أستفسار ﻷهل السنوركل ..

[snorkal]

السلام عليكم ورحمة الله وبركاته ..

الحمدلله وأخيرا أشتركت في هاذا المنتدى الجميل ...
وأنا كنت من متابعين هاذا المنتدى ...

وندخل في الموضوع ...

أنا أحب الصيد السنوركل وأشتريت العدة حق واحد مبتدئ يعني مشي الحال وحاب أتعلم
عليها ألين ما أتقن الصيد . .
بس السؤال ؟؟ فين تنصحوني محلات فيها سمك وحق واحد يبغا يتعلم ...
وأنا من سكان جدة ..وتحياتي لكم :good2:

[القرش الصغير]

عليكم السلام

اهلا وسهلا فيك عالم السنوركل

حبيبي عندك خليج سلمان منطقة مش بطالة

انا اطلع هناك بشكل اسبوعي ادا تحب تخاوينا حياك على العين والراس

[Supurban]

والله شف انا مالي كثير بالغوص والسنكرة
لكن انصحك بمسدس بوشات مارلين مقاس 90 طبعا الجديد
وبالنسبة للاماكن في جدة الاخوان ان شاء الله يفيدونك

[abo 3bdallah]

وعليكم السلام ورحمة الله وبركاته

خليج سلمان ياحلو :)

[م/عبدالله]

وعليكم السلام ورحمة الله وبركاته

انت نسيت اهم نقطة ... وهي الاشتراك في دورة
وهذه هي الخطوة الصحيحه .

[snorkal]

عليكم السلام

اهلا وسهلا فيك عالم السنوركل

حبيبي عندك خليج سلمان منطقة مش بطالة

انا اطلع هناك بشكل اسبوعي ادا تحب تخاوينا حياك على العين والراس


أهلين فيك يا قرش الصغير وعلى الرد الجميل..
وأتشرف أني أطلع معاكم....بس أنا رحت خليج سلمان جهت اﻷحواش..

وأنشاءالله ليلة الجمعة بروح هناك ..الساعة 6 أكون هنااك ... وأذا عندك مطرح ثاني
بجي معاكم:good2:

[snorkal]

والله شف انا مالي كثير بالغوص والسنكرة
لكن انصحك بمسدس بوشات مارلين مقاس 90 طبعا الجديد
وبالنسبة للاماكن في جدة الاخوان ان شاء الله يفيدونك


والله يا طويل العمر أنا أشتريت مسدس تركي لونه أسود مقاس 100

وصاحب المحل قلي هاذا نفس البوشات والقطع الغيار حق البوشات تركب عليه ..
وأنا صدقتوا ﻷنو المسكة حق المسدس في رسمة السمكة ..نفس حق البوشات ..
وأشتريته بي 250

[snorkal]

وعليكم السلام ورحمة الله وبركاته

انت نسيت اهم نقطة ... وهي الاشتراك في دورة
وهذه هي الخطوة الصحيحه .


طيب من فين أحصل هاذي الدورة ...وبكم الرسوم حق الدورة ... و
وهل فيها شهادة معتمدة وتصريح للمسدس
وشكرا يا أخوية أ.عبدالله

[RED SEA KING]

اخوي العزيز سنوركل
أنصحك نصيحة من واقع خبره في هذا المجال
لاتنزل للبحر لوحدك هذا خطر عليك
لابد من وجود شخص اخر معاك

[snorkal]

:good2:[QUOTE=RED SEA KING;9768556]

اخوي العزيز سنوركل
أنصحك نصيحة من واقع خبره في هذا المجال
لاتنزل للبحر لوحدك هذا خطر عليك
لابد من وجود شخص اخر معاك[/QUOTESIZE="5"][/SIZ


جزاك الله خير يا يا أبو وسام...

ومنكم نستفيد

[نايتروكس]

بالتوفيق للجميع ان شاء الله

[القرش الصغير]

ما انتبهت للردك معليش ..

تركت لك رد على الواتس اب ..

فعلا نقطة مهمة مثل ما دكر المهندس عبدالله الدورة بس افتك من الجمعيات الي انا فيها بادن الله اخد الدورة ..

[MR.SCORPION]

السلام عليكم
اخي الكريم نصيحة عن تجربة مثل ماقالو الشباب لاتنزل الا مع شخص والافضل يكون عندو خبرة هي اولا ثانيا بالنسبة للدورة عندك الكابتن مروان حريري ماشاء الله عليه مايحتاج ثالثا انتبه من المسدسات التركي والسوري لانها في بعض الاحيان يفلت بمعنى انه السيخ ينطلق لوحدو وخد شي يستاهل مرة وحدة بالنسبة للدورة ماتتجاوز 1400 وفيها شهادة معتمدة من منظمات الغوص الحر في جميع انحاء العالم ولكن لايوجد لها تصريح للمسدس ولا اي شهادة يوجد فيها تصريح للمسدس ماعدا الغوص وهو عبارة عن تصريح للمسدس للحماية فقط ولا يصرح لك للصيد فيه

[ابن البجلي]

أنا من جدة وأفكر جدياً في أخذ دورة سنوركل

[saay88]

الله يوفقك في عالم الغوص الحر واحسنت الاختيار لانها رياضه جميله جدا