بعض اسعار الاند كروزر (قير عادي)

[احمد الصالحي]

السلام عليكم

ان شاء الله النيه لاندكروزر جي قير عادي بعد التجربة
أخذت لفه يوم الخميس اللي راح بمعارض بريدة وهذي أسعار والقير عادي قليل جدا
حصلت جي وارد قطر مساكات ومرايات نيكل 2008 مكيف ونص ماشي 230 الف مسيوم 108الف ريال
حصلت وارد الفطيم جي اكس ار 2008 سبير علاق بدون فتحه 2008 ماشي 280 الف مسيوم 105 الف ريال
حصلت جي اكس سعودي 2009 لولوي دفلك قير عادي فتحه ماشي 128 لف منقلب وطالع ارباقه ب90 الف ريال
حصلت جي اكس ار وارد الفطيم 2009 فل كامل ماشي 150الف منقلب وجايه جنب الا المكيف مايشتغل حاده 85 الف ريال
ودرت المعارض كله مالقيت فتك قير عادي الا 2005 وقاضي وفتك 2009 قير عادي بدون فتحه موظب قير ومكينه وجايه جنب ب70الف ريال يمكن يبيع


الفرق يين الجي والجي اكس النظيف قير عادي كبيييييير بالسعر والأشياء اللي بينهن ما يهم للمستخدم العادي
مثلا مراتب ورا متقابلات مايهمن الآني منب راكبن ورا
اذا على المكيف ونص بالفرق السعر الجي والجي اكس اركب سبلت للجيب ويبقى بعد من فلوس الفرق

ثلاجة ما استعملت سيارة ثلاجة ,من فرق السعر بينهن اشري ثلاجتن للبيت أفيد
,و الثلاجه تصلح لراعين البر .
يفطر بالتنهات وينتسب غداه بالصمان ويسوي عشاه بالدهنا ويفل فراشه بالربع الخالي

والدفلك , مادامه قير عادي يبي يمشي ان شاء الله وهو مايشوف الدرب
والداخلي رصاصي الجي ,وازين تلبيسه ماتتعدا 500 ريال على انه امر مايهم مادام السياره تمشي لو داخلها زهري
كلمت واحدن بالامارات اللي جابلي الافجي :
قالي عندنا مايتعدا 130 الف ماشي جي اكس ار ابيض اسبير علاق بدون فتحه 110 الف درهم

الجي وارد الفطيم ماياصل اكثر من 100 او حولها

والجي انصحون ان البريمي احسن شين بينهن

والسيارة 2008 او 2009 اللي تتعدا 250 الف وش بقى بها احط عليها اكثر من 100 الف ريال ,واخويانا طايرين بالاسعار
الجي البازعي 2013 جديد اسير علاق قير عادي 155 الف ريال

وش تشورون علي ؟؟ بالجي2009 او 2010 ؟

[sgl2002]

اشور عليك بالنظيف واللي ممشاه قليل


وابتعد عن اهل المعارض والشريطيه لان اغلبها منقص عداده

[التعـ King ـديل]

انصحك بالموديلات الجديده خاصه الجيب لانه مايبيعه راعيه الا بعد ما يعلكه في البران والغالب تلاقي مفصول عداده وممشاه غير صحيح ولا تزعل من كلامي هذا الواقع في معارض بريده انا رحت ادور لي موتر هناك وهذا اللي شفته وراعين المعارض ابعد عنهم لو تركب سيكل ولا تاخذ من وراهم موتر

[احمد الصالحي]

اشور عليك بالنظيف واللي ممشاه قليل


وابتعد عن اهل المعارض والشريطيه لان اغلبها منقص عداده
ان شاء الله النيه جيب اقل من 130 الف
المعارض عندنا ماتساعد تشري شين منهم صراحتا


انصحك بالموديلات الجديده خاصه الجيب لانه مايبيعه راعيه الا بعد ما يعلكه في البران والغالب تلاقي مفصول عداده وممشاه غير صحيح ولا تزعل من كلامي هذا الواقع في معارض بريده انا رحت ادور لي موتر هناك وهذا اللي شفته وراعين المعارض ابعد عنهم لو تركب سيكل ولا تاخذ من وراهم موتر


امرن مايزعلن وهذا الواقع اللاسف ،وان شاء الله احاول ادور لي شين هنا عن طريق راعيه مباشره بعيد عن المعارض او احاول افضي نفسي يومين واروح لامارات

[التعـ King ـديل]

ان شاء الله النيه جيب اقل من 130 الف
المعارض عندنا ماتساعد تشري شين منهم صراحتا

امرن مايزعلن وهذا الواقع اللاسف ،وان شاء الله احاول ادور لي شين هنا عن طريق راعيه مباشره بعيد عن المعارض او احاول افضي نفسي يومين واروح لامارات


انا مع القرار الاول اما تروح الامارات يومين اذا ماتعرف احد هناك بتحتاج وقت اكثر واكلمك من معرفه وخبره في الامارات ،، لكن اذا دراهمك كاش وتعرف تفحص بنفسك امورك طيبه هناك وبتلاقي مطلوبك

[sgl2002]

ماشاء الله دام دراهمك وصلتها ١٣٠ الف خذ لك فتك جديد ربع ٢٠١٤

طرب وراحه وجديد

[احمد الصالحي]

انا مع القرار الاول اما تروح الامارات يومين اذا ماتعرف احد هناك بتحتاج وقت اكثر واكلمك من معرفه وخبره في الامارات ،، لكن اذا دراهمك كاش وتعرف تفحص بنفسك امورك طيبه هناك وبتلاقي مطلوبك

ايه اعرف وبسنعن بكل شي وصلت دبي 6الصبح والساعه 5العصر اسجله باسمي والحمد الله سهالات لان اللي هناك ارسل له فلوس يفحصه ويشوفه بس ب200درهم الفحص وبعد ماوصلت انا فحصته مرتن ثانيه واخذ حقه الرجال 1000درهم والحمد الله تسهلت

ماشاء الله دام دراهمك وصلتها 130 الف خذ لك فتك جديد ربع 2014

طرب وراحه وجديد

ههههههههههههههههههه يارجال حدي 100الف ريال سعودي الله يجيب الدراهم

قصدي 130 الف كيلو متر

[abo naser 1]

السلام عليكم

أشور عليك لا تدور مواصفات اهم الشي نظافته وممشاه المبلغ طيب والمعارض شريطي. ??? والا سعار الي شفتها غير حقيقية لو تقول راح بسومته باعك

[احمد الصالحي]

السلام عليكم

أشور عليك لا تدور مواصفات اهم الشي نظافته وممشاه المبلغ طيب والمعارض شريطي. ??? والا سعار الي شفتها غير حقيقية لو تقول راح بسومته باعك

مادورت مواصفات ،اهم شبن مكيف بارد ورادو يشتغل ونظافة المحركات

[عبدالله 9437]

حبيب قلبي أحمد زد دراهمك شوي

وتعال الرياض وطق لك فتك صالون 4 بيبان جديد بقراطيسه موديل 2013 وعليه ضمان 3 سنوات أو 100 ألف كيلو

سعره بـ 120 مع اللوحات

قير عادي ودفلك واطرب عمرك :p

لكن مكيف واحد وبدون ثلاجه وتقدر تقول الموتر جطل :D:D:D

مكينه وقير بس

لكن شي جديد له طعم غير إن عليه ضمان :good2:

[الفارس 2010]

اقول خذ نصيحتي وان شاء الله ماتندم انا مثلك فريت المعارظ حقت ابريدة والرياض ولى حصلت الى المرض والغبن عندهم رحت يم واحد من الجماعة بلكويت وخذيت موتر سفاري رفرف اسود قير عادي نظيف مرة ماشي 70000موديل 2008اقل من تسعين الف والزينة وشي الاستمارة اكويتية وبسمي ولاساهر ولايحزنون وخذ بكلامي واطلع للكويت واترك النصابة والدجل الي يعيشون في معارضنا للاسف

[محمد 2002]

لا تصدق ممشا بعض سيارات الشريطية
سيارة انباعت ماشية فوق 300 الف وبعد فترة نحصل نفس السيارة ماشية 126 الف بالضبط بعد ما لمعها قليل الذمة ووقفها في معرض !!!!

[التعـ King ـديل]

لا تصدق ممشا بعض سيارات الشريطية
سيارة انباعت ماشية فوق 300 الف وبعد فترة نحصل نفس السيارة ماشية 126 الف بالضبط بعد ما لمعها قليل الذمة ووقفها في معرض !!!!


هذي حصلت معي ،، بعت جيب فتك على رجال شروا من عندي وكان ماشي وقتها 240 الف والرجال استخدمه لين 270 او قريب ال 300 الف وبعدين باعه المهم ايام العيد وانا ادور بالمعارض ادور موتر شفت موتري وعرفته من لوحته ووقفته واجي عند راعيه شريطي وجهه يسد النفس وقلت له هالمزيون وش من لحيه قال راعيه دكتور وبيسافر والموتر نظيف ماشي 140 الف بس وراعيه ماغير من البيت للدوام ومن الدوام للبيت قلت وعلوم البدي قال شوفه عينك شيخ ( طبعا موتري مرشوش كامل ) قلت والسوم كم وصل قال واصل 70 والرجال طالب 75 وكانك صامل اخلصه لك ب 72 قلت على العموم انت متاكد من كلامك وتراني باخذه على كلامك اذا حلفت لي انه صدق ياجماعه طق الحلف لي سريع سريع قلت اتق الله في نفسك هذا كان موتري قبل سنه ونص وانا اعرف الموتر زين طاق ال 300 الف بالراحه ومرشوش كامل شوي على العموم تراك حلفت وهالكلام بذمتك ومشيت

[ل ي ه 570]

ياخوان صار لي موقف اتصلت علي واحد عارض جي اكس ار ٢٠٠٩ ماشي ٧٧ وعلي كلام راعيه انه ماطب البر قلت حلو توعدت انا وهو اشوفه وجلس يسحب فيني لحد ما غابت الشمس وقابلته لقيت الموتر وشكله ماطلع من البر ابد شكل الموتر يعطيك انه ماشي ٢٠٠ الف وملعون خيره وهو يحلف ويقسم انه باسمه وكاله ومادخل البر ابد قلبت الموتر من تحت لقيت ملعون خيره قلت يستاهل الموتر بس مايناسبني

[احمد الصالحي]

حبيب قلبي أحمد زد دراهمك شوي

وتعال الرياض وطق لك فتك صالون 4 بيبان جديد بقراطيسه موديل 2013 وعليه ضمان 3 سنوات أو 100 ألف كيلو

سعره بـ 120 مع اللوحات

قير عادي ودفلك واطرب عمرك :p

لكن مكيف واحد وبدون ثلاجه وتقدر تقول الموتر جطل :D:D:D

مكينه وقير بس

لكن شي جديد له طعم غير إن عليه ضمان :good2:
غدين انشد عنه لان دورة بقوقل الخليجي مكيفين

اقول خذ نصيحتي وان شاء الله ماتندم انا مثلك فريت المعارظ حقت ابريدة والرياض ولى حصلت الى المرض والغبن عندهم رحت يم واحد من الجماعة بلكويت وخذيت موتر سفاري رفرف اسود قير عادي نظيف مرة ماشي 70000موديل 2008اقل من تسعين الف والزينة وشي الاستمارة اكويتية وبسمي ولاساهر ولايحزنون وخذ بكلامي واطلع للكويت واترك النصابة والدجل الي يعيشون في معارضنا للاسف

النيسان عيبه قطع غيار غاليه ،ياجديد ولا مايصلح

[احمد الصالحي]

لا تصدق ممشا بعض سيارات الشريطية
سيارة انباعت ماشية فوق 300 الف وبعد فترة نحصل نفس السيارة ماشية 126 الف بالضبط بعد ما لمعها قليل الذمة ووقفها في معرض !!!!



هذي حصلت معي ،، بعت جيب فتك على رجال شروا من عندي وكان ماشي وقتها 240 الف والرجال استخدمه لين 270 او قريب ال 300 الف وبعدين باعه المهم ايام العيد وانا ادور بالمعارض ادور موتر شفت موتري وعرفته من لوحته ووقفته واجي عند راعيه شريطي وجهه يسد النفس وقلت له هالمزيون وش من لحيه قال راعيه دكتور وبيسافر والموتر نظيف ماشي 140 الف بس وراعيه ماغير من البيت للدوام ومن الدوام للبيت قلت وعلوم البدي قال شوفه عينك شيخ ( طبعا موتري مرشوش كامل ) قلت والسوم كم وصل قال واصل 70 والرجال طالب 75 وكانك صامل اخلصه لك ب 72 قلت على العموم انت متاكد من كلامك وتراني باخذه على كلامك اذا حلفت لي انه صدق ياجماعه طق الحلف لي سريع سريع قلت اتق الله في نفسك هذا كان موتري قبل سنه ونص وانا اعرف الموتر زين طاق ال 300 الف بالراحه ومرشوش كامل شوي على العموم تراك حلفت وهالكلام بذمتك ومشيت



ياخوان صار لي موقف اتصلت علي واحد عارض جي اكس ار 2009 ماشي 77 وعلي كلام راعيه انه ماطب البر قلت حلو توعدت انا وهو اشوفه وجلس يسحب فيني لحد ما غابت الشمس وقابلته لقيت الموتر وشكله ماطلع من البر ابد شكل الموتر يعطيك انه ماشي 200 الف وملعون خيره وهو يحلف ويقسم انه باسمه وكاله ومادخل البر ابد قلبت الموتر من تحت لقيت ملعون خيره قلت يستاهل الموتر بس مايناسبني

الله يستر بس ،بعذرنا ماينزل مطر قحط

حتى الوكاله يكسر الظهر نطيت لهم جي اكس ار قير عادي ب172 بدون فتحه بدون دفلك بدون ونش

[التعـ King ـديل]

الله يستر بس ،بعذرنا ماينزل مطر قحط

حتى الوكاله يكسر الظهر نطيت لهم جي اكس ار قير عادي ب172 بدون فتحه بدون دفلك بدون ونش


اذا بتوصل هالقيمه خذه من اليحيى ب 177 قير عادي دفلك وونش وفتحه وثلاجه وتخشيب ومكيفين وزنون انا توني مطلع واحد والتماتيك منه ب 180

[احمد الصالحي]

اذا بتوصل هالقيمه خذه من اليحيى ب 177 قير عادي دفلك وونش وفتحه وثلاجه وتخشيب ومكيفين وزنون انا توني مطلع واحد والتماتيك منه ب 180


رحت سالت عند ابو جميل لانه نظام الايجار ، اعطيهم 116 والقسط 1800 علئ 12شهر بس الدفعه الاخيره 52الف ،خله عنده احسن ،والجي ماعنده

[abo naser 1]

رحت سالت عند ابو جميل لانه نظام الايجار ، اعطيهم 116 والقسط 1800 علئ 12شهر بس الدفعه الاخيره 52الف ،خله عنده احسن ،والجي ماعنده


أسعار خبال ادفع 116 وقسط 1800 ودفعة أخيرة 52 الف
لو كنت مكانك لخذة الفتك سياحي بالدفعة الأولى ووفرت الباقي وافتكيت من نظام التخسير وموتر جديد اذا مايفرق معك تويوتا او نيسان

[احمد الصالحي]

أسعار خبال ادفع 116 وقسط 1800 ودفعة أخيرة 52 الف
لو كنت مكانك لخذة الفتك سياحي بالدفعة الأولى ووفرت الباقي وافتكيت من نظام التخسير وموتر جديد اذا مايفرق معك تويوتا او نيسان

اكيد منب دافعن ذا كله

كان اطلع من الشقه واسكن به

والله ما اخفيك بعد تجربتي للتايوتا كامري بعدين اف جي ماودي ابعد عنه

مير لقيت جيب الزوله فش فش فورتشنر جديد 2014 قير عادي 6 سرندل ب120 الف وحولها مواصفاته حلوه

وحصل لي خويي بالامارات 2009 كاشي اقل من 90 الف ب110 جي اكس الفطيم بدون ثلاجة وسبير تحت والباقي جي اكس ار حق خوينا بوجميل