استفسار بخصوص ونش لاندكروزر 2012

[أبن ثعلي]

السلام عليكم ورحمة الله وبركاته

اخواني الكرام اسعد الله جميع اوقاتكم بالخير والمسرات



حصل معي مشكلة في ونش لاندكروزر 2012 الونش يعتبر جديد ما استخدم


لعدم الحاجه له ويوم احتجته طلع صفر على الشمال الموتر طاح في تغريسه شينه


قلت زين جات حاجته ووقفت موتر ثاني قدام الجيب وشبكت الواير فيه وحاولت اسحب الموتر اطلعه من مكانه ولا حولي احد المهم قعدت ثلاث ساعات احفر


السؤال هنا هل الونش يطلع الموتر اللي مركب عليه ولا يطلع غيره


وفي كل الحالتين احد جرب يطلع نفسه بالونش ولا ...؟


فيه ناس قالوا فحمات وناس قالوا كهرب وناس قالوا للتغريسات البسيطه الخ اتمنى القى عند المجربين اجابه شافيه

الشاهد ان الموتر فشلني وتحسفت على شريته

[sgl2002]

الموتر على ثقل وزنه والونش ماهو بذيك القوة حق شد البلد فما اتوقع يطلع


انا مركب ونش قوي استرالي وقد نشبة كم مره واطلع بواسطه الونش

مره بطين وربطت الونش بطلحه وشل الموتر

ومره بعقم تراب علقت به وربطت الونش بماصورة بيب ونتله

[((ابوملاك))]

حلوه هذي مهو قوي ولا يعمل شئ

بالعكس الونش ممتاااز لكن ونشك خربان

الونش الوكاله يسحب الا ٤ طن

لكن حقك مجيم الونش لازم تشغله وتشحمه كل فتره

[بلاتين]

الونش صنع عشان يطلع نفس الموتر

جربت الونش كم مره فعلا اثبت جدارته الا اذا كان طين وغاطس مره ممكن مايفيدك

ونش البلد ٣ طن طبعا متى يصير ثلاثة طن اذا استخدمت عدد ٢ بكره لانها تظاعف قوة السحب هذا الكلام مذكور بالكتلوج اتوقع لونك شابك بكره في الموتر الثاني ورجعت الواير لموترك كان طلع
اما استخدام الونش مباشره في شجره او في موتر خط واحد يصير يعطيك ١ طن اذا استخدمت بكره واحده يصير ٢طن اذا بكرتين يصير ٣ طن
كل هذا مذكور في الكتلوج والكلام على اي ونش موتر

[الدوسري2010]

المشكله في ونشك اللي اعرفه وجربته انه يسحب الجيب بالراحه

[حسام الجوف]

ليتك توح اكثر للاستفادة وايجاد الحل عندما ربطة بالسيارة الاخر ماذا حصل بالظبط هل تحركة السيارة الاخرى نحوك ام ان الونش لم يتحرك أي انة اضعف من وزن السيارة وشكرا لك