البطارية الإلكترونية أم التعبئة

[مزهب الطراقي]

أعضاء مكشات الكِرام

السلام عليكم ورحمة الله وبركاته

أنا بصدد تغيير البطارية فأحببت إستشارتكم بالأفضل البطارية الإلكترونية
أو التعبئة وأرجو ذكر أوجه الفرق من حيث السلبيات والإجابيات

ودمتم

[اسدهم]

لتعبية تكد وتصادف بعضها تكد وبعضهم ابو ستة شهور هذي اذا مطولة والان ماتدري عن الجديد والمجددة

[محب االخير]

والله أعلم
أنا أفضل التعبئة الالكترونية دائما تخرب

[زيد المحمد]

خذ الكترونيه ممتازه عليها ضمان ١٨ شهر

شف وكيلها العيسائي
شريت ١٠٥ امبير ٣٦٠ ريال

ضمانها ممتاز اي وقت تخرب يعطونك جديده

[ماجد الحايلي]

وعليكم السلام ورحمة الله وبركاته
اعطيك وجهة نظري الشخصية من خلال التجربة
او من خلال ما قرات بالمنتديات
البطارية الالكترونية افضل بكثييييير من التعبئة خصوصا اذا
الله وفقك ببطارية اصليه وغير مغشوشة لانها تكد وتمد الى
سنتين او اكثر انا عندي اكسبديشن بطاريته له سنتين واربع شهور
من رمضان قبل الماضي
وبطارية التعبئة تشغلك بالصيانه ولو يتسرب منه شي خرب سيارتك
وبويتها واسلاكها
والناس على قسمين ناس تفضل الإلكترونية وناس العادية لكن قناعتك الشخصية هي الحكم
وشف هالموقع
http://www.assayyarat.com/forums/thread109486.html

[الشرقيه 03]

سؤال مهم من اخونا الغالي مزهب الطراقي وننتظر الاجابه ؟؟؟؟؟

لو كان الامبير 55
فيه اضرار او اشكال لو ركبت امبير اعلى ؟؟؟؟؟؟؟؟؟؟؟

او الافضل مثل ما جات من بيت اهلها 55(الوكــــاله)

[مزهب الطراقي]

الله يبيض وجيهكم جميعًا

ننتظر بقية الأخوة

[الاشهب 507]

انا استخدم بطارية سوبر ياباني الضمان والله نسية لكن هي عايدي ماهي الاكتروني وله معي فوق 7 سنوات ماخربت الا مره واعدة شحنه ورجعة زي الجديدة ولله الحمد اما الي يسائل عن الضرر اذا ركب انبيرا فوق 55 اعلا من الوكاله اقول له مافيه ضرر انشاء الله انا عندي فور رنر 93 بطاريته 50 ولي انا مركبه 70 ولكن اذا سيارتك من الجديده (الخايسه ام كنبيوتر) اعذرني اذا غلطت على موترك لكن الحق ينقال يمكن فيه ضرر على الكنبيوتر والله واعلم واسف على الاطاله

[راعي الجارمن]

بسم الله الرحمن الرحيم

البطاريه ترجع لك
ان كانك بتشيك عليها كل فتره و اذا نقصت عبيتها و كل سنه تكب مويتها و تعبيها جديده ف خذ عايديه
و ان كانك رجال ما تفتح الكبوت ف ركب الكترونيه و كلهم حول بعض سنه او تزيد ثم تخرب اذا ماسويت متابعه و صيانه

[SGL]

http://www.mekshat.com/vb/showthread.php?t=559402
شوف هذا موضوع أخونا كبسوله راح يفيدك إن شاء الله