سحاب - يقول منهو من غثا الوقت معتاش

[سحاب نجد راعي شقراء]

السلام عليكم ورحمه الله وبركاته

هذي يالغالين جت في بالي من شوي وقلت احطها تشوفونها عساها تعجبكم يالغالين

ولا استغني من رايكم جعل ربي يوفقكم دنيا ودين

:hot::hot::hot:



يقــول منهــو مـن غـثا الـوقـت معـتاش

يشيــل هـمــه فــي زمان الخــشاشـــي

وياقـلــب وشبــك طاهـرن كـنك الشاش

خـلـك مثــل غيــرك بعـيــد النـواشـــي

الـناس باعــت راعــي الطيــب بـبـلاش

وراعـي الــرديــه اصبـح اليــوم ناشـي

ياقـلـب خـلك مـع هــل الـوقــت دشاش

ومن طاب طبله ومن بغا الطيب حاشي

وتـرا الحـبابــه تــودع القـلـب قـشاش

يـقـش هـمــه قـش سيـل المـشاشــي

ولا ش تعــــلا هامـتــه دامــه الــكاش

وماتـنـفــع الـدنــيا اذا مـنـت كـاشـي

الطيـب سكـن راعـي الطيـب بعـشاش

مايعـتلـي سهــم المــراجــل بـــلاشي

دنـيا تقـلــب وتـدوش القـلـب بـدواش

تصبح سليم الحال وتمسي عـــراشي

والدمع من عيني على الخـد طشاش

اهـــل دمعــي مثــل وبـل الطـشاشي

ومنيب مثـل الي من الـوقـت منحاش

ويعيـبــني راعــي الــرديـه وياشــي

ولانيـب مجنـونن ولانـيـب حـشاش

اجـاهــد الـدنـيا وعلى الله مـعاشـي

هــذا زمانن منـه ابلـيــس معــتاش

ولـيــت ياوقـتـن بــه الطيـب لاشي

سحاب نجد-راعي شقراء

[قوافي ( أم نهار )]

عليكم السلام ورحمة الله وبركاته
حياك الله ابو نوره والله يسعدك ويرفع قدرك بالدارين
راينا ابو نوره مايخط إلا درر من الحكم والنصائح
الـناس باعــت راعــي الطيــب بـبـلاش ... وراعـي الــرديــه اصبـح اليــوم ناشـي
بيت وقفت عنده أعجاب بمافيه من صراحه،،والصراحه كل بيت لحاله قصيده
بارك الله بك وحفظك واشكرك على مجهودك الكريم بخيمة القصائد وخيمة السوالف..
تحياتي وتقديري واحترامي
..قوافي..

[سحاب نجد راعي شقراء]

عليكم السلام ورحمة الله وبركاته
حياك الله ابو نوره والله يسعدك ويرفع قدرك بالدارين
راينا ابو نوره مايخط إلا درر من الحكم والنصائح
الـناس باعــت راعــي الطيــب بـبـلاش ... وراعـي الــرديــه اصبـح اليــوم ناشـي
بيت وقفت عنده أعجاب بمافيه من صراحه،،والصراحه كل بيت لحاله قصيده
بارك الله بك وحفظك واشكرك على مجهودك الكريم بخيمة القصائد وخيمة السوالف..
تحياتي وتقديري واحترامي
..قوافي..



الله يجمل حالك يالغاليه قوافي

ويكفيني انها حازت على رضاك يالغاليه

وبصراحه وكلمه حق انتي شجعتيني من جيت عندكم ومداخلاتك دائمن تشجعني على بذل المزيد

ربي يسعد قلبك ويجعلك من اسعد خلقه يالغاليه

[نديم المجره]

صح لسانك
قصيده جزله وعذبه وتحتوي من الحكمه الشي الكثير
دامت لك المسرات
تحياتي

[سحاب نجد راعي شقراء]

صح لسانك
قصيده جزله وعذبه وتحتوي من الحكمه الشي الكثير
دامت لك المسرات
تحياتي

ياهلا ويا مرحبا

طلتك يبو عبدالرحمن تسوا القصيده وراعيها

وشهادتك وسام فخر واعجابك بالقصيده يعلي شانها كيف لا وهي من رمز من رموز الشعر الي لهم باع طويل وشهره

تسلم يبو عبدالرحمن شرفتني شرف الله مقامك

[سحاب نجد راعي شقراء]

غريبه ذا القصيده ماعجبتكم

او مثل وجهي هههههههههههههه