فزعتكم يا مكشاتيه ونيت غمارتين F150 XL ابي تجهيزه وين؟؟؟

[yaso]

الحمد لله على توفيقه لقد اشتريت ونيت فوردF 150 XL غمارتين ودي اجهزه للبر بكل ما يلزم من شد وطبق وثلاجه وونش وبطاريه اضافيه ومحول كهرباء وكينوود
ابي نصيحتكم واذا ممكن افكار جديده وخصوصا للونش والبطاريه الأ ضافيه وين احطها الكبوت ما فيه مكان
وش ارخص ورش القصيم ولا الرياض واذا فيه فكره عن الأسعار واحسن اماكن الورش المتخصصه في مثل هذه الأضافات تكفون عجلو علي الموسم بدا وانا ما جهزة
الله يجزاكم خير واذا فيه صور لا تبخلون علي

[مجالس الرجال]

عندك عروق الشمال يجهزونه كامل ماعدا الونش مايركبونه
وعندك السنيدي وعندك مركز شمس بالرس اقل منهم سعر شوي
وشغله متقارب وانا اشوف شد سنيدي افضل كمظهر
الشد تقريبا لموترك 4000 واذا فوق مستوى التندة اكثر
البطارية والمحول اذا هم على خبري 1500 وفوق
الونش عندك ورشة الرقيبة اخبره يركب الونش ب 700 ريال
ومركز شمس يركبه بـ 1200 ريال
والطبق حول 500 ريال
الثلاجة اشتر الويكو خذ 35 لتر او 45 ومحاريهن 3000 ريال
بالنسبة للبطارية الاضافية حطه بالصندوق وركب بالكبوت منظم رفيق الدرب للتأمين وحط فيوز لسلك الكهرب اللي طالع من الاضافية
والاهم توانك ماء المنيوم او البولي إيثلين مصنع الوطني
الألمنيوم 100 لتر يكلف 700 ريال وفيها

[yaso]

الله يجزاك خير ما قصرت بس ما حطيت اماكن المحلات المذكوره ما عدى مركز شمس بالرس والباقي بالرياض ووين؟؟؟ ومنتظر المزيد بارك الله فيكم

[بن نويشر]

شف يالطيب ..
أولا مبروك ..
ثانياً لا بد من وضع ميزانية مدروسة وتسجل احتياجاتك الضرورية واهميتها اولا بأول ..
ثالثاً واهم شي اسئل مجربين ممن ركبوا الشد وأيهما افضل والعيوب ..
رابعاً قم بتقسيم الصندوق حسب أحتياجاتك لكي لا تندم في المستقبل ..
خامساً حدد الارتفاع المناسب لك في الشد .
سادساً اذا كان الفورد 6 سلندر فغسل يدك منه ما يتحمل .
سابعاً حسب علمي ان شد عروق الشمال افضل من السنيدي لسوء تمديد الكهرباء في الشد ..
ثامناً لا تثقل الموتر بتوانك مياه حجم كبير خل كفايتك بحدود الـ 140 لتر .
تاسعاً الانترنت وسيلة ممتازة للبحث عن الأجود فاستعن بالله ثم بهذه التقنية لتوفير طلباتك واحتياجاتك
وبالله التوفيق ،،