مساعدة لو سمحتم : (

[ryyan55]

عندي سيارة مكح كحة المهم قلت ببيعها في الحراج على اساس انها كومة حديد موية على سكر

وجا رزقها لواحد واشتراها وخبرته من بدري السيارة بودي على كفرات انت وحظك :(بس يوم رحنا للمعرض الرجال كتب البيانات طرف واحد بس يللي هوا انا البائع وخانات المشتري فاضي قلتله ليش ما عبيت خانات المشتري قال لي ما عليك اعبيها ولا تخاف حنا مسؤولين عن السيارة من مخالفات او اي شيء وطلبت صورة من المبايعة ورفض قال مقدر

المهم مالكم في الطويلة بعد ساعتين اتصل الرجال يللي اشترى السيارة وقال انت ضحكت علية والسيارة فيها خرابات وقام يصيح ويقول ابي ارد فلوسي وما رح انقل ملكية السيارة ؟؟؟!!!

هالحين القروش طارت يقدر يعمل مصيبة على السيارة وهي عادها على اسمي والله اني قلقان يروح يقطع الاشارة واروح فيها انا وش الشواة يالربع ...

[x.ok]

يعني قصدك اخذها على ان يبيعها وما لقي لها زبون والموضوع له فترة !!

[تنومه1]

هذي حركات الشريطيه يشترون السياره ولا يعطون مبايعه للبائع عشان يبيعونها بدون ما ينقلونها باسمهم ثم يبيعونها مره ثانيه ( تهرب من دفع رسوم تامين ونقل ملكيه ) وهذي الحركه تمر على ناس كثير مرور الكرام .

تروح للمعرض الي تم البيع عنده وغصبن عنه يعطيك نسخه من المبايعه ( تخص البايع ) او مر مكتب المرور يصكهم بغرامه وتقفيل للمعرض .

اذكر صارت معي قبل عدة سنوات بعت سياره تحت المكرفون ورحنا للمعرض وحاسبوني وقالوا تفضل اشرب شاهي ( قصدهم خلاص اخذت فلوسك..... توكل على الله ) قلت ابغى نسخه من المبايعه الي تخصني رفع صوته العامل ال يسجل المكاتبه ( علي عوض ) والله طال عمرك واحرج عليه واخليه ما يسوى قرشين وحديتهم فلوسي في جيبي والسياره عندهم قلت اروح لمكتب المرور الان ... قالوا يا رجال ترانا ثقه والوضع طبيعي وكل الناس تبيع وتمشي وما تحتاج اوراق مبايعه ولكن ابشر نعطيك واخ1تها من ورا خشومهم لا بارك الله فيهم ولا لهم .

[الههاجري]

الموضوع بسيط ياطويل قله لك يوم تنقل الموتر باسمك ولا بلغت ان الموتر مسروق ولا كانها ذا بلغ من الحين انه مسروق وقضينا
وريحح عمرك اذا جاء شي ولاش الين ورقت البلاغ معك ووبس