كنت اظن وخاب ظني يابريموس افندي :(

[الشمري 17]

اسعد الله اوقاتكم بكل خير اخواني اعضاء هذا المنتدى الشامخ ،، قدر الله علي واشتريت قز بريموس الاحمر ب300 ريال الا ريالين ومن اول اختبار له في طلعة بنفود حايل سقط في الاختبار بكل اقتدار مماازعلني عليه وكدت ان اقوم بدفنه في مكانه بعد ان سامه احد الاخوة ب40 ريال ههههههههه ،، افيدوني وش السواة الحين كيف يكون قز محترم علماً اني قمت بقص راس اللي وشبكته على اسطوانة كبيرة :( سمعت انه له ترهيمات وطريقة اجهلها ودمتم بود

[GMC79]

اكيد استخدمت محول الغاز العادي طبيعي يكون الاداء رديء

لازم يكون المحول مباشر حنفية يعني

اسأل عن محبس الفراشة وجربه

[GMC79]

مكرررررررررررررررررر

[خطاط]

لي بلده جدا ممتاز ومعي انا زي الحلاوه
واذا تبي زيادة شعله وقوه وانا سبق ان جربته محبس سويدي لاكن خذ الاصلي تقريبا سعره 65 ريال ولي 20 بار وسوف ترتاح ولو انت فوق النفود قوه ممتازه للشعله
ان شاء الله افتك ببعض ماعندي
وبالتوفيق لك
على فكره انا جربت المحبس زي الي في البيت تقص الي وتوصله على طول يجيب الهم ويضيق الصدر!!

[aglanco]

[QUOTE=خطاط;9746990]
واذا تبي زيادة شعله وقوه وانا سبق ان جربته محبس سويدي لاكن خذ الاصلي تقريبا سعره 65 ريال ولي 20 بار وسوف ترتاح ولو انت فوق النفود قوه ممتازه للشعله

المحبس السويدي / مو موجود والموجود المعروض حاليا



▲استوني▲


شوف السويدي الأصلي
▼
▼
▼
http://im38.gulfup.com/mhAmH.jpg (http://www.gulfup.com/?43bTrF)

[كولونيل]

احد ضحايا
اللي كانو مسوين دعايات هنا
ههههه

[أبو شيري]

ياليتك دفنته وارتحت منه
لانه مامنه فايده حتى لو ترهم بس خساير ع الفاضي

يارجال اترك عنك قز وما قز تقل بمطبخ

اي بريموس دفعه للغاز ضعيف والسبب الفتحه الداخليه صغيره جدا
ولاحظ هذا الشي بكل المنتوجات بريموس سوا موقد احمر او راس دافور

انا نفس تجربتك بالضبط شفت المدح بالمنتديات وشريته ومن اول توليعه عفته وتخلصت منه

عليك بالدافور وحط عليه راس هندي اللي يجي شربوش كبير عليه شعله تعجبك ويكفي طلعاتك وطبخك ونفخك
واذا تبي قز وملزم على قز خذ الصيني ابو عينين والسلام

البعض يبحث عن ترهيم راس الدافور وضغط للنار عالي مدري ليه هالسرعه وعدم الصبر يعني كلها كم دقيقه اصبر ليه طاير
الله واكبر من اول صابرين على عين دافور واحد وتلاقي نص العين ما يولع والامور ماشيه واحلى وناسه

[أبوسليمان السهر]

أخي الكريم كان من المفترض عليك
أنك توصل اللي بالدبة الزرقاء مباشرة
لأن اللي مصمم عليها يابعدي
والحين حجة بحاجة:) اشتر وصلة سرهيد
ممتازة وشعلتها قوية :f،
ولا عاد تعاود قص الراس مرة ثانية:D.

[دلهميز]

ما كنت اعرف هالقز لكن شفت له الحين صور ومقطع

في ظني ان هناك اختلاف في ثقافة الرحلات بعض الشيئ بيننا وبين الغرب او الشرق الاقصى او غيرهم,, من ناحية اعداد الطعام مثلا ,, عند الاجانب كل واحد يطبخ قديره او بريقه لحاله بما يكفيه او يكفي اثنان فقط غالبا بينما عندنا غالب الرحلات جماعية والطبخ جماعي لعدة اشخاص بقدر كبير وابريق كبير

لذا تجد الاحجام والقدرات لعدة الطبخ مقاس سمول بخلاف ربعنا

ايضا هم ينهجون غالبا الرحلات الرجلية اللي فيها مشي وتلقى اغراضه كلها فوق ظهره بينما نحن ما نتركى الا على سياراتنا هههههه ... يعني ما هوب كل شيئ ينفع لرحلاتهم تلقاه ينفع لرحلاتنا البرية الصحراوية الجماعية .

اعتب على اهل الجنوب حقيقة ان كان عندهم رحلات مثل رحلات الاجانب بالغابات والطبيعة وما ينزلون مقاطع لهم ,,, او يستفيدون من تشابه ظروف الرحلات بينهم وبين الاجانب ويبينون لنا كيف نمط رحلاتهم ؟

[منسدح واقف]

الله يعينك

شغل الصين نكبات

في نظري مايستحق أكثر من 100 ريال النوع المذكور

[منسدح واقف]

مدري هل تسطيع تركيب له هواية

كما في الشكل التالي فهي المسؤله عن قوة الشعلة

http://www.mekshat.com/pix/upload06/images/2013/11/mk245120_m9999.jpg


أذا أنت بالرياض أنصحك تودية لمحلات البرية ويشوفونه

ويعطونك المفيد

[الوووحيد99]

ياحيالله الشمري

مثل ماقالو الاخوان انت ضحية احدى الدعايات في المنتدى

والله يخسر ولايوفقك كل واحد يمدح سلعته على حساب المستهلك من اجل كسب المال

ولا معقوله بعد كل هالدعايات يحتاج انك تولف له بعض الاغراض

اذا تبي تولف ولف لك قز ابو 20 ريال واكيد راح يعطي نفس النتيجة

[web]

السلام عليكم

مساء الخير والله يبارك بالامطار ان شاء الله ويجعلها سقيا خير وبركة..

مادري وش كنت تتوقع !!
تراه قز عادي زيه زي اي راس دافور ...
انا بس انصح حسب رؤيتي بعدم استخدام الراس المباشر في الدافور ... ادري ان الشباب لهم سنين يستخدمونه ماجاهم الا العافيه وانا كنت استخدمه والحمد الله الله سلم .
لين مره من المرات كنت حاط الكاتم فوقه وحوله الذرى جيت اشيك على الكاتم والمس الدبه الا هي نار تكوي واطفيه واشيل الكاتم عنه وافك الذرى واوخر الموتر توقعت انه بينفحر حراره ياجماعه غير طبيعيه يعني كأنك حاطه وسط جمر ماينلمس ابد .الله سلم لكن كنسلت شي اسمه راس لدافور فوق مع ان الي عندي كان يطرب.(اتوقع لاني كاتمه بالذرى مايمر الهوا عليه)
شريت الشنطه مثل البريموس مادري وش اسمه عند برق الحيا وصيني بعد لكنه كويس وماشي معاي بس النار اتوقع كلها ماهي ذاك الزود عاديه يعني .

[فلسفة]

بالنسبه للمواقد الشنطه الكولمان البنزين والغاز ما بعده شعله تطرب وصناعته ما زالت امريكيه وما يهون المركب الايطالي او الصيني شعلته قوية جداً وسعره رخيص

[الشمري 17]

تشرفت بكل من زار الموضوع ورد علي فكل الشكر لكم اخواني وابشركم القز اموره زانت بعد ما شريت محول فراشة وكبست له لي محترم بالصناعية اصبحت شعلته لا يعلى عليها وفوح بريق الشاهي باقل من 3دقايق ولله الحمد ،،مانستغني عنكماخواني وعن مشوراتكم المباركة فدمتم بصحة

[الحربي حاتم]

ليه مايكون مظبوط من البداية . 300 ريال وبعدها لازم توليف وخساير حسبنا الله ونعم الوكيل

[بن نويشر]

مثل ما قالوا لك الرجاجيل
وده للبريه وهم يضبطونه لك بأذن الله
وفقنا الله لكل خير