سؤال هام يالربع

[العابر سبيل2]

يااخوان عندي سفره من المدينة الي رفحاء طبعا سوف اسلك طريق المدينة حايل

لكن سؤالي هل طريق حايل رفحاء السريع انتهى او لابد من اخذ طريق حايل بقعاء لينه الي رفحاء

من عنده معلومة لايبخل علي و لكم خالص الشكر والتقدير

[عاشق الفكس آر]

اخوي العابر سبيل من وين تبي تمشي
إن كان من الرياض فاسلك طريق الحفر حتى تجيك محطة البطيحانية بعدين لف يسار ومسك الخط لين تجيك رفحا

[عاشق الفكس آر]

يعني تلف من عند المجمعة وتمسك طريق الكويت الحفر

[abu-turki2009]

أخوي العابر بإستطاعتك ان تسلك الطريق السريع من محافظة الغزالة حتى تصل إلى حائل.ومن حائل الى رفحاء عن طريق بقعاء-تربة-لينه-رفحاء

[ajaa2009]

باقي عليه ما انتهى في وسط النفود واذا موترك دبل وانت عندك خبره من الفود( والنفودممطوره زي الجلد) تفرق اذا بقي على مدينه بقعا 10كيلومع مفرق القليبه سفلت حتي تصل قريه القليبه بعدين صحراء نفود وطرق واضحه بإتجاه الشمال30كيلو ثم تلاقي السفلت واذا معك قارمن تتجه لطعس الحيران تلاقي الاسفلت قريب منه جدا- اما اذا تبي من عندتربه لاتروح لينه رح مع طريق جبله الحيانيه حتى تجي جبل جبله على اليمين
ثم تراطريق رفحا حائل على يمينك نازل من الجبل اطلع معه على طول لرفحا فيه بعض النزلات البسيطه

[العابر سبيل2]

شكرًا للجميع على التفاعل مع سؤالي ونحن كشاته ستكون الانطلاقة من المدينة المنورة بمشيئة الله في اليومين الجاية وسوف نسلك طريق المدينة حايل القديم عن طريق الحليفاء الغزالة ثم مثل ماقالوا الاعضاء عن طريق بقعاء وهذا الطريق نعرف وسبق ان مشيناه مرارا لكن كنت أظن ان الطريق السريع الى رفحا انتهى اشكركم جميعا وللجميع خالص الشكر والتقدير