هل يمكن تركيب خزان ماء لاندكروزر

[صاحب الجيب]

سلام عليكم ورحمة الله وبركاته
حيا الله الجميع كل بأسمه
ارجو منكم التكرم بإفادتي هل يمكن تركيب خزان ماء اسفل السيارة معي لاندكروزر2013
والاسبير اسفل السيارة وإذا كان فيه تجربة سابقة ارجو التكرم بتزويدي بروابط حول ذلك
بالاضافة إلى طبق خلفي

شاكر ومقدر لكل من سير على الموضوع أو علق عليه

[speed62]

اذا موترك من نوع استبنه وحده الله يعينك مالك إلى الطبق
الشباب بيفيدونك ان شاء الله

[صاحب الجيب]

شكر لمرورك سبيد 62 وما قصرت
المشكلة أني غير مقتنع من الخزان داخل السيارة

[ابو ســــاره]

ما فيه شي صعب
سبق وسويتها
والاستبنة فصلت لها قاعدة داخلية مثل الشيروكي بالخلف على اليمين ولبستها تلبيسة .

[عبدالله الضويان]

الله يوفقك اخوي
انا نفس المشكله ودي افصل التانكي تحت ولا قدرت والاستبنه موجوده واضطريت افصله داخل الغماره

[أبوفاطمة]

أول ما شريت الموتر حاولة أفصل تانكي أسفل السيارة ورحة لورشة في الرياض و كلامه كان إن أقصى حجم ممكن بين ال 40 لتر و 60 لتر لكن أوضح لي إن هناك عيوب للتانكي تحت السيارة منها حرارة الماء في الصيف تكون نار و بالشتاء ثلج و مشكلة ثانية وهي إحتمال إنه يضرب فيه شي و ينشق
و بالأخير رسيت على خزان الوادي 145 لتر داخل السيارة و بصراحة ممتاز

[خالد77]

أول ما شريت الموتر حاولة أفصل تانكي أسفل السيارة ورحة لورشة في الرياض و كلامه كان إن أقصى حجم ممكن بين ال 40 لتر و 60 لتر لكن أوضح لي إن هناك عيوب للتانكي تحت السيارة منها حرارة الماء في الصيف تكون نار و بالشتاء ثلج و مشكلة ثانية وهي إحتمال إنه يضرب فيه شي و ينشق


و بالأخير رسيت على خزان الوادي 145 لتر داخل السيارة و بصراحة ممتاز

معي الجيب اسبير علاقي والتانكي تحت أكثر من 7 سنوات ولله الحمد ما اشتكيت من شي لا تغير ولا غيره ..
أما بالنسبة لما ذكرته الحرارة والبرودة تختلف من تانكي إلى تانكي وعلى العموم البيوت وهي البيوت تتأثر بالحرارة

[صاحب الجيب]

حي الله الجميع كل باسمه
اخوي أبو سارة وعبدالله الضويان وأبو فاطمة وخالد77
ولكن وجود الخزان داخل السيارة يضايق عند زيادة التحميل وسالفة ركبه إذا جيت تكشت وفكه اذا رجعت شغلة ومهب كل مرة يصير الوقت معك ودك لا جزمة على الكشتة تمر أقرب مكان وتعبي الخزان وتمشي مهب تروح للبيت وتركب الخزان و...
وجهة نظر شخصية أكون مخطئ صحح لي

أما أخوي خالد77 الخزان اللي مركبه تحت هل هو كبير وكذلك أنت ذكرت أن موترك اسبير علاق وأنا اسبير تحت ولا راح استغني عن الاسبير علشان الخزان ولا راح يمنعني الاسبير من تركيب خزان
فلو تكرم بتصوير الخزان اللي راكب عندك فيما لو ناسب لي أركب مثله

ولكم جزيل الشكر والتقدير على جهودكم