استفسار عن البترول [الأرشيف]

مشاهدة النسخة كاملة : استفسار عن البترول

فؤاد بن سعدون

18/11/2013, 08:46 PM

السلام عليكم ورحمة الله وبركاته اخواني ابي اشري لي بترول 95 ولا ادري كيف استخدامه للبر والمقناص وايش تنصحوني فيه للتجهيزز

سراب الوقت

18/11/2013, 11:41 PM

الباترول ماعليه كلام

اما التجهيز انت اللي تحدد وش تحتاج مثلا تانكي بنزين او ماء

سراب الوقت

18/11/2013, 11:58 PM

الباترول ماعليه كلام

اما التجهيز انت اللي تحدد وش تحتاج مثلا تانكي بنزين او ماء

عربوق

19/11/2013, 12:25 AM

يبيلك تانكي بنزين 140 لتر وتانكي مويه وبطاريه اضافيه وكفرات بالون وسلة فوق التندة عشان تحطب :f وقارمن وكنود وعزبه شاي وطبخ ورجاجيل تحطهم على يمناك وانت وهواك يابن سعدون ..

عربوق

19/11/2013, 12:26 AM

thanks.9

23/11/2013, 04:39 AM

السلام عليكم ,, بفيدك ي اخوي من واقع تجربه : ( طبعاً اذا موترك صالون )

1- طقم مساعدات امامي و خلفي و درقسون ماركة جبريل .

مساعد الدرقسون : لونه ابيض / السعر على ما اعتقد انه ب 160 ريال .
الامامي : يجي لونه ابيض / 3 طقات ( خفيف و وسط و قوي ) حطه على الوزنه الي تعجبك . سعره تقريباً ب 115 ريال .
الخلفي : لونه ازرق - ميزته انه قوي .. صعب انه ينضغط !! سعره تقريباً ب 320 ريال .

2- تانكي مويه فيبر داخلي واقف صناعة مصنع الوادي . سعة 145لتر . سعره تقريباً على ما اذكر ب 225 ريال . عليه ضمان 5 سنوات من وكيله المهيدب ب الرياض .

3 - تانكي بنزين (145لتر / او 120 لتر ) تفصيل ورشة الانجاز ب المجمعه . له معاي 3 سنوات ولا اشتكيت منه نهائياً . سعره تقريباً لل 145لتر ب 750ريال . و ال 120لتر ب 650 على ما اعتقد .

4- تصف عزبك و قشانك كامله ب الموتر - و تعبي تانكي المويه فل / و تانكي البنزين فل - كأنك تبي تكشت اسبوع ب البر , و تطلع للرمايه ب التخصصي وتاخذ من عندهم طقم يايات استراليه ( خلفي و امامي ) و تخلي وقفة الموتر اعلى من الخلف 2سم ك اقل شيء عن الامامي - ( انا افضل 3سم ). بعدين تنزل قشك ب البيت . المقصد من تركيب العفش عشان ترتب وقفة موترك 100% .

5- تروح للسليماني و تركب فرارات النوع الاسود / اعتقد ان سعرها ب 550 ريال . مع التركيب .

6- تطلع لورشة النجيبان في عنيزه ,, و تدخل الموتر عندهم و تقول لهم يربطون و ينفظون لك بطن الموتر ب شكل كااامل .

هذا الي قدرني الله عليه ,, اتمنى اني افدتك ب الي اقدر عليه .

و انتظر معاك مشاركات الاخوان و بقية الاعضاء لتعم الفائده على الجميع .

عاشق البر6

23/11/2013, 10:22 AM

الله يعطيك العافيه على الطرح الجميل الطيب من رجال طيب بس حبيت اسالك وين مكاان تركيب تانكي المويه اقصد وين موقعها بالظبط وشم المنطقه والف شكر لك

راعي الرود

23/11/2013, 10:04 PM

ماقصر الذيب thanks.9 عطاك العلم وافي ..

thanks.9

24/11/2013, 01:40 AM

الله يعطيك العافيه على الطرح الجميل الطيب من رجال طيب بس حبيت اسالك وين مكاان تركيب تانكي المويه اقصد وين موقعها بالظبط وشم المنطقه والف شكر لك

الله يعافيك ي بعدي ,, وانت اطيب و اطيب .

هذا تلاقيه في مكانين ب الرياض :

المكان الاول : الرماية - و سعره عندهم ب 550 تقريباً .. غالين خلهم عنك .
المكان الثاني : ماني متأكد 100% / لكن اعتقد انك تلاقيه عند المهيدب للخزانات على طريق الملك فهد ب الرياض . مقابل لنادي الشباب .
هذي ارقامهم :
مؤسسة خزامى الوادي للخزانات : 011469666 / 0556549666

واعذرنا على القصور ي بعدي

thanks.9

24/11/2013, 01:42 AM

ماقصر الذيب thanks.9 عطاك العلم وافي ..

كلك خير و بركه ي بعدي ,, هذا شيء من لا شيء مما تقدمه انت للاعضاء .

قناص مزاجي

24/11/2013, 02:31 AM

السلام عليكم ورحمة الله وبركاته
المساعد الذي ياتي باللون الازرق " جبرين " لاتشتريه لانني جربته وكان قاسي على الموتر مره ومطبه قاسي وهذا من واقع تجربه وسعره ب 150 ريال للحبه
ابتعد عنه

Abunorh

25/11/2013, 10:03 AM

السلام عليكم
ماشاءالله تبارك الله على الاخ thanks.9
فاد صاحب الموضوع وفادنا معه
جزيت بخير

thanks.9

08/12/2013, 03:00 AM

السلام عليكم
ماشاءالله تبارك الله على الاخ thanks.9
فاد صاحب الموضوع وفادنا معه
جزيت بخير

وعليكم السلام ,,
جزينا ب الخير جميعاً .. وهذا اقل ما نقدر نقدمه للاخوان .

ياما و ياما استفدنا من الاعضاء في مثل هالمواضيع ,, خلينا نفيد بالي نعرفه