رايكم بافضل مستورد سيارات من امريكا

[شرقا]

السلام عليكم يالطيبين

ياخوان ودي بسياره عايليه فورد اكسبلورر ولاخاب من استشار
لا اخفيكم ميزانيتي حدود الستين او تزيد بقليل

واحب اسألكم وشرايكم فيها وفي تحملها

وماهي افضل شركه للاستيراد من امريكا موثوقه وسعر معقول


وتقبلو خالص شكري ودعائي

[بريق الحسام]

سيارة ممتاز ولايعيبها شيء..لكن ان كانت أسرتك فوق الأربعة فأنصحك بالأوسع الكسبيدشن طويل..ليمشي معك مستقبلا..واللا الاكسبلورر طيب

[شرقا]

جزاك الله خير وماقصرت ياعسل

بس ماارغب اكبر منها

لكنك ماقلت لي وش افضل مستورد..وهل هامش ربحهم كبير؟؟؟

يعني لوجبتها من امريكا عن طريق شخص معرفه يكون افضل بكثير..او بهامش مايزيد عن الفين اوثلاثه

[الكونترولCONTROL]

السلام عليكم
اشتريت فورد اكسبلور شخصيا من امريكا 2008 أسود بدون دبل نظيف جدا ما شاء الله
كلفني 11.000 $ مع ضريبة نقل استمارته باسمي و كفرات بـ 700$ و شحن بحري
من تكساس مع التأمين 1400 $ ... استخدمته في امريكا 4 شهور و تم الشحن للمملكة
في أوائل أكتوبر الميلادي و ما زلت في انتظار وصوله خلال الأسبوع القادم بإذن الله
) الشحن انت و حظك ،، من ٣٠ الى ٥٠ يوما الفرق بين جدة و الدمام ٥٠ الى ١٠٠ دولار فقط
و أتوقع يكلفني 500 دولار إضافية بالمملكة لين أخلصه جمركيا و اطلع استمارته السعودية باسمي
زبدة الكلام المفيد لموضوعك :- ]] مجموع التكلفة تصل الى :- 14000 $ = 52000 ريال سعودي [[
لكن قمة في النظافة ( مكينة-قير-بدي-ديكورات و مراتب )

[شرقا]

يعطيك العافيه كونترول..ويعطيك خيرها ويكفيك شرها

بس كم ماشيه؟؟؟

انا حصلت ادي باور ماشيه حول 150الف موديل 2009 ب 64 الف؟؟؟

مدري سعر طيب والا غالي!!!

[الكونترولCONTROL]

هناك فروق مهمة ترفع السعر ... و قد تجد سيارتين بنفس المواصفات و السعر فيه فرق كبير
عندك الفروق في اللون - الدبل - عداد الميل - عدد السلندرات - شكل القير - حالة الكفرات و الصيانة ،،
المسجل و ملحقاته ،، المكيف ،، المراتب وضعيتها و نوعها جلد او مخمل كهربائية او يدوية - الجنوط مقاسها و موديلها.... !! الخ ،،
اللي انا شريته كان ماشي فوق 90.000 ميل و كمل معي في امريكا فوق 102.000 ميل ،،،
و سعر 64 لموديل 2009 اذا كان دبل و عليه ضمان اعتقد انه سعر مرتفع ارتفاعا بسيطا ،، لكن ..
لنظافة البدي و الديكورات يستاهل ،،، و ترى هذي أسعار المستوردين و أصحاب الصالات دائماً فيها 5000 ريال
على الأقل زيادة عن السوق تذهب مكاسب و عمولات بين الوسطاء ( السماسرة ). و الله أعلم ،،،

[شرقا]

هي دبل سودا 6سلندر قير ارضي تماتيك

ونظيفه بشكل عام

[vtc2004]

ادي بور يكون 8 سلندر ولا انصحك فيه بسب اختلاف قطع الغيار