تعبت من الشاص وناوي اشتري موتر صغير افيدوني

[ابو محمد 8122]

بسم الله الرحمن الرحيم

انا معي شاص 13 وهو موتري الاساسي وانا ساكن في الرياض والزحمات وتعبت من القير العادي يعني لو بروح البقاله لازم اشغل الشاص

وانا ناوي على النترا 2014 كم سعر الفل كامل وهل هي زينه وانا ما يهمني السعر اذا جيت ابيع وانا كل نهاية اسبوع امسك خط 100 كيلو ارجو الافادة وشكرا لكم

[خوي السطحه]

لو شاري شاص فتك تماتيك كان محتجة السياره الثانيه وذا انك تمسك خط كل اسبوع عليك بالفرد الصابونه

[أبو هشام راشد]

أقترح الجيوب الصغيرة

http://www.uis.com.sa/Vehicle_Description_Ar.aspx?Product_ID=21

http://www.uis.com.sa/vehicle_description_ar.aspx?Product_ID=73

http://worldwide.hyundai.com/WW/Showroom/SUV/Tucson-2013/PIP/index.html

ميزتها :
أرفع من السيارات الصغيرة ولعلها بإذن الله أقوى تحملاً للمطبات وفيها خيار الدبل
والله ييسر أمرك

[abahal]

انا امتلك النترا رائعه جدا وعزمها قوي وحجمها متوسط مع الزحمه بتوصل مشاويرك بسرعه ومع المواقف مرتاح

يفضل مكينه 2.0 لون ابيض لانها تمسك سعر بسبب شروط تحويلها تاكسي يكون المكينه 2000 سي سي

[اسدهم]

خذلك فوردمديل 2004 رخيص وشيك علية في ورشة تعرفها انفضة نفض. رخيص وقطع غيار رخيص اي محل يعرفلة لوتمسكبة خط يعجبك. 8 Vيعني لوححكك واحد مو حسوفة او دقشتبة موحسوفة
والفورد شكلة مقبول مرة مرة وشاص خلة لك. لطلعاتك من واقع تجربة ورتحت وريحت موتري كل جمعة اطلعبة. مخصص للبر فقط لاغير...

[sgl2002]

الله يعينك

كان معي شاص يعوفك المشوار والطلعه

انصحك بلاندكروزر صالون بقيمته او باترول فتك او شاص نيسان

[((ابوملاك))]

يا ساتر وش جاكم على الشاص

انا والله بكل طلعه كني اول مره اركبه

مع العلم انه ثاني شاص اشتريه لهن معي ست سنين وكل مالي احبهن اكثر ماي مكن يملى عيني غيره وغير الربع

على العموم الانترا مع اخوي فل كامل ١٨٠٠

اقسم بالله غثيثه ازين شئ به المكيف اما الباقي ابو كلب لا مكينه لا مواصفات لا امان لا ثبات وراح تعرف كلامي لو تجربه

خذ من ايجار يمكن تجوز لك الناس اذواق عاد

[نايس × كول]

اول شي الهونداي فااااشل البدي خفيف و حساس القير بسرعه يخترب وانا

واحد من ملاكه واقولك بتعد عنه خساره فيه 65 الف

انصحك اذا تبي سياره صغيره خذ نيسان سنترا الاستاندر 56 الف قير تماتيك ومكيف خلفي و رفيع و احسن من الهونداي الكوري و النيسان يباني و البدي قووي

انصحك لا تتعد النيسان بع الشاص الي عندك واخذ بداله نيسان 4800 قير تماتيك وفوقها نيسان سنترا

[كومبو]

لو شاري شاص فتك تماتيك كان محتجة السياره الثانيه وذا انك تمسك خط كل اسبوع عليك بالفرد الصابونه

لو تفتح عمل الشيطان , لا تحسف بالرجال

[كومبو]

بسم الله الرحمن الرحيم

انا معي شاص 13 وهو موتري الاساسي وانا ساكن في الرياض والزحمات وتعبت من القير العادي يعني لو بروح البقاله لازم اشغل الشاص

وانا ناوي على النترا 2014 كم سعر الفل كامل وهل هي زينه وانا ما يهمني السعر اذا جيت ابيع وانا كل نهاية اسبوع امسك خط 100 كيلو ارجو الافادة وشكرا لكم

رأي مناسب , مع أني أنصح بالكوريلا عوضًا عن الألنترا

[المميـز]

:

موضوع مخالف .. يغلق

راجع قوانين خيمة السيارات

: