ابي استفسار يالله يطول بعماركم على الطاعه

[aana.1]

السلام عليكم

وتهنيكم الرحمة ان شاء الله


حبيت استفسر عن كفرات المظلع

وكفرات الشاهين الي مثل البالون

وايهما افضل


والله يرحم والديني ووالدينكم

[ابوضاري2007]

كان موتري عليه كفرات دنلوب حجريه حق الوكاله

حلوات وطول عمر وتنفع بالحجره وعيبها انها تكسر الموتر لانها قاسيه

وركبت الحين شاهين حلوات ولينه علي الموتر وحقت نفود وارض جلد ويقولون ماتصلح على الحجره

وانتبه منها بالماء زلقه ومع الهواء يلعب موترك هذا اللي عندي وان شآءالله يفيدونك الاخوان اكثر مني

ويصححون معلوماتي اذا بها غلط وفقك الله

سعر الدنلوب الحجري سعرتهم عند البناشر وتختلف من واحد لواحد 650

والشاهين فيه كم نوع

هانكوك لااعلم عنه

ودنلوب شاهين 650

وسوموتوم هذا اللي مركبه على موتر واخذتهم بـ 530 الواحد والمحلات بجنبه على 560

[San Francisco]

أنا أرجح سموتومو شاهين مقاس ٢٤٥ / ٨٥/ ١٦ بس ما ينفع على جنوط الشنبر يبيله هلل ٦انش مريح بالخط مطبه مريح ويفرش بالنفود وفتك من الستك ومشاكله
جربت الدنوب يمسح بسرعه وصوت زعاق الكفرات مع الفات
طبعا وش استخدامك نفود وخطوط ولا حرات هذا الي يحكمك
اذا حرات يبيلك مظلع