مكينة فكسار 2000 على شاص ؟؟

[حبل الوريد]

السلام عليكم ورحمة الله

حياكم الله اخواني اعضاء مكشات


موضوع طرحته للاستفسار وطلب المشوره


هذا واحد من الشباب يذكر لي شاص 2000 عليه مكينه فكسار قديم


الشاص فل كامل ونش ودفلك بديه نظيف النظيف مشروط ومحركلته كذلك طبعاً على كلامه لي


قالي كان لك خاطر كلمت راعيه


وحبيت اخذ الراي بحاجتين


الاولى / قيمة السياره تقديريا انا عطيته سومه 52 لانه حاله نادره ذالموتر ومدري سومته دون ولا فوق حقه




الثانيه / كيف وضع المكينه هذي عليه هل فيها تلحيم على الشاصي ولعب بالكهرب علماً ان ظفيرته مغيره كامله ومن هالامور وهل فيها اثر اجهاد على القير والدبل والعمود والدفرنسات




خلاصه موضوعي اخوكم وحبيت اخذ الراي بشكل عام وما خاب من استشار ؟














.

[التعـ King ـديل]

اذا المكينه مركبه على الموتر فتره اكثر من سنه خذ الموتر ولا تشاور اما اذا لها اقل من سنه اعرف ان الرجال ركب المكينه وتوهق ويبي يفتك من الموتر

انت عطيته 52 الشاص بهالموديل النظيف قيمته حول 40 - 45 الف اذا مو اكثر والمكينه حقت الفكسار قيمتها لا تقل عن 18 الف

[GMC79]

ان كانها 6 سلندر ما عليك خلاف هي نفسها

وان كانت 8 سلندر لا ترا شغلتها شغلة واحتمال القير مغير بعد

وعلى كلا الحالين ما انصحك تاخذ مرهم لان الفرق ما يسوى مكينة الشاص البخاخ قوية جدا وما عليها قاصر

[حبل الوريد]

الي عليها ٨ سلندر

[((ابوملاك))]

انحش عنه وهي وكاله ولا بريال حنه وحراره ووجع راس كيف لما تكون مرهمه

[GMC79]

الي عليها 8 سلندر


ما انصحك ابدا لسببين

الاول انها شغلة ترهيم كراسي وحذاف وداير وكمبيوتر

الثاني ان عزمها تقريبا نفس عزم البلد ما يفرق شي يسوى الغثا والغلا

[حان الرحيل]

السلام عليكم
اذا كان القير حق الvxrمغير مع المكينه...فنا اشير عليك انك تاخذ الموتر...لان وجود القير والدبل مع المكينه يظهر الفرق بين المكاين,,,ويقلل من عملية الترهيم ولا يوجد أي وصله بين القير والدبل والمكينه...وستجد سياره ذات امكانيات عاليه سواءا في الطريق او البر...وهذه المكينه2uz-fe-- 250hpاحغنيه عن التعريف والكثير من السيارات يستخدمها للترهيم لجودتها وخراباتها القليله ...ولا يوجد مقارنه بينها وبين المكينه1fz-feالموجوده على الشاص ذات ال210 احصنه..
اما اذا مركب مكينه وحدها فكنك يابو زيد ما غزيت....افضل ان السياره تجلس على وضع الوكاله....
كما ان الترهيم يستهلك المال والوقت والتفكير ولا كل واحد وخصوصا العماله اللي عندنا بالبلد يجيد الترهيم...هذا علم لقلة من الناس فقط لديهم معرفه بالميكانيكا والتوازن ومدى مطابقة القطع مع بعضها ودورة التبريد ...والكهرباء واتجاهاتها ....لان خلل بسيط في الترهيم يمكن يسبب لك خلل وانت في البر لوحدك....بعدين ذاك الوقت مهما كانت خبرتك ما راح يطلع لك الخلل لاني ارى من وجهة نظري التي قد تكون قاصره ان سيارات البر يجب ان تكون شد وكاله فقط زود كماليات على كيفك ماطور هواء -مساعدات -تانكي غيرها براحتك بس ترهيم لا.....وهذا كله مما استفدناه من مهندسينا وزملائنا في هذا المنتدى الرائع على مر السنين والسلام عليكم..

[حبل الوريد]

الله يجزاكم خير استخرت وربي صرفني عن الموتر الله يثيبكم يالغالين ولا يحرمكم الاجر