نداء لخوي كنك التعديل وخبراء البالون

[بدوي نمبر ون]

السلام عليكم
اخواني بغيت استشيركم في
كفرات بالون
لقيت انواع وانواع
وعندي سؤالين
الاول
لقيت سيم تاير يقول العامل انه الاصلي
ابعرف وش صناعة الاصلي ؟ وهل هو موجود فعلاً بسعر 550
السوال الثاني
موتري هدد 99 / اقدر اركب حجم 900 عليه مايحتك بالبدي ؟
لانه مافيه 825 ؟
السوال الثالث
ماهو الافضل لتركيب البالون
الجنط الوكاله ولا اركب هلل تجاري صيني
وشكراً لكم مقدما
كنك التعديل
لاتقولي خذلك هيرو لاني مالقيت

[بدوي نمبر ون]

يارب يردون علي بسرعه
عشان اروح اركب
مزدانز = مستانس
بركب بالونيات حلويات

[عبدالله 9437]

مالظاهر أصلي واضح من سعره واخبره منقطع


عموما الاصلي صناعته تايلندي


والهيرو اذا انت بالرياض تلقاه عند محل لزوف الغرابي


وسعر الهيرو برمضان اللي راح الحبه بـ 625

[بدوي نمبر ون]

الظاهر قالي تايواني
ويشرط انه الاصلي
وعليه لفه بيضاء ومكتوب اسم الكفر عليها
وانا موقعي حفرالباطن

[عبدالله 9437]

صحيح فيه صناعه تايواني لكن مهوب الاصلي

ولا ادري عن جودة التايواني لكن التايلندي هو اللي عليه العلم

[التعـ King ـديل]

اقولك هيرو وبس وركب 900 عادي على جنوط هلل تجاري انا مركبه على موتري هدد 2005

بالنسبه للكفر اللي تقول انه سيام الاصلي احب اقولك سيام الاصلي مقطوع من السوق من سنتين واخر انتاج له 2011 واذا لقيت منه جديد تلاقي الكفر الواحد ب 1800

اللي قالك انه تايواني هذا سيم تاير يمدحونه ولكن انا ماجربته

[بدوي نمبر ون]

يالربع ماقصرتوو جميعاً
بس اليماني يقول حنا نوزع لشركات بالكويت هذا اللي خلاني
اشكك شوي
علئ العموم شوي بروح لمهم واجيب لكم العلم
وهيرو مالقيت
ويالربع واحد من الشباب يقولي التجاري راح ينكسر من الطرد والجلغفه
ادري طولت عليكم بالأسئله بس تحملوني
ومنكم نستفيد

[بوجندل]

السلام عليكم

السيام التقليد siam tyre

السيام الأصلي seam tyre

وعن الجنوط لاتركب غير الأصلي

اعتقد ف الرياض في منطقه كلها تواير وجنوط

والله ناسي اسمها بس بتحصل اللي تبغيه

اظن اسمها الترابي

هي قريبه من سوق التمر

واذا بتركب 16 عليك بالسوميتومو او الدنلوب

من افضل التواير اذا انت راعي رمله مش راعي استعراض

انا اركب الدنلوب من سنة ١٩٩٣ يعني عشرين سنه

وماشكيت من الدنلوب بس القهر منعوا البوالين في قطر

صرنا نشتري اي شي

ولكن انا مازلت اركب الدنلوب ان حصل لي او السوميتومو

خفاف ع السياره وتواير فيها ليان مش يابسه ولا ناشفه

وفالك التوفيق

[بوجندل]

الدنلوب ١٦ 500 ريال سعودي ف الحسا

السوميتومو ١٦ 520 ريال ف الحسا

ركب ٩٠٠ ولاتخاف من الحك ف الرفرف

[sgl2002]

والله البالون هذا ابو المشاكل

يعدم العكوس ويرج بالموتر ويعدم الدودة مع الوقت غير ذلك انك خطير

[بدوي نمبر ون]

ولازالت الحيره مع هالبوالين
والله المستعان
نشكر الاخوان جزيل الشكر للجميع

[الجارح2014]

بوجندل عكست بينهم الاصلي:
siam tyre هذا التايلندي
seam tyre وهذا التايواني
والان موجودات كل الاثنين بسيارتي
لكن التايواني نفس الماكسس التايواني سنه ويخلص
اما التايلندي عز الله للحين مركبه له سنتين والى الان معاي ما شاء الله لكن انقطع يا حسافه

[H B S 2007]

السوال يعيد نفسه والله مشكل الكفر ماتنتهي
الدنلوب الحجري مزعج وسنه وقاسي وينشق من جنب
والدنلوب نقشة شاهين تشقه االشوكه من الجنب ون نقص هواه ضرب ونسلخ
والشاهين مايكمل سنه وينشق من جنب ون نقص هواه وضرب تنسلخ
والبالون ماكسس 900 خطير يموج الموتر خطر تقلب مع الخط ومفيه برررررريك
وصيني رنوي قاسي يكسر السياره
والهانكوك كفر لكن مشكلته ينشق من جنب لون وذنقص الهوا وضرب انسلخ وسعره فوق 600لونه عشره غاط من جنب
كلهن جربتهن علا لاندكروزر مشكل ولاسعار نار اربع كفرات فوق الفين ريال
دورولنا كفر موصفات لو من برا

[ابو يدية]

بالحفر كنت ابركب ماكس ابو جمل وقالي انه متقطع
وعطان انواع للبوالين منها السيم تاير التقليد ابو 600 ريال

رحت امس للرياض وركبت ابوجمل ماكسس كالعادة ولي فوق 5 سنوات استخدم ابو جمل

وبالتوفيق

للمعلوميه جنوطي اصليه 17 ومااشتخدم الصيني ولاجربته

[H B S 2007]

اابو جمل 900 ماكمل معي اسبوع وبعته جنوط هلل16 ثقيل يموج ولا به بريك خطير مع الزفلة يزحف مايثبت كيف مع الصحر والمسحيات لا اسرعةولا تعدا
سرعة120 بزفلة خطير نصيحه
و825 يمكن احسن ماجربته