اخبار من الشمال عن الامطار و الربيع

[عزو]

السلام عليكم ورحمه الله وبركاتة
اليكم سير الرحلة من الرياض الى رفحاء
الاربعاء الساعة الخامسه مساءاً كانت ممطره على الرياض خفيف وبعد وصولنا المجمعه كان المطر قوي حتى دخولنا الحفرعند الساعه الواحده ليلا تقريبا فالمطرل متواصل دون توقف طلعنا من الفندق وحصلنا شوارع الحفر مليانه من المطر ذهبنا الى روضة الزعبيه صباح الخميس عن طريق روضة بن هباس ولقينا الارض والدروب المؤديه الى روضة الزعبيه بحيرات من المطر والمناقع كثيره والروضه مافيها ماء ابدا ماهي غرقانة وربيعها متوسط ودروب وسط الروضة فيها ماء .
واراضي رفحاء والحفر ولينه منقعة كبيره من المطر وفي فياض على خط رفحه لينه ساموده مليانه من الامطار . وللاسف ماكان معنا الات تصوير
جعلها الله امطار خير وبركه
والسلام
اخوكم
عزو:BUTT1:

[اخو نورة]

السلام عليكم ورحمة الله وبركاته

الله يعم الخير على بلاد المسلمين اجمعين

بالنسبه ليوم الاربعاء فهو سيل قوي على الارطاويه وام الجماجم الى ام عشر سيل سيل. بالنسبه من شمال ام عشر الى لينه وهو اخر ماوصلت اليه الولى زين الى عليها ولكنه اخف شوي من الى ذكرته اول

بالنسبه للزعبيه اخرها من جنوب مليانه ماء من جهة الشرب الحجر الى فيها والدروب الى من اعيوج لينه الى الزعبيه حليوه والفياض الى على الدرب مطينه ولكن مافيها ماء هذا والله شاهدا والله اعلم باحوال عباده

[عجاج]

عشت والله اخوي على الموجز وماقصرت :good:

[راعي عنيزة]

بارك الله فيكم اخوي عزو وابو نوره عزالله انكم جبتو علوم غانمه وتسر الخاطر والله يجيب العطله

[طلال]

مشكور اخوي عزو وابو نوره ماقصرتو موجز وافي عن الامطار الله يجعل فيه الخير والبركه ويعم بنفعه البلاد

[راعي الحزم]

السلام عليكم ومشكورين ياالاخوان على الاخبار الطيبة ودي أسال انتم جيتو الارض عقب المطر والا تمشون مع الوبل وشعيب الارطاوية مشى والا لا الله يعطيكم العافية ( مطرشباط تراه مبروك على الارض يا جماعة ادعو الله يطرح به البركة )

[ذيب البر]

اخبار تسر الخاطر عز الله ما قصرتوا

عسى الله ينفع بها البلاد والعباد

[موج التريبي]

الله يكثر من أمثالكم يا أخوان ، فعلا هذه هي الفوائد ،ونكون قد حققنا الهدف من هذا المنتدى ، وهو تبادل

الأخبار ، وتعميم الفائدة.

سؤال للمكاشيت عن المنطقه ما بين الدخول ولينه ..... عن الربيع ولأمطار الأخيرة.

[hiskol]

مشكورين يا إخوان على ها ألأخبار اللي تسر . الله يطرح فيها الخير والبركة .

[نقا هشال]

مشكور عزو ومشكور اخونوره

الله يبشركم باالخير