استشاره في شرا خيمه

[تصر يحات]

السلام عليكم

مطلوب خيمه ذات جوده عليه وتشيل5الى6اشخاص وخفيفه وتركب في اﻻند كروزر
ومن يبيعها وكم سعرها

[واحد بري]

عليك بخيمة القاضي 4* 4 او 5*5 واسعارهم
الغاطين 2100 و2500
والوزن 50 كيلو و55 كيلو

[فايروخ27]

عندك السنيدي سوف تلاقي طلبك


الرياض الدائري الشرقي مخرج 12

[ابو محمد 8122]

خيمة البيرق من القاضي بالغرابي 4*4 معي ممتازة ويبيلها 2 اشداء ينبونها او 3 كبار وسعرها 2100

[كاس شاهي]

البيرق قوة وسهوله و خفيفة

[الطرار]

خيمه البيرق وانت مغمظ رح اقرب محل للقاضي وان حصلت محل بيع الجمله يبيعه عليك بفرق 100

[ابو صالح 871]

عليك بخيمة القاضي 4* 4

[الجوكر حسن]

وعليكم السلام

خيمه البيرق غاطين 4 في 4 شريتها 2100 قبل العيد الاضحى ماشاء الله تبارك الله حلوه وجانا مطر ونصبتها ونمنا الحمد الله ومبطنه وفيها سحاب لحشرات و3 ابواب اثنين باب صغير واحد كبير والكبير لما تفتح بابه تبيه يصير مظله ولا عادي وفيه دريشه وحده لاكن يبي اثنين يضبطونها ...
والحين مرتين نصبتها بس لاني توه شاريها اتوقع تكفي 6 اشخاص لنوم ولا 7 على حسب اذا صارو نحاف والجلسه تكفي يمكن 9 ولا اكثر كنت ادور 5 في 5 مالقيت وخذيت 4 في 4 والله يوفقك ويوفق الجميع

[أبو سهيل]

كما قال الإخوان
خيمة البيرق 4*4
هي الأفضل لطلبك
والبعض يسميها القاضي وهي وحدة
لكن الأدق (البيرق)
انا عندي من خمس سنين
وكانت رخيصة لكن الآن فوق الألفين
بس تستاهل
فيه خيمة الوسم شغل ابو عبد العزيز راعي الرس
شغل ممتاز وما عليه كلام
ولو هي هجين من تقليد للبيرق والتربو
لكنها ممتازة بس نادرة ويبي ينتف هدب عيونك ابو عبد العزيز مانفذها
لكنها أثقل من البيرق
بالنسبة للبيرق سهلة النصب وانا انصبها لوحدي
بالنسبة لخيام السنيدي ماتنفع انا امس عندهم في معرض الرياض وفيه خيمة مقلدة على البيرق منصوبة في المعرض متمزقه وقماشها أي كلام وسعرها 1500 ريال لكن ما تستاهلها
البيرق الآن الخيار رقم واحد للكشاته لكن يعيبها سعرها الغالي

[مهنا-715]

فيه خيمة جديدة اسمها خيمة العقيلات في بريدة ولهم متجر الكتروني بنفس الاسم
موجود مقاسين واسعارها مناسبة

[ابو ســــاره]

البيرق ممتازة وسريعة النصب ولكن يعيبها انها مكتومة من الداخل شراعها بلستر متين او مشروك مع بلاستك .

[adv123]

خيمة البيرق من القاضي

[eptesama]

اخي الحبيب اذا بغيت جودتها عاليه ومناسبه :
اول شي خيمة 4 متر × 4 متر مناسبه
خيمة الجزيرة وارد القاضي تحصلها ب 1700 ريال
خيمة الصقر ممتازه 1600 ريال

تبغي خيمه حق الرحلات السريعه وميزتها انها مايحتاج مكان كبير حق تحميلها.. حتى تحملها في سياره صغيره
خفيفه وسمكها 22 ملم ..صناعتها باكستان

[sfr]

كما قال الإخوان
خيمة القاضي البيرق 4*4
هي الأفضل لطلبك
ممتازة سهلة في الحمل لا تأخذ حيز كبير في السيارة سهلة في نصبها وذفها شكلها جميل يعيب غير المبطن منها أنها في البرد الشديد تكون باردة نوعاً ما
جربتها لكن اذا تغطيت بلحافك ما تحس ببرودتها

صراحة حلوة
مجرب

[eptesama]

تبغي خيمه حق الرحلات السريعه وميزتها انها مايحتاج مكان كبير حق تحميلها.. حتى تحملها في سياره صغيره
خفيفه وسمكها 22 ملم ..صناعتها باكستان وتحصلها بـ 950 ريال


http://im42.gulfup.com/ahDhw.jpg (http://www.gulfup.com/?rLzGLv)

http://im42.gulfup.com/AMAuX.jpg (http://www.gulfup.com/?MK21qX)

[غيره بلاحدود]

حبيبي اذا تبي الخيمه العاديه المعروفه عليك بالخيمه الي مكتوب على شباكها الصباخ ضد الحراره والماء مو الصباحيه الكويتيه لا الصباح وافضل مقاس طبعا للخيام عموما اذا معك عائله او مجموعه هوا 5*5 واذا مامعك الا خوياك 4*4 والله انا راعي طلعات كثيره اخيم بالصيف تفكك من الشمس لان قماشها تنزاني وبالشتا عل كيفك والاهم انها تكد لها اربع سنين والله كأني توني شاريها بس انا تخزيني جيد

[مرسي الزناتي]

يا اخوان وين نحصل خيام الصباح الكويتيه ؟