يالربع لقينا حل للحطب

[ابو زهيرة]

بصراحة اليوم دخلت ملحق واحد من الربع لقيت حطب كثير بس من نوع برسوبس وكينه وجذوع كبار عاد انا بجيح حققت معه قلت من وين جبت هالحطب قال الله يسلم البلدية ترمي الشجر وانا اخذهن اقصصهن واجمعهن عندي بس اللي عنده تكفيه الظاهر ثلاث سنوات قدام ورحت يقالي ابسوي مثله وادور الشجر من هنا وهناك ماحصلت شئ عاد انا سمعت ان فيه ناس تجمعهن وتقصهن وتبيع فياليت نتواصل معهم مع غلاء السمر اللي وصل مبالغ فلكية..

[منسدح واقف]

ولكن أشجار برسوبس والكينا دخان مزعج وائحة سيئة وماتنفع بريال . وحتى مالها جمر .

قبل لاتأصل بوابة روضة خريم بأربعة كيلو أنزل يمين ووجهك جنوب أمش من 4إلى 5 كيلو تجد (مكب البلدية) الخاص بالأشجار يقومون بتقطيع أشجار الشوارع والحدائق وترمى هناك بكميات ضخمة

[اابوحمدد]

يا رجال ولا احلى من سمر المدينة حتى لو انه غالي لا تعداه

[كحيلان تميم]

غير حطب السمر لا تدور .. ريحه رائعه تعلق بالثوب ريحه تقل بخور ماشاء الله .. اضف على انه يطول مثلا لو تجيب حطبتين او ثلاث تجلس اكثر من ساعتين الى ثلاث او اكثر اذا انت مطول البال وايضا ميزته الجمر يطول ولا يرمد على طوول .. :)

[ابو البر]

انت يبغالك واحد محب لك ويحبك مثلي ثم يمغطك بالعقال هههههههههههههههههههههههه
وش هالكلام
هي الشغله نار وامش.
شبت النار لها اصول ( ريحة تنعش /شبه توسع الصدر/ ثم جمر يوسع الصدر) بدون كح كح كح

فهمت وللا الريال عزيز.

[nouaf]

الله يهديك بتعدم روحك بالدخنه و الريحه عشان فلوس والله ادفع فلوس في شي ما يضرني والا شي ببلاش يعمي عيوني ويعدم صدري

[ابورايف]

من وجهه نظري أن الحطب المستخدم يفي بالغرض ولماذا

طالما أنك بتشب بالمشب أو بالبر ماعندك خلاف وهذا مايستخدمه البعض أو الأغلبيه

ولو نبحث لوجودنا منهم الكثير ... شكرا لك

[مطر وسم]

اشب بحطب مروح يعمي عيوني وريحته كريهه ؟


مافيه زي السمر او الارطاء او الغضاء خل عنك البخل انت ذكرتني بواحد قريب لي يجمع حطب من الشوارع مايبي يشري بخيل واخر شي انسرقت فلوسه بحدود 500000 قيمة بيع بيته


الطمع يذهب ما جمع

[hail_ksa]

إذا بتشب في مكان مفتوح (بدون سقف) سواءً بر أو حوش والمقصد تدفئة ماعندك مشاكل

أما إذا بتشب في مكان مغلق (بيت شعر أو مشب أو خيمه) بينعدم صدرك وطوالي على المستشفى

[مزارق طيب]

ماشاءالله خويك الصراحة راعي مزاج

امع وانا اخوك الحطب اذا صار خالع خالع ( يابس ) الى درجة يتشلخ مكانه

من اليباس فهذا منيه ومطلب :f.

ونصيحة لك ولكل من يبي يجرب ويشب :fمو اي شجرة تصلح ،،،،عليك بالآتي

( السدر ، التين ، الخوخ ، البروبس ، الكين ، الكين الامريكي )

:fاما الكرفس الي في الشوارع الان فهذا مرض وارسل لنا ،،،، والاثل مايصلح:f

[web]

السلام عليكم

يالربع شبيتو على الرجال كلن ومزاجه ياخي فيه ناس ماعندها الله يرزقهم ماهي سالفت بخل وفيه ناس ماتحصل اصلاً حطب.
فيه جاي حطب من السودان جربته زوين ريحته تمشي الحال وجمرته تمشي الحال بس ماهو مثل السمر وسعره مثل سعر السمر...
اما بنسبه لي اما سمر ولا قرض او ارطى او اشغل دفاية الغاز او الكهرب ازينلي :)