دليل حسب ما أذكر).
(وقبل ذلك شبك الحرس منطقة شاسعة ونظيفة جداً وقريبة من الرياض والخدمات والكشاتة فيها وسط)
مع العلم إنهم هدوا الشبك في الوقت الحالي والله اعلم وش النية(يمكن يقفلونه بالخرسانة).


3/الطوقي...
(خذ مع محطة خزام يمين متوجه للطوقي وبعد ماتطلع مع الجبال ويستوي بك الخط أحسب ثلاثة كيلو ثم أفرق يسار فيه أودية نظيفة ومناطق طيبة.

[ابوعقيل81]

وعليكم السلام ورحمة الله وبركاته...

بذكر لك بعض المواقع القريبة والنظيفة من شرق مدينة الرياض...


1/روضة خريم(والمناطق اللي حولها)
(بعد ماتتعدى قرية غيلانة بكم كيلو يجيك خط(كان ردمية) تدخل مع يمين مسافة 8 كيلو تقريباً بعدها تتعدى شركة جديدة تلقى الأماكن هناك نظيفة والكشاتة قليلة).

(قبل مدخل الروضة بكيلوين أدخل يسار(فيه أودية حلوه..خويش الرويان وخويش العطشان وجريذي وأبو نخلة وغيرها)..

2/منطقة سعد وآبار الوسيع وروضة المسعودي جيدة نوعاً ما.
(يوجد بعد منتزه سعد الوطني عروق ونفد نظيف وفيه نقي اسمه دليل حسب ما أذكر).
(وقبل ذلك شبك الحرس منطقة شاسعة ونظيفة جداً وقريبة من الرياض والخدمات والكشاتة فيها وسط)
مع العلم إنهم هدوا الشبك في الوقت الحالي والله اعلم وش النية(يمكن يقفلونه بالخرسانة).


3/الطوقي...
(خذ مع محطة خزام يمين متوجه للطوقي وبعد ماتطلع مع الجبال ويستوي بك الخط أحسب ثلاثة كيلو ثم أفرق يسار فيه أودية نظيفة ومناطق طيبة.

نيابة عن صاحب الموضوع ألف شكر

بصراحة أنت اخترت اجمل واقرب مواقع للرياض

بس عندي استفسار عن


(قبل مدخل الروضة بكيلوين أدخل يسار(فيه أودية حلوه..خويش الرويان وخويش العطشان وجريذي وأبو نخلة وغيرها)..

ياليت توضح أكثر :D
هل في علامة ادخل من عندها ؟


وعندي موقع حلو :
في منطقة الزويلات طريق الخرج بعد التفتيش تفرق يمين قبل مزرعة الوادي وتمشي لين يجيك اجباري يمين تمشي شوي يجيك مزارع على اليمين واليسار تنقى منها وحدة :D

وياليت الشباب يشاركون :good2:

[سقم المعادي 1]

الله يرزقك بالموتر الطيب


العاذريه يمكن تجوز لك بما انك تبي مكان قريب