محتار وش أطقم كفرات حجري ولا شواهين ؟

[راعي الرود]

السلام عليكم

يا اخوان ودي اغير الطقم اللي على موتري

لاند 2000

بركب هلل 16

بس الكفرات تكرمون وش الأفضل بالنسبه لاستعمالي .. انا راعي نفود وشعبان و راعي جلعده بالردميات

ولا لي بالصيد يعني بالصيف سبات :D

ودي بكفر يرفع الموتر و يبرد التسبد بالنفود و يتحمل بالشعبان

انا بين امرين

يا شواهين

يا حجري

الشواهين طيبه بالنفود و تعجبك بس مدري عنها بالشعبان كيف ؟؟

و الحجري مدري وش وضعه ماسبق اني جربته

وش تنصحون اركب مقاس و نوع الكفر ؟

[((ابوملاك))]

انا انصحك بالحجري اذا تبيه حجر ويمشي نفود برضه وممتاز

اما الشواهين للنفود ومهو انه ماتصلح للحجر لكن الحجريه افضل

[escape_man]

اذا انت راعي نفود وشعبان فدور كفرات بمواصفات all terrain

يعني تنفع لكل الاحوال

اسئل عنها بن جمعان بالغرابي

هذا مثال يساعدك في بحثك

http://www.offroaders.com/reviewbox/showproduct.php?product=672

[abomohannad]

أنصحك بالحجري ابولبنة
على كلام الي جربوه مش بطال بالرمل ويخدمك ان شاء الله بالبطانيج والرمل

والشاهين ممتاز لكن على موترك الأفضل الحجري
واذا تبي شيء رفيع عندك الدنلوب دعسة شاهين ارتفاعه 95
ويجي ارتفاع 85 وهو المشهور على جنط 16

[خبايا انسان]

اذا لك نظر بالشواهين عندي

http://www.mekshat.com/vb/showthread.php?t=605204

[طلال فهد]

أنصحك بالحجري ابولبنة

[أحمد الدهمشي]

وعليكم السلام ورحمة الله وبركاته

يا اخوان الحجري ابو لبنة تقصدون به كفر الكروزر الصالون النحيف؟
حق الجي اكس القديم
اذا هو فهو لين وافضل من الحجري حق الشاص
وشكراً

[((ابوملاك))]

الحجري انا اتكلم عن حق الهدد

[صياد الخبر]

السلام عليكم

عندي فورتشنر 2011

وودي اركب الحجري على جنوط الوكالة

ارجوا افادتي عن النوعيه الممتازة - يفضل لو عريض ايضا للفرش

يرجى التدعيم بصور بارك الله فيكم

[abomohannad]

اخوي احمد , انا اتكلم عن النوعية هذي

http://haraj-qassim.com/images/files/%D9%84%D9%84%D8%A8%D9%8A%D8%B9%20%D8%AC%D9%86%D9%8 8%D8%B7%20%D9%87%D9%84%D9%84%20%D9%88%D9%83%D9%81% D8%B1%D8%A7%D8%AA%20%D8%AD%D8%AC%D8%B1%D9%8A%D9%87 %20%D8%A8%D8%A7%D9%84%D9%82%D8%B5%D9%8A%D9%852_d38 4.jpg



اخوي صياد الخبر , صور الجنط أو حط مقاساته حتى يفيدونك الشباب

[خالد030]

النوعية هذي اسوء نوعية جربته انصحك خذ هانكوك رملي دعسة شاهين لكن عيبه به ثقل شوي

[راعي الرود]

الله يعطيكم العافيه جميع

اليوم مريت الغرابي وشفت الدانلوب و الهانكوك و السوموتومو الشاهين

وشفت ابو لبنه الدانلوب

لقيت راعي هدد عند لزوف يغير طقم طقيت سواليف انا وياه فك الحجريات اللي على موتره و يسبها ولا جازت له وراني كفراته متقطعه جنوبها و تفصخ بالنفود على كلامه

من الشواهين اتوقع الدانلوب افضل من ناحيه شكل و جودة شكلي ابركبه ان شاء الله

وش رايكم بالهلل الصيني اللي عند لزوف ؟ تكد ولا فيها مشاكل و رجه

و هل هي اثقل من جنوط الكروم

[صياد الخبر]

السلام عليكم

جنوط وكالة الكروم

http://fsv-image.autoc-one.jp/images/600336/016_o.jpg


نفس هذة

وغيرت البريجستون من سنه وحطيت شاهين وتندمت

يزحفن واجد بالشارع ولهن صرير صوت ( ما تمسك بريك لو بسيط الى ازحفن )

لجل كذا بخاطري ابدلهن بشي ارسى واعرض

يصلح للديرة والبر

افيدونا

[((ابوملاك))]

الحجري مهو ممتاز اجل وش الممتاز هههههههههههههه


انا ثالث طقم اركبه حجري دانلوب وزي اللوز

[أحمد الدهمشي]

مشكور يابو مهند على الرد والتوضيح
لا هنت.,

[abomohannad]

تسلم ياغالي ولاهان من قال اخوي احمد


اخوي صياد الخبر إذا تبي رأيي خذ لك دنلوب عريض مثل هذا
http://www.mstaml.com/imagesData/i134697588362440056.jpg
وأهم شيء خذ نفس ارتفاع الوكالة ,, يعني إذا ارتفاع الوكالة عندك مثلاً 70 فخذ 70
عندك العرض هذا أنت حر فيه ولكن أنصحك بأعرض شيء 285 أو 275

والدنلوب هذا أشهر نوعية يركبونه الناس , مناسبة للبر والخطوط

[هواي البر فهد]

انا مجرب دنلوب حجري
وركبت شاهين
انصحك بشواهين
طبعن مجرب علي هدد
شاهين خلو خط خفيف وبنفوظ ممممممتاز افضل بكثير من الحجري

[غواص وقناص]

يا إخوان بالنسبة لكفر الفورتشنر نفس جنوط الوكالة
أنا أنصحك بالدنلوب 265-65 نفس مقاس الوكالة
يفرش في النفود ولين على الموتر مو مثل البرجستون قاسي
غيرته الصيف الماضي وطلعت في جبال في الجنوب ولا اشتكى
وأشوف هو الأنسب الدانلوب نفس كفر البرادو