بحاجة لمعرفة سعر موتري سوبر سفاري فتك موديل 2002 يبيله تغيير قازقيت راس

[أرستقراطي]

السلام عليكم

يا اخوان انا سبق وحطيت موضوع استفسار كم يسوى موتري
فتك 4800 موديل 2002 فل كامل
لون ذهبي ممشاه 350 الف

وكنت متوقع ان علته راس المكينة لكن طلع راس المكينة سليم ولله الحمد

الحمدلله المشكلة طلعت في قازقيت الراس + كلتش المروحة
تكلفتها تقريبا 1300 بدون شغل يد


بالاضافة لمشاكل اخرى
الاستمارة منتهية بتاريخ 1426
السلف فيه ضعف شوي

والسيارة باسمي وكالة ونظيفة ولله الحمد
ودي اعرف كم يسوى الموتر الان بهالحالة علما اني ببيعه بمشاكله

يا اخوان هذا الموضوع ليس اعلان بيع انا بوقف الموتر وببيعه على رواق
لكن انا انغشيت من ناس للأسف عرضوا علي 25 الف و30 الف لشراء الجيب واقل منها نظافة تنباع بحول الخمسين

انا ودي اعرف افضل سعر للبيع واقل سعر معقول للبيع بهالمشاكل لا هنتوا

[نديم الخيال]

انا اشوف 40 الف طيبه فيه
خل الشاري يصلح المشاكل ويترزق الله فيه
لوكان سليم ونظيف حييييل مره بودي ومحركات يجيب 55 الف

[راعي النياسين]

45 الى 50 بالمشاكل على حد علمي

والله يكتب لك الي فيه الخير

[محمد مهدي]

عندي سوبر سفاري٩٩ نظيف اذا لك بلبدل هاذا رقمي٠٥٩٨٥٥٩٧٣٨

[أرستقراطي]

يعطيك العافية اخوي مالي رغبة بالبدل

بانتظار مزيد من الآراء ، وشكرا لمن ادلى بدلوه

[5200]

يا اخي ارستقراطي من ٦٠ الى ٦٥ الف طبعا لازم تفحص وتجدد الاستماره اذا كان الباترول نظيف ومكينته وقيره ودبله ودفرنسه ما فيها مشاكل اما اذا كنت تبي تبيع بحالته الراهنه يعني من ٥٥ الى ٥٨ والله يوفقك

[hail_ksa]

قبل فتره بسيطه جاوبوك الأخوان في موضوعك السابق هنا :

http://www.mekshat.com/vb/showthread.php?t=595110

[الضرغامي]

عشان يحكمون الاخوان ارفق صور لسياره. لان فيه ناس تعطي سعر وهم ما يدرون وش حالة السياره الخارجيه ولا الداخليه.

[أرستقراطي]

ما يحتاج احط صور للسيارة اخي العزيز

انا ذكرت المواصفات وطلبت سعر تقريبي ومثل ما ذكرت لك هذا موب اعلان للبيع

[عـاشق الشيهانه]

45-50اتوقع والعلم عند الله السوق ميت

[4x4ofroad]

تمت الاجابه في موضوعك السابق

[راعي الرود]

اذا بتبيع على حالته نفس ماهو و بدون تجديد استماره بالـ45 - 48 دفه .. , خير و بركه

[أرستقراطي]

واذا صلحته وجددت استمارته ؟

[راعي المجهم]

والله أعطوك قيمه طييييييبة

2006 نيسان ربع عادي قزاز عادي وكفر نحيف لونه رصاصي مبيوع امامي

53 الف ريال قبل شهر تقريباً والموتر نظيف

موترك 2002 وفيه مشكله راس وممكن مشاكل ثانية يعني 35 الف مناسبة جدا

[rigidman]

30 الف مناسب جدا والله يرزقك

[نقى المطوع]

VTC 2002 بـــ 30 الف !!!!

والله لو انه سارقة

"واذا قلتم فاعدلوا"

[أرستقراطي]

الله يهديك يا اخي 30 الف !

مسيوم مني ب 41 بعلته وتقول 30 مناسب

[طرقشون]

انا انصحك تصلح المشاكل الظاهره الي فيه

ودخله تلميع ينفضونه لك ووقفه في معرض

وعرضه في حراج ومستعمل

ترا الموتر اذا كان سليم ونضيف داخليه وخارجية يعطي نضره للزبون ويرغبه في الشراء

[مطر وربيع]

نصيحة صلح خراباته ثم بيعه صحيح تخسر وقت وفلوس لكن تعوضها بربح اكثر
الشريطية مايصدقون يلقون عله في السيارة حتى بخسون سعرها

[rigidman]

اخي الكريم الله يبارك لك في سيارتك

خلك واقعي حفظك الله سيارة عمرها 14 سنة تقريبا وقطعت مئات الاف من الكيلومترات وبكلف اصلاحها اقل شي 10 الاف ريال واستمارة منتهية وبحاجة الى فحص وفوق ذلك لا يوجد صورة لها, سيارة مستهلكة . لذلك ارى هذا السعر عادل بالنسبة لشخص يريد ان يستخدم بعيدا عن الشريطية وعن سعر المكينة لوحدها كما ذكر البعض ..
اسأل الله ان يرزقك بسعر يرضيك ويرضي المشتري

[IBRAHIM-0961]

اذا جاك واحد صامل ب35 بع السيارات طايحه الحين

[4x4ofroad]

تونا شارين ذهبي 2002 سوبر سفاري فل الفل بدي وكاله ولوحه مميزه ب 49
ماشي 300 ويمكنك ان تقيس عليه تقيس

[الضرغامي]

ما يحتاج احط صور للسيارة اخي العزيز

انا ذكرت المواصفات وطلبت سعر تقريبي ومثل ما ذكرت لك هذا موب اعلان للبيع

اخوي جعلك في الجنه والمسلمين اجمعين. انا فاهم إعلانك انه للمشوره مهوب للعرض. لكن كانت نصيحه لك انك تنزل الصور عشان الناس تقيم.
انت لو تلاحظ كل واحد عطاك سعر بحسب وصفك لسياره. لكن بوجود صور بيتغير الكلام.

[المتلولس]

من 45 الى 48

[4x4ofroad]

بس ودي اعرف شلون عرفت ان المشكله وجه راس مو راس او شي ثاني بدون ماتفك؟
ودنا نستفيد